ESTA 5:9 - Biblía Axweesantá Hhohho' ar Mungú 2004

⁹ Hamani baalaadae iri didá' wa tláy ar qwala/, nee qaseengw, ala Hamani Mordekai nguwa dír afkú doó waawutmówí ár aa iwitanángwí xasliít, i diiqiiká qoomár bir waaraahh, iri ló'wa qa/iít buhhtaawo as Mordekai.

ESTA 5:9 Iomraidhean Croise

1 WAAWITÁ 21:4

Ahabu iri waátl ar mune nee gurhaamír yaariir, as Naboti yaamuloousmoó Yesreeli nguwa báy aalirós ga baloó hanisiiká. Ahabu iri qaát gawaá qatanirós, sagós guri tuuntuúk, muruú /aymaaro iri muunuút.

1 WAAWITÁ 21:6

Inós iri oó', «Asma aníng Naboti heé Yesre'eli una báw, ‹Qaymoosíng ar sabiíbu dir'eé' ni weerisang, laqaá qaymór hatlá' ngi haniís kitaangós wa ale.› Ala inós iri báy, ‹Qaymor'eé' ar sabiíbu ngi hanisaaká.› »

ESTA 2:19

Qoomár /amatliite iwa burumbuurít sagaá wa tsare, Mordekai aa iwiít dír afkú doó waawutmo.

ESTA 3:2

Sagadiyuuse sleémeero tidá' dír afkú doó waawutmoó i dirii', Hamani burkwa ár tan xupapuu' nee kun i tumbarara'amaamiit, asma an adór waawutmo aa oó' daanduuwose. Ala Mordekai i xupuaitiiká, sleeme gu i tumbarara'amitiiká.

ESTA 3:5

Hamani ngiwa ár adór Mordekai ngur i xupapuiiká, nee ngur i tumbarara'amitiiká, iri ló'wa qa/iít buhhtaawo.

ESTA 5:13

Ala tí sleémeero gár iwa bu' a milá, bar Mordekai heé Yahudi in afkú doó waawutmoó wa iwaawiit?»

YOBU 20:5

Heé tlaákw ga tsaahh qwal/uuwós tawa oo har qoomár niina, nee bar/uú múk aa qwaar oo har afiqoomár ló'wá niina.

YOBU 31:31

Sagadiyuusér dooeé' taa qoo kilooín yaahamiskáhe tawa kaahi, ‹Heé guruuwós gwaa dalaa/iiká fu'unaywo a heemá?›

WARA'AMI 15:4

Heewí tlakuuse gan waaqaqaa', nee múk AAKOÓ MUNGÚ slaá' gun ilaiwawaa/. Gár aa al'axweesantá wa qaás ga warqeesiiká tam bir aleemaá huwahúp dirose.

WARA'AMI 27:3

Tam slaqwaruuse ti amohhe'esa as tiwa muxaan nee aníng, ala án a baloó dae feehhiitaaká. Tam aníng slaqwara i harati'ita, ala qoomaadae án Mungú un harahhiíf.

DANIELI 3:13

Naagáy Nebukadnesa iri ló'wa daa/atúy buhhtawo iri oó', «Shadraki, nee Meshaki nee Abednego dir'eéní huwaare'.» Inooín kiri huúw.

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

Matayo 2:16

Herode ngiwa ár adór kura al/aáy nee xu'utuuseedár tsatse/, iri ló'wa buúhh. Muu guri ya/aáw na/aá daaqaay sleémeero awa baraá gixsár Betilehemu nee inslaawaywose kiwa tsu/i, awa har kureeraá tsár nee awa kureeraá tsár ngaa ay'iiká sleémeero, ar adoodá' ngira yaahamiís dír xu'utuuseedár tsatse/uwo.

Luka 6:25

Kuungaásingaá aaxá' hamí, a tsaxwaahúng, asma kuungá' a qwaritá'. Kuungaásingá' awa qaseseemá' hamí, a tsaxwaahúng, asma kuungá' a tsuunqumisá' tay /aa/amiindá'.

Yohana 16:20

Án a kah, kuungá' a /a/á', nee tay tsuunqumisá', ala múk aa haratlintii'iiká iri qwalaa/. Kuungá' tay gurhaamutá', ala gurhaamirhúng i warqeér tawa qwala/.

Tlehhema'aá ya/Abuuse 7:54

Qoomár axweesanaywí kuwa axaás, muner'ín kari slahh'eemiís, Stefano kuri /atlií tlu'ún.

Yakobo 4:9

Gurhaamuuté', nee tsuunqumisé', nee /aa/amiimé'. Qasengwhúng i warqay tawa tsuunqumis, nee qwal/uuhúng i warqay tawa gurhaami.