ESTA 6:6 - Biblía Axweesantá Hhohho' ar Mungú 2004

⁶ Hamani iri dáh waawutmo guri báy, «Heé waawutmo i uráy haniisár wa slai gár kwi tleehhi a milá?» Hamani iri baraá muunaáwósí oó', «Heé waawutmo i uráy haniisár wa slai ta aninge a heemá?»

ESTA 6:6 Iomraidhean Croise

ESTA 1:15

«Waawuto'o Fashti adór ka laqaan a adoomá ar adoodá' dabe i dir'a, asma adoodá' waawutmo Ahasuero mukdá' taa karmuumúy nguwa amoorós i ya/aáw gaa tlehhká?»

ESTA 5:11

Hamani giri yaareemaá daqaari'iimarósí alki/iít, nee daaqaywós oo yaariír nee adoodá' waawutmo nguwa uráy haniís, nee nguwa baalírí haniís daanduú geeraharuuse nee sagadiyuusér waawutmoowo.

ESTA 6:11

Hamani tlaba' giri taataáhh nee faraásiro, Mordekai gway tsiitiís nee gway tsa/aás gawaá faraási, tay waaraáhh ar loohír ur ar gixsa, nee i haratseeamín iwa kaahi, «Adoorí an adór kway tleehhi heedaádá' waawutmo i uráy haniisár wa slai.»

ESTA 6:5

Naagáy lawaalér waawutmo guri beér, «Heé wa/ameerí a Hamani.» Waawutmo giri báy, «Ni dahi.»

ESTA 6:7

Hamani waawutmo guri báy, «Kudá' waawutmo i uráy haniisár wa slai,

ESTA 6:9

Tlabaadá' nee farasiro ki haniis dír geeraharusmoó úr, kudá' waawutmo i uráy haniisár wa slai ngu tlabaakár tsiitisi, nee guri baraá loohír úr ar oohis nee i hara tseeamin iwa kaahi, ‹Adoorí an adór kwi tleehhi heedaádá' waawutmo aa uráy haniisár wa slaá'.› »

WARA'AMI 35:27

Kudá' waangexwaarar'eé' ngi sa qwalaala/á', i baraa/iye' nee i qwalaala/iye', nee i ooiye', «AAKO i xirfuuti, asma iwa qwalaala/i as amohhooár sagadiyusmoowós!»

AXWEESANOÓ SAGALOOA 1:32

Asma muu bira sií' baraá iimibo/ár wa alé an gár gi tsuu/, nee daktana bar daktu'uumar'ín ngaa algeemayé' gi hhaamís.

AXWEESANOÓ SAGALOOA 16:18

Heé hhitiruút in ala daaraa/uut, nee dee/aanu in giirín dír hee ira huuiiká.

AXWEESANOÓ SAGALOOA 18:12

Dír heé ira hhiturutiiká in ala geerií daara/uut, dír hee kura ilaiwawa/iiká tin ala niinawees.

AXWEESANOÓ SAGALOOA 30:13

Barakarka aga aandiiká, daara/aango in tawo gáwtí gú', Ala gár ta tsatsahhan i káhh.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

YEREMIA 32:41

Aníng in saqwalaá/ ngiwa hhooeemáy tlehhiit, nee aníng inooín in baraá yaamuukií qaás ar inkihhimu nee ar muunaáeé' sleémeero, nee ar qeeruueé' sleémeero.»

OBADIA 1:3

Daara/ángw muunaáwók ina al/agín. Kiíngadá' hotaatiim baraá mar'ór tlaa/é wa alé, kiíngadá' do'ók ugwa tlehh gawaá tlooma, hanoosáy a baraá muunaáwók i kat, «Heé aníng aweeriisaro i asláw a heemá?»

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Luka 14:9

Heedá' do' loó' kuungá' naa dahi'is tsaraawo, birna hardáh nuri bay, ‹Kiteeriisíng geexawaak, mukwí ngi i iwiiti.› Daqaní kuungá' tawa iwtanángw eera' amór kiteeraá waaqa'atiitá', ka slasla/aar.

Yohana 5:23

as muu sleémeero Garma nguwa ilaiwawa/i, adoodá' Baabá kur ilaiwawa/i. Heé Garma gu ilaiwawa/aaká, tam Baabuúdá' Garma ngwaa ya/aaw gu ilaiwawa/iiká sleeme.