ESTA 7:4 - Biblía Axweesantá Hhohho' ar Mungú 2004

⁴ Asma atén taa haniís, aníng nee muk'eene as tiwa hhaamisi nee tiwa tsu/i nee tiwa suquy. Alók geeraawo atén tin lawaalér /ameena nee hhawaate tleehh, alók a dir'eéní xasliít, tam adoorihe slahh'amuurén ku alqoomeesiiká nee basloó waawutmo gu sláw.»

ESTA 7:4 Iomraidhean Croise

NEHEMIA 5:5

Ala slaqoorén aqo adór slaqwaá hhaeerén, na/iirén aqo adór na/ii'ín. Laatí daaqayrén nee dasuurene ina dahasaán baraá lawaali'iima, dasuurén bahh'ale i baraá lawaali'iima. Ala adoorí ba/to a aleeslawanaaká, asma múk yaariír i qamuurén kón nee sabiíburene.»

ESTA 3:13

Barwaduuká' kiri múkwár ya/aáw ay baraá ayeemo sleémeero awa waawuti'iima, tawa kaahi, «Bál slahhángw mibaá nee tsár bar mibaá nee tám, kudá' ta bay Adari, múk Yahudi sleémeero, masoomba nee bariise, /ameena nee na/aá qaweero sleeme, sleémeero ki qwaareesi, nee kiwa tsu/i, nee kiwa hhaamisi nee muruuín ku hayoohi.»

ESTA 3:9

Barnaxes kuúng waawutámo a slá', barwiito'o gooimeek ar kiwa hhaamisi. Aníng talántár kume mibaangw ar muqslár /awak a haniís dír kudá' gadiyeésíng ngi sagesihhiitá', as ngiwa qaasiya' baraá tlakoó peésár waawutmo.»

ESTA 7:5

Waawutmo Ahasuero waawuto'o Esta gari báy, «Heesíng a heemá, nee i diimá, kwisíng adoosíng gaa qiitl tleehhamooro?»

ESTA 7:6

Esta iri ó', «A wakusmo, a tsu/utusmo Hamani, heewí ló'wa tlaákw.» Hamani gura' ma'aay ngway dalaa/iyé' dír geeraá waawutmoowo nee dír geeraá waawuto'ooro.

ESTA 8:11

Baraá barwadukae waawutmo, múk Yahudi guna pa/ángw i haniís baraá umuúqo gixsaro tawa burumburiiti as slafingw'ín nguwa xuna', mikiwa tsuú/, laqaá mikiwa hhaamiís nee mikiwa qororo'oós, nee slaqwaruusér xoordu baraá ayeemoowo as inooín mikiwa i haratlay, na/ii'ín nee /ameenar'ine nee daqaari'iimar'ín makawa haasaáng wa ar tláy baraá ayeemo sleémeero awa waawutmo Ahasuerowo.

ESTA 8:6

Asma adór nir qiitl slahh'amuú amór muk'eé' káw nguwa ga/aw? Adór qitla ngur aleeslaw qwanoó mar'eefooeé' ngur ga/aw?»

ESTA 9:25

Ala qoomár Esta iwa amór waawutmoó keér, waawutmo hara'aya gari oó' barwadu kiwa gooin as adoodá' tlaakw Hamani aa qoomeés daanduú múk Yahudiro kawa gawaawós i tleehhi nee daaqaywós kuwa tarereín gawaá xa'ano.

DANIELI 6:2

Múk urén oo tám sleeme guna qaás oo mukdá' gu geeraharahaár. Baraá mukwihe Danieli a heé wák. Kina qaás as muruú waawutmo nguwa harmagahhiya' nee badeé munguwa /ák.

Yoeli 3:6

Slamí múk Yuda nee oo Yerusalemu una weerisé' dír múk Yunani as kiwa loohatisa' amór saáw i alé dír yaamuine.

AMOS 2:6

AAKOÓ MUNGÚ i kaahi, «Aníng múk Israeli muxtaaro u mawaaká, as tlakweema ngiwa tlehhaahhitiyé'. Asma inooín múk gan'amuú koóm nguna weeramiisiyé' ar peésa, nee narkuutmoó iinár niina gaa harslaaqaat bu'utuwo kuna weeriís ar ya/atá tsár.

Luka 12:45

Ala i ya/aán sagadiyusmoodá' iwa baraá muunaáwósí ooi, ‹Qaytsiít, aakooeé' ki/imawo naa tliík.› Ala tí ooaro binga hhe'eés, sagadiyuuseedár hatlá' ar hhawaate nee ar /ameenaaro gari muxtár áy. Inós iri /ayín nee iri wahán nee iri ooniit.

DABE 28:68

AAKOÓ MUNGÚ, kuungá' nu yaamaá Misrírí ki/is ar miringamoó baraá ma'aay, aa'aá aáng niwa oó', kuungá' i male keera'aaká. Amoodae kuungá' tin mak kiloohúng weerisá' dír wakuuserhúng as tawa lawaaler'ín ar hhawaate nee ar /ameenaaro, ala heé kuungá' nu tlaáxw i kaahh.»

YOSHUA 9:23

Asma adoorí kawa tlehhé', Mungú kuungá' naa lu'ús, mukhúng i lawaale tleehhiit, migír kun tlaaq, nee a hheekuusér ma'aá doó Munguú Israeli.»

1 SAMUELI 22:23

Kuúng dir'eé' wa hootang, ma da'ayumiitaar, asma heé slafingw'eé' leelehiít an kudá' slafiingók leelehhiít, kuúng dir'eé' nawa hooteek ar amohhooa.»