ESTA 6:12 - Biblía Axweesantá Hhohho' ar Mungú 2004

¹² Aluuwo Mordekai iri kií/ afkú doó waawutmo. Ala Hamani iri ta'aaín ay amór do'ós, i tsuunqumiis, sagós gwa tuuntuúk.

ESTA 6:12 Iomraidhean Croise

2 SAMUELI 15:30

Ala Daudi ina kumamiít iri tsa/án tloomár Seituni, i hara /aa/amín, i ya/ataá konká, nee sagós gwaa tuuntuúk. Tam mukdaádá' sleémeero nee inós ti alkoomá', sagér'ín kaa tuuntuúk tawa tsa/aa/an gawaá tlooma, ta hara /aa/amín.

2 SAMUELI 17:23

Ahitofeli ngiwa ár adór axweesantós kara kaángwí sií', iri tsa/án gawaá daqwaywós, iri waátl amór do', baraá gixsarós. Iwa hardáh muruú dír do'ós guri qoomeés. Tari tarereé', iri gwaá'. Kuri foól baraá /aantár baabuúwós.

1 WAAWITÁ 20:43

Naagáy waawutmoó Israeli iri waátl amór do'ós Samaria, muuna gwa gaás, slám ina ló'wa gurhamuút.

1 WAAWITÁ 21:4

Ahabu iri waátl ar mune nee gurhaamír yaariir, as Naboti yaamuloousmoó Yesreeli nguwa báy aalirós ga baloó hanisiiká. Ahabu iri qaát gawaá qatanirós, sagós guri tuuntuúk, muruú /aymaaro iri muunuút.

1 WAAWITÁ 21:6

Inós iri oó', «Asma aníng Naboti heé Yesre'eli una báw, ‹Qaymoosíng ar sabiíbu dir'eé' ni weerisang, laqaá qaymór hatlá' ngi haniís kitaangós wa ale.› Ala inós iri báy, ‹Qaymor'eé' ar sabiíbu ngi hanisaaká.› »

2 QOM'I 26:20

Asariya kaahamusmoó Mungú nee kudaá hatlá' nguwa i qaytsitiyé' ngway gaanslár duuxiyé' tsee/í ale, tam inós sleeme ina gaansluút ti'inango, asma AAKOÓ MUNGÚ gwaa slaáhh.

ESTA 2:19

Qoomár /amatliite iwa burumbuurít sagaá wa tsare, Mordekai aa iwiít dír afkú doó waawutmo.

ESTA 6:11

Hamani tlaba' giri taataáhh nee faraásiro, Mordekai gway tsiitiís nee gway tsa/aás gawaá faraási, tay waaraáhh ar loohír ur ar gixsa, nee i haratseeamín iwa kaahi, «Adoorí an adór kway tleehhi heedaádá' waawutmo i uráy haniisár wa slai.»

ESTA 7:8

Aluuwo waawutmo nay kií/ amór asalmo wa alé ay dír xufta. Qoomaarihe Hamani aa yaamií qaát dír geeraá kitangwdá' Esta i diri', waawutmo iri oó', «Adoorí a adoomá, xáy waawuto'o gan /uurúr oóhi dír geeraaeé' wa alé, slám a baraá doó waawutmo?» /Aymuuwí iwa ti'iít baraá afkú waawutmoowo, Hamani kuri gitsee/a tuuntuúk.

YOBU 20:5

Heé tlaákw ga tsaahh qwal/uuwós tawa oo har qoomár niina, nee bar/uú múk aa qwaar oo har afiqoomár ló'wá niina.

YOBU 9:24

Yaamu bar múk tlákw gaa sa waawuti'ín, inós kwasleemuuse gan tsaahhár /iit. Barnaxes heé adoorí ga tlehhahhiít a inoseeká, kár ala a heemá daqaní?

1 SAMUELI 3:15

Samueli iri guaaín ay matlaatle, aluuwo afkú doó AAKOÓ MUNGÚ guri gweér. Samueli iri da'ayuút kángw iigu'utuudá' nguwa ooi dír Eli.