ESTA 6:13 - Biblía Axweesantá Hhohho' ar Mungú 2004

¹³ Naagáy Hamani hareerós Sereshi nee mulqeerós gay kangwdá' i alki/iít sleémeero kudá' gwa slay. Mukós kuduú sagalooár koóm nee hareerose nguri bayé', «Ala bar Mordekaisíng uray gwaa sláy, slamí inós a heé Yahudi, kuúng a alesleeraaká nee heesíng tiwa tlaampa'asa', kuúng kangók i kaahh.»

ESTA 6:13 Iomraidhean Croise

IIMU/UUNGW 24:66

Sagadiyusmoodá' tidá' sleémeero aa tleéhh gari alki/iít dír Isaka.

IIMU/UUNGW 40:19

Alaá deelo tame Farao sagók gu tsaat, nee slaqwtók kari tareree' gawaá xa'ano, nee gwares fu'unaywók giri /aay.»

IIMU/UUNGW 41:8

Tam matlaatleero looa niwa tleér, muunaáwós i ló'wa gurhaamuut. Muu guna ya/aáw as qwaslaare sleémeero nee mukdá' sageelooén oo baraá yaamaá Misri kiwa ateeti. Mukdá' niwa hardáh, Farao tlataawós giri alki/iít. Ala heé tlataawós waagweeraro gaa aleeslay i kaahh.

YOBU 15:24

Da/a/amoó slahh'amaaye gun dae tsaat, adór heé slaqwaruusér waawutmo aa i haraatleér.

YOBU 16:2

iri oó', «Ar yaariir aga axamaamiís, gurkwa/amisuuhúng i slahh'eemiis.

WARA'AMI 105:15

Aakoó Mungú iri oó', «Sagadiyuuser'eé' ar hhohho' ma kwatiitara', aaruuser'eé' ma gár tlaákw i tleehhara'!»

AXWEESANOÓ SAGALOOA 28:18

Heé hoót ar tsaeema ku ba/amis Ala heé muruú tlákw gu eeharahár in huu' ar wa'aá wák.

DANIELI 2:12

Waawutmo muuna gway gaás iri lo'wa daa/atúy buhhtaawo hara'aya gari oó' múk sageeloén oo Babuloni sleémeero kuwa tsu/i.»

HOSEA 14:9

Heé sagaloó' muruuwí ngu tsaahhi. Heé daharuú koóm muruuwí ngu xui. Asma lohdaá AAKOÓ MUNGÚ i ganaaiyá', nee múk ganaá' lohuudá' gin eehar. Ala múk tlákw in dukuuts baraadae.

SEKARIA 2:12

Nee AAKOÓ MUNGÚ xoorór Yuda gari aal, baraá yaamuudá' hhoohhoó' wa alé, inós Yerusalemu gay malé tsawaar.

FAARO 24:9

Ina xupuú' iri yaamií qaát adór diraangw, a adór dirángw /ameeni, heé gu qiítl gwarangwarto? Umuúqo heé kuungá' naa tsuuq ku tsuuqi, umuúqo heé kuungá' naa lu'us ku lu'usi.»

DABE 32:10

Inooín gina baraá yaamaá xaanxáy áy, darmuú tawo oo fur'ár xaraasl ga koóm, giri baqamín, giri amohhe'eemiís, giri xún adór maamár iltós.