ESTA 7:9 - Biblía Axweesantá Hhohho' ar Mungú 2004

⁹ Aluuwo sagesihhtusmoó úr oo wák oo doó waawutmo, kudá' taa karmúy, ta bay Harbona, iri oó', «Xa'anooko i deer oo tlenaango miíta mibeeri tsár nee tsár, Hamani guna amohhe'eés as Mordekai nguwa gawaadá' i tarereei, kudá' waawutmo gwaa tuu/ ar axweesantós, Hamani gwa sihhtís bihhaá do'ós.» Waawutmo iri oó', «Hamani gawaasíng ti tarere'e'.»

ESTA 7:9 Iomraidhean Croise

2 WAAWITÁ 9:32

Yehu iri gáwtí qaytsiít iri oó', «Heé bartaeé' ni dirií' a heemá?» Geeraharuusér tsár laqaá tám nari tsee/áy harqaytsitiyé' ar pa/ángw do'.

ESTA 1:10

Bál faanqwe waawutmo muunaáwós iwa qwalaá/ as difaái ngiwa xuúf, mukdá' faanqw taa karmuumúy, kudá' gu sagadiyumamiís, guri ateét. Mukwí an ín Mehumani nee Bista nee Harbona nee Bigta nee Abagta nee Setari nee Karkasi.

ESTA 5:14

Naagáy hareerós Sereshi nee mulqeerós sleémeero Hamani kuri báy, «Xa'anoó tleér kungu tleehhi oo miíta mibeeri tsár nee tsár, daqaní matlo matlaatleero waawutmo ku ádbeér Mordekai ku gawaadií tarereei. Daqaní tari dát ar qwala/ baraá muruú /aymár i alé dinkwa nee waawutmo.» Axweesantí Hamani gari slaá', xa'ano guri tleéhh.

ESTA 6:14

Qoomár tawa baraá axweesántí kahhi, sagesihhtuusér doó waawutmo tidá' taa karmuumúy iri hardát, as Hamani kuwa harakeesi nee kuwa huwi baraá muruú /aymár Esta aa amohhe'és.

ESTA 6:2

Naxés baraá kitaábuuwo didá' kana harasliqiít, ar Mordekai kaangw nguwa duxún oo xuumuuseedár afkú doó waawutmo Bigtana nee Tereshi, mukdá' taa karmuumúy iwa waawutmoó gaasár wa slaiya'.

ESTA 8:7

Aluuwo waawutmo Ahasuero waawuto'o Esta nee Mordekai kuduú heé Yahudi giri báy, «Ga/aawaak, Esta aga doó Hamani haniís, inós kwa tarereé', as adoodá' iwa tsabín múk Yahudi nguwa qwaareesi.

ESTA 9:14

Waawutmo adoodá' gari oó' kawa tleehhi, afo gari ilahariís baraá Susa, daaqaydá' mibaangw oo Hamani kuri tarereín.

ESTA 9:25

Ala qoomár Esta iwa amór waawutmoó keér, waawutmo hara'aya gari oó' barwadu kiwa gooin as adoodá' tlaakw Hamani aa qoomeés daanduú múk Yahudiro kawa gawaawós i tleehhi nee daaqaywós kuwa tarereín gawaá xa'ano.

WARA'AMI 141:10

Tlakuuse i pahh baraá tsaaxweelay'ín kuduú kilá', qoomár án bar aga waaraáhh ar saxareema.

WARA'AMI 35:8

Inooínaá kilá' i hhane', nee tsaaxweelidá' naa qaasiyé' ngi ohiin, sleémeero i baraadií qororo'otiye'.

WARA'AMI 73:19

Adoorí a adoomá kira hhaamiís ar wa'aá wák, kina suquúy ar adór de'e tlaqa.

DANIELI 6:24

Waawutmo hara'aya gari oó' ar mukdá' Danieli gwa safool kuwa uhin nee kiwa kwakwahhi baraá mar'idár direeri dinkwa nee tlaaway'ine nee na/ii'ine. Inooín kina gawa aleeáy nee direeri nee kiri faák dír nira hardihii'iiká faduuín kiri suwawa'án.

DANIELI 6:7

Ateékaá geeraharuusér uren taa qás, nee sagesihhtuusero, nee ga/aawuuse, nee hara'ayuusero nee geeraharuusér ayeemowo, sleémeero taa kaahi slawaán, asma aga araán i qoón kuúngú waawutmo, hara'aya kawa o' nee masók aqo kan eehar adoodá' kas hariím. Masók har afiqoomár deelór mibeeraá tame, hee tam gaalá gaa mingiwa firín, tam dír mungú gaalá, laqaá tam dír heemá, ala masók aqo dirók kuúngú waawutmo. Hee barnaxes hara'ayaarí gaa sií' ku kwahhi baraá mar'ír direeri.

1 SAMUELI 17:51

Daudi iri ta'aaín, iri sihhiít gawaá daanduú Goliati, paángár Goliati gari tuuntsiís, guri isa tsaát iri gwaá'. Múk Filisti kawa ár adór migusmooín kura gaás, tana /akumiít, tari tlatlaáhh.