ESTA 7:7 - Biblía Axweesantá Hhohho' ar Mungú 2004

⁷ Waawutmo niri dír muruú /aymár wa tláy ar xarasleema, iri dáh baraá asalmooduú doó waawutmo, Hamani iri didií meét as slafiingós nguwa firin dír waawuto'o Estawo, asma gaa tsaáhh, adór waawutmo ira tsabín nguwa gár tlaákwí tleehhi.

ESTA 7:7 Iomraidhean Croise

ESTA 1:12

Ala mukdá' taa karmuumúy kangwduú waawutmo nguwa ooiyé' dír waawuto'o Fashti, inós iri sí' daqeemuuwo. Waawutmo iri qa/iít buhhtaawo, buhhta niri baraawós wa kumamitiyé'.

ESTA 1:5

Alaá slahheeriiká' lahhoó' niwa faakiyé', waawutmo muu sleémeero oo urén nee oo ninakwe oo baraá gixsár ur ar Susa, guri muruú /aymár úr i amohhe'eés baraá afeenír asalmoó doó waawutmo. /Aymaarí ina kumaamít ay deelo faanqw.

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

WARA'AMI 112:10

Múk tlákw kaangwí bur ngwa ár tan buuhh. Inooín ngun /atlií /ayiyá' asma adoodá' kawa sií' ala nari ilaá wá qwaariyá'. Harahhifór heé tlaákw i payshút.

AXWEESANOÓ SAGALOOA 14:19

Múk tlákw i tumbarara'aat dír múk hhó' i alé, nee kudá' tlakweemaá tlehhaahhitá' i tumbarara'atiyá' dír afér maraá múk gan'amúr hoót.

AXWEESANOÓ SAGALOOA 14:35

lawaalmoó sagalooárár hoót waawutmo gu gurií baa/, Ala xarasleemaawós in gawaá heé mure wásl.

AXWEESANOÓ SAGALOOA 16:14

Buhhtaá waawutmo a adór heé gwa'ara naa ya/áp. Ala heé sagalooár koóm gin har'oh.

AXWEESANOÓ SAGALOOA 19:12

Buhhtaá waawutmo a adór /orootlór diraangw, Ala hhooeemaawós a adór har'uú baraá tsaaráy.

ISAYA 60:14

Daaqoó mukdá' iga baramaanuus ni hardah iri i tumbarara'aat. Kudá' sleémeero iga waaqaqaiye' ta xupuu' dír ya'aawók. Inooín kiíng iri baya', ‹Gixsár AAKOÓ MUNGÚ, Siyoni ar kudá' hhoohhoó' oo Israeli.›

DANIELI 3:19

Naagáy Nebukadnesa iri qa/iít, gitsee/aawós niri warqayé' asma ín Shadraki nee Meshaki nee Abednego. Iri oó', «Asla ló'wa slaxaak sagaáwa faanqw ta tidár /iisirkohe.»

Geehhoeemaá 3:9

Ga/aaweek, mukko i deer oo Neetlángw eeharahár. Inooín ta kaahi atén a múk Yahudi, ala laatí a loeká, ala inooín a lamuuse. Aníng mukwí ngu /uurutís as iwa amoorók i hardihi, nee iwa tumbarara'aati dír geeraawók i alé, as inooín ngiwa tsaahhiya' adór aníng kuúng ur slaá'.

1 SAMUELI 20:7

Bar aa oó', ‹I qoón.› Naagáy ka xú' adór anuú sagadiyusmoowók muruueé' ir qón. Barnaxes aa buúhh, daqaní gár daanduueene aa tsabín ka tlaakw.

1 SAMUELI 20:9

Yonatan iri oó', «Inslawaysíng kuúng u wa pa/i! Ar ló', bar geera a xuú', adór baabuúeé' ira tsabín kuúng uwa gár tlaákwí tleehhi, ala ngiqo oóaáke diroge.»

1 SAMUELI 25:17

Hám daxta kiíng kaangwí na alqaytsiteek, nee adór tleehhamooro ta alesleer na tleehheek. Asma gár tlaakw kaa tsabín daanduú aakoó doorene nee daanduú doorene. Nabali a heé tlaákw, tam heé axweesantá dirós ga qiítl i kaahh.»