ESTA 5:1 - Biblía Axweesantá Hhohho' ar Mungú 2004

¹ Bál tám Esta tsitaywós kuduú waawuti'iima gway tsít, iri sihhít baraá afeenidár guruú doó waawutmo, guruuwós guna amór doó waawutmoó xu'ús. Waawutmo aa iwiít gawaá kitaangós kuduú xirif baraá doó waawutmo, guruuwós gwa amór afkú doó xu'ús.

ESTA 5:1 Iomraidhean Croise

ESTA 1:11

Mukwí guri ádbáy waawuto'o Fashti kingiwa slamaangós oo waawuti'iimár i dahaasi nee kawa huwi dír geeraá waawutmo as geeraharuuse nee muko ngiwa hhohhoaarirós i laqaan, asma inós ka ló'wa hhoohhoo'.

ESTA 2:5

Heeko Yahudi i deer baraá gixsár ur ar Susawo, umuuwós a Mordekai, garmoó Yairi, garmoó Shimei, garmoó Kishi oo tlahhoó Benyamini.

ESTA 4:11

«Lawaale sleémeero ar waawutmo gan xú', tam múk ayeemaá waawutmo, adór umuúqo heewo, bar hhawaata laqaá /ameeni, oo aa amór waawutmoó kay barkwa ateetiiká dakko i deer, oo káh heé adoorí a gaasa, aqo har kudá' waawutmo aa hhartós ar sahaábúr looloqoós, tidár waawuti'iima, in hoot. Tam án taa ateetiiká niwa dah iimidá' ay laarí slahhaangw aa faák.»

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

ESTA 4:17

Naagáy Mordekai iri tláy, tidá' sleémeero Esta ngwa beér, gari tleehhamór áy.

ESTA 6:4

Waawutmo iri oó', «Heé wa/aameesíng a heemá?» Qoomaadae Hamani i baraá afeenír doó waawutmo, i amór waawutmo káy as nguwa kaángwí ooár ay oo Mordekai nguwa tarereei gawaá xa'anoodá' aa amohhe'eés.

ESTA 8:15

Aluuwo Mordekai iri dír geeraá waawutmoó wa tláy, tlabaá waawuti'iima ngaa dahaás awa kaloó sirboó/ nee awa /awak, nee slamángw úr gu kón oo sahaábu, nee hiyoó kitaánír hhohho' nee oo kaloó sirdaa/aát. Baraá gixsár Susaro tari tseeamín ar bara/ nee ururu'umisuuwo.

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

Matayo 11:8

Bar gitsoorooká, ala a milá? A heé inqwaruú hhohhó' gu tsitatíta? Ala baré múk inqwaruú hhohhó' gu tsitatiít i baraá maraá waawitá.

Matayo 27:64

Gawaá adoorihe hara'aya haniseek /aanta ka xun ay bál tám. Aluuwo eeharuuseerós munguwa fiisór eér, nee muu guri beer, ‹Aa waasleé/ baraá múk aa qaátl wa ale.› Al/aymár alhhe'eesaay tidár geera gari bá/.»

Luka 22:30

as tawa /ayiinda' nee tawa wahaanda' dinkwa nee aníng baraá waawuti'iimar'eé' wa ale, nee tawa iwita' baraá kiteeriidaá aleesleemu, nee as tlahhi'iidá' mibaá nee tsár awa múk Israeli kiwa sakwasleemuta'.»

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.