ESTA 7:8 - Biblía Axweesantá Hhohho' ar Mungú 2004

⁸ Aluuwo waawutmo nay kií/ amór asalmo wa alé ay dír xufta. Qoomaarihe Hamani aa yaamií qaát dír geeraá kitangwdá' Esta i diri', waawutmo iri oó', «Adoorí a adoomá, xáy waawuto'o gan /uurúr oóhi dír geeraaeé' wa alé, slám a baraá doó waawutmo?» /Aymuuwí iwa ti'iít baraá afkú waawutmoowo, Hamani kuri gitsee/a tuuntuúk.

ESTA 7:8 Iomraidhean Croise

ESTA 1:5

Alaá slahheeriiká' lahhoó' niwa faakiyé', waawutmo muu sleémeero oo urén nee oo ninakwe oo baraá gixsár ur ar Susa, guri muruú /aymár úr i amohhe'eés baraá afeenír asalmoó doó waawutmo. /Aymaarí ina kumaamít ay deelo faanqw.

ESTA 1:6

Didaádá' kaa parootuús ar warqamaá /awak, nee awa sirbo/, awa taa tleéhh ar kataánír hhohho'. Warqeemooká' kaa munga'aá /awák i tsegiít ar tlin'aá hhohho' awa kitaánír sirda/aten, kiri tarereín gawaá uheemaá taa tleéhh ar marumaru. Didae kiteeraá bununuqá', awa taa tleéhh ar sahaábu nee muqslár /awak, kaa qaás gawaá sakaáfuú taa tleéhh ar marumaru nee luúlu nee tlaa/aá tlaxo uren.

ESTA 6:12

Aluuwo Mordekai iri kií/ afkú doó waawutmo. Ala Hamani iri ta'aaín ay amór do'ós, i tsuunqumiis, sagós gwa tuuntuúk.

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

YOBU 9:24

Yaamu bar múk tlákw gaa sa waawuti'ín, inós kwasleemuuse gan tsaahhár /iit. Barnaxes heé adoorí ga tlehhahhiít a inoseeká, kár ala a heemá daqaní?

ISAYA 22:17

Kuúnguusíng /uuruú koóm, ga/aaweek, AAKOÓ MUNGÚ kuúng u kwaahh tari hhiturút. Mungú kuúng un nagwaahh uri tukuuntukaakín,

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

AMOS 3:12

AAKOÓ MUNGÚ i kaahi, «Adoodá' de'eemusmo ya'aá tsár ngir afkú dirángw wa tu/i, laqaá iiár bee/i ngiwa tu/i, an adoodá' múk niiná oo Samaria ir kotsqoti, kudá' hamí guá' baraá qateenaá hhohhó' wa alé, nee inqwaruú hhohhó' ngwa hhafine'.»

Marko 14:65

Bahh'alé nguri iimu/uné' i tsuuquungo, kuri ila' tuuntuúk, kway tuu'uút ar kundi'i, ku babay, «Heesíng u tuu'uút ar kundaay a heemá, ooang.» Tam xuumuuse sleeme tlaaqarmaawós giri múx.