ESTA 5:2 - Biblía Axweesantá Hhohho' ar Mungú 2004

² Qoomár waawutmo Esta ngiwa ár aa sihhít, inós gari gurií baá/, hhartadár waawuti'iima i kon gawaá dakose gari looloqoós amór Esta. Esta iri tseewuúr, hhartadá' gari kwatít.

ESTA 5:2 Iomraidhean Croise

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

NEHEMIA 1:11

Aá Aáko, un fiririím iiarók qaaseek, firór anuú sagadiyusmoowók iiarií qaaseek, nee firór sagadiyuuseerók tidá' qwalalaa/ umuuwók kuwa ilaiwawa/i. Un firiím án iwa iiárií qas, nee anuú sagadiyusmoowók iwa loohírí tlehh as waawutmo iwa gurtlay.» Asma aníng muruú wahángw waawutmo un amohhe'eemamiís.

ESTA 2:9

Esta Hegai guri sla'atís, gari gurií baá/, inós gari xooslár parootír i haniís ar gaanslaay, gari muruú /aymár bu'uútí haniís, nee dasuú hhohhó' oo faanqw guna baraá doó waawutmoó wa tsawaár as Esta ngiwa sagadiyusiya'. Esta nee dasuudae giri dír ak hhoohhoó' i sláy baraá doó /ameenaaro.

ESTA 4:11

«Lawaale sleémeero ar waawutmo gan xú', tam múk ayeemaá waawutmo, adór umuúqo heewo, bar hhawaata laqaá /ameeni, oo aa amór waawutmoó kay barkwa ateetiiká dakko i deer, oo káh heé adoorí a gaasa, aqo har kudá' waawutmo aa hhartós ar sahaábúr looloqoós, tidár waawuti'iima, in hoot. Tam án taa ateetiiká niwa dah iimidá' ay laarí slahhaangw aa faák.»

ESTA 8:4

Waawutmo hhartós tidár waawuti'iima tidár sahaábu gari amór Estí looloqoós. Naagáy Esta iri tleér, iri sihhít geeraá waawutmo.

WARA'AMI 116:1

Aníng AAKOÓ MUNGÚ un slaá' asma afor'eé' ga iiárií qamín, inós firor'eé' gaa axaás.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

Tlehhema'aá ya/Abuuse 10:4

Kornelio malaykamoodá' guri i qaytsita hhe'eés, iri da'ayuút, iri oó', «Gaa a milá, aáko?» Malaykamo iri oó', «Firoorók nee ilahhooaro Mungú gaa ilaaóh, nee Mungú ga gunqareesiiká.

Tlehhema'aá ya/Abuuse 7:10

Mungú guri ba/amís baraá slahh'amaayeerós tidá' sleémeerowo. Guri aleesleemií haniís nee sagalooaro tam Farao waawutmoó yaamaá Misri guri gurií baá/. Yosefu kuri uráy haniís nee Farao gawaá daanduú yaamuuwose nee daanduú do'ós sleémeerowo.