ESTA 7:10 - Biblía Axweesantá Hhohho' ar Mungú 2004

¹⁰ Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

ESTA 7:10 Iomraidhean Croise

IIMU/UUNGW 40:22

Ala heedá' úr oo múk mikaáte ga tlehhaahhiít kuna tarereé', adoodá' Yosefu ngira alki/iít.

ESTA 2:1

Alaá kaangwihe buhhtaá waawutmo Ahasuero nina faakiyé'. Ala tlehhmuuduú Fashti aa tléhh aa qwaariiká baraawose, dinkwa nee tidá' taa oó' daanduuwose.

ESTA 5:14

Naagáy hareerós Sereshi nee mulqeerós sleémeero Hamani kuri báy, «Xa'anoó tleér kungu tleehhi oo miíta mibeeri tsár nee tsár, daqaní matlo matlaatleero waawutmo ku ádbeér Mordekai ku gawaadií tarereei. Daqaní tari dát ar qwala/ baraá muruú /aymár i alé dinkwa nee waawutmo.» Axweesantí Hamani gari slaá', xa'ano guri tleéhh.

ESTA 7:7

Waawutmo niri dír muruú /aymár wa tláy ar xarasleema, iri dáh baraá asalmooduú doó waawutmo, Hamani iri didií meét as slafiingós nguwa firin dír waawuto'o Estawo, asma gaa tsaáhh, adór waawutmo ira tsabín nguwa gár tlaákwí tleehhi.

ESTA 7:8

Aluuwo waawutmo nay kií/ amór asalmo wa alé ay dír xufta. Qoomaarihe Hamani aa yaamií qaát dír geeraá kitangwdá' Esta i diri', waawutmo iri oó', «Adoorí a adoomá, xáy waawuto'o gan /uurúr oóhi dír geeraaeé' wa alé, slám a baraá doó waawutmo?» /Aymuuwí iwa ti'iít baraá afkú waawutmoowo, Hamani kuri gitsee/a tuuntuúk.

ESTA 8:7

Aluuwo waawutmo Ahasuero waawuto'o Esta nee Mordekai kuduú heé Yahudi giri báy, «Ga/aawaak, Esta aga doó Hamani haniís, inós kwa tarereé', as adoodá' iwa tsabín múk Yahudi nguwa qwaareesi.

ESTA 9:14

Waawutmo adoodá' gari oó' kawa tleehhi, afo gari ilahariís baraá Susa, daaqaydá' mibaangw oo Hamani kuri tarereín.

ESTA 9:25

Ala qoomár Esta iwa amór waawutmoó keér, waawutmo hara'aya gari oó' barwadu kiwa gooin as adoodá' tlaakw Hamani aa qoomeés daanduú múk Yahudiro kawa gawaawós i tleehhi nee daaqaywós kuwa tarereín gawaá xa'ano.

YOBU 18:8

Ya'aawós awa kilá' nguri baraá tsaaxweelírií huwiyá', umuúqo bir hi'iimiit aqo bohoongw gun harasliqiit.

YOBU 20:8

In qwaar adór tlata, kuri baloó ariiká male ale, in qwaar tari adór iigu'utuú xweera.

WARA'AMI 37:15

Ala tsati'ii'ín kudá' ngin i ki/iyá', inooínadaá kilá', nee ga/alduín kudá' sleeme nay qeqtiná'.

WARA'AMI 7:16

Tlakweemawós ngun saki/iyá'. Hara/untsawós ngun saki/iyá'.

WARA'AMI 94:23

Tlakweemaaín kudá' i tlehhahhitiya' gin gawaaínií ki/is. Inooín kin hhaamiis as tlakweemaaín. Eeít, AAKOÓ Munguúrén gi qwaarees.

AXWEESANOÓ SAGALOOA 11:27

Heé hhooeemaá leelehhiít ar ilakaahara A amohhooa gan leelehhiit, Ala heé muruú tlákw gu mitsiím gu sláy.

AXWEESANOÓ SAGALOOA 11:8

Heé hota ganaá' baraá slahh'amko kun tuu/. Heé tlaákw afkós guri /aay.

AXWEESANOÓ SAGALOOA 26:27

Heé bohóngw foliít as heé hatlá', inósuú kilá' gun oh, Nee heé tlaa/ár gwangwara'aám inós gu harakí/.

YEREMIA 34:17

Hám daxta, anuú AAKOÓ MUNGÚ a kah, As kuungá' aníng iwa iialooeesi'iiká, as lawaaleedá' kawa gwedi'iiká. Ar ló', aluuwo aníng kuungá' nu gweér, aníng kuungá' nu gweér as tunduwa tsu/i ar paánga, nee giyeé nee tiqtír pu/i. Aníng xoordu sleémeero i dae tsaát, qoomár birnga axaasiyé' tidá' ni tleehh.

ESEKIELI 5:13

«Adoorí an adoodá' buhhtaeé' nir faakiya'. Aníng muner'eé' daqaní i tsauúr nee muunaáeé' iri qwalaa/. Diirihe kuungá' kari tsahhá' adór anuú AAKOÓ MUNGÚ, nura sakwasleemuút, asma aga buúhh ló'wa ale as kuungá' tawa inkihhimu waslesé'.

DANIELI 6:24

Waawutmo hara'aya gari oó' ar mukdá' Danieli gwa safool kuwa uhin nee kiwa kwakwahhi baraá mar'idár direeri dinkwa nee tlaaway'ine nee na/ii'ine. Inooín kina gawa aleeáy nee direeri nee kiri faák dír nira hardihii'iiká faduuín kiri suwawa'án.

DANIELI 6:25

Aluuwo waawutmo Dario barwiito'o gari gooín amór tlahh'aá muu sleémeero nee xoordu nee tsifri sleémeero, «Aníng kuungá' nu wayduú úr i slaá'.

SEKARIA 6:8

Naxés aníng iri ateét, iri báy, «Ga/aaweek, farsuudá' aa yaamaá bihhaá /iikú xuu', buhhtaá Aakoó Mungú ngaa tsaeesiyé' amór yaamaá /iikó.»

HAR'OHUUSE 15:7

Samson iri oó', «Gimsé' daxta barqo adoosíng, aníng li/aay ngu buú' dirhúng i alé, daqaní aníng a tláw.»