ESTA 5:4 - Biblía Axweesantá Hhohho' ar Mungú 2004

⁴ Esta iri ó', «Barnaxes waawutmo ngaa slaá', inós nee Hamani ni hardihiye' baraá muruú /aymár tsiindo, kudá' naa amohhe'eés as waawutmo.»

ESTA 5:4 Iomraidhean Croise

IIMU/UUNGW 27:25

Naagáy baabuúwós guri báy, «Fu'unaydaá sluqoorók huwang, ngiwa /aay, as uwa tsuuq.» Yakobo guri muruú /aymaadá' i huúw, iri /ayín, difaái sleeme gay huúw, gari wáh.

IIMU/UUNGW 32:20

Alaá tí sleémeerowo ku beera', ‹Yakobo sagadiyusmoowók i alií dirii', i lawee'.› » Yakobo adoorí gana tleéhh, ina baraá muunaáwós i oó', «Doóqa Esau muruuwí burungwa ár, muunaáwós i barií kii/. Atén birta doogaán, doóqa ila' ti ya/aná', iri ilaaoh.»

ESTA 1:9

Slám waawuto'o Fashti sleeme muruú /aymár úr guna amohhe'és as /ameena baraá do'oduú waawuti'iima oo waawutmo Ahasuero.

ESTA 3:15

Mukdá' iri gaanslár tláy as hara'ayár waawutmo, hara'aydá' kari ilahaniís baraá gixsár ur ar Susa. Waawutmo nee Hamani tana iwiít, ta difaáír wahán, ala gixsár ur ar Susa aa amooqwát.

ESTA 5:3

Waawutmo inós gari báy, «Waawutó'o Ésta, kiíng gár ta sla' a milá? Gár ta sla' a milá, aáma? Tam tlaqtá waawuti'iima ngi haniís.»

ESTA 5:5

Naagáy waawutmo sagadiyuuseerós gari báy, «Hamani ni gaanslár hardihi as adoodá' Esta i sla' iwa tleehharut.» Aluuwo waawutmo nee Hamani tari daqáy baraá muruú /aymaadá' Esta aa amohhe'és.

ESTA 5:8

bar waawutmo iga gurií baá/ nee tidá' ni firiim birngi haniis, gimáy waawutmo nee Hamani matlo ni malé ki/iye' baraá muruú /aymaadá' ni amohhe'ees as inooín, daqaní aníng gadaádá' ni slaa' ngi oó'.»

WARA'AMI 112:5

Heé hhoó' a kudá' múk dahi'iimiís, nee muu i kirkiti, kudá' muruuwós gu qoomeemeés ar adór ganaa'.

AXWEESANOÓ SAGALOOA 29:11

Heé daktani buhhtaawós aqo gin laqaaqán Ala heé sagaloó' kós gin ilaa/ muneerós gari guu/.

1 Korinto 14:20

Hhaee'eé', kuungá' masók a adór na/aá ninakweeká baraá fuqureerihunge. Baraá muruú tlakwe kuungá' masók a adór na/aá ninakw, ala baraá fuqureerihunge kuungá' masók a múk urén.