ESTA 4:3 - Biblía Axweesantá Hhohho' ar Mungú 2004

³ Slám umuúqo diiro baraá ayko hara'ayár waawutmo iwa hardát, slahh'amuú úr xoorór Yahudi guri sleér, tari gwaawín tari /aa/amín nee tari tsuunqumiís, tam múk yaariír guniyadu giri tsitiít nee tari qaqatín baraá da/ara.

ESTA 4:3 Iomraidhean Croise

ESTA 1:1

Waawutmo Ahasuero ayeemo ngaa sawaawuti'ín a tsiiru nee mibeeri tsár nee faanqw iimír Indiár wa tleemu ay yaamaá Kushi.

ESTA 3:12

Bál slahhángw geera tawa mibaá nee tám goouusér waawutmo kari ateét, barwadu kiri gooín ar adoodá' Hamani ngira oó' amór geeraharuuse, nee amór múk urén oo ayeemo, nee amór múk urén oo umuúqo xoorooro, umuúqo ayko ar gooirós, umuúqo xoorooro ar tsifriirós, kina gooín ar umuú waawutmo Ahasuero, nee kiri dugnó i qaás ar mungaywós.

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

ESTA 4:2

Slám ina tláy ay dír afkú doó waawutmo, ala dahmu ngwaa aleeslayká, asma heé dahma gi aleesláw i kaahh afkú doó waawutmoowo bar guniyadu ngaa tsiít.

ESTA 4:4

Naagáy sagadiyuusér Esta nee mukdá' ta karmuumuyi, Esta kari kángw Mordekai báy. Waawuto'o Esta iri ló'wa gurhaamút, Mordekai guri tlabií ya/áp as guniyaduudá' ngiwa hingeesi, ala inós iri sií'.

ESTA 9:31

nee as múk Yahudi nee xwaylar'ín deelór Purimu ngiwa harmagaahhiya' ar afiqoomaarós, ar adór dabér gwaawito nee tsuunqumis ngira harmagaahhiyé'. Hara'ayaarí Mordekai kuduú Yahudumo, nee waawito'o Esta ngina ooiyé' dír múk Yahudi.

YOBU 2:8

Yobu parhhamtá qambeesmo gari taataáhh, iri iwiít baraá da/ara, tiri hhusliít ar parhhamtadá'.

ISAYA 22:12

Baalaadae Aako MUNGÚ Aleesleemusmo muu gun bay, «/Aa/amimé' nee tsuunqumisé', nee deequmé', nee guniyadu siinootaak.»

ISAYA 22:4

Gawaá adoorihe, aníng ana oó', aníng mi i qaytsimiitara', aníng mawaaré' ni /aa/amiím ar slahh'amu, ma daawimiitaara' aníng iwa gurkwa/amisa', asma muk'eé' iwa hhán.

ISAYA 58:5

Xáy, gwaawitór adoorí aqo tidá' aníng naa tsawaári? Tí hee tiwa tsatsaa'areesi, sagós nguwa yaamií xupu'umisi adór gitso, nee guniyadu ngiwa hhafi, iwa gawaá da/arár wá iwiiwiti. Xáy, kuungá' adoorí kawa xua' a gwaawitoóro? Nee an baalár AAKOÓ MUNGÚ nuwa ya/ána?

ESEKIELI 27:30

Inooín tari ló'wa tsuunqumiis ar slahh'amaayér ur as kiíng, tari ló'wa /aa/amín ar afór úr, tiri sage teerír i qaminá', tari gwangwaraa'amiit baraá da/arár wa alé.

DANIELI 9:3

Aluuwo Aakoó Mungú una firiím ar muunaáeé' sleémeero dinkwa nee gwaawito, tlabaá guniyadu ngiri dahaás nee niri iwiít baraá da/ara.

YONA 3:6

Kaangwí iri hardáh dír waawutmoó Ninewi. Inós iri gawaá kitángw waawuti'iimarós wa tláy, tlabaawós giri duúx, tlabaá gwadidiingw giri dahaás, iri iwiít gawaá da/arár i alé.

Matayo 13:42

Kuri kwaahh baraá asltá ur. Didaádá' an dír /aa/e nee sihhina' kiwa qirirtlimiisi.

Matayo 22:13

Waawutmo lawaaleerós gari báy, ‹Heewí daba' nee ya'aawo tseegaak, tsee/aá i kwahhtá awaak baraá giwti, dír tawa /aa/amin nee sihhina' kiwa qirirtlimisi.›

Matayo 25:30

Nee lawaalmooduú ado wásl amór saaw ti kwahhe', baraá giwtír tsee/a. Didaádá' an dír tawa /aa/amin nee sihhina' kiwa qirirtlimiisi.› »

YOSHUA 7:6

Yoshua nee bariisér Israeli tlabaaín ngina feehhamisiyé' as gurhaami, inooín tari gwangwara'amiít dír geeraá sandakmoó alqadór AAKOÓ MUNGÚ. Nina didá' wa iwaawitiyé' ay tsiindo, slám sager'ín ngaa teerírí qamaaminé'.

1 SAMUELI 11:4

Ya/abuusér aáng iri hardát ay Gibeár Saulo, axweesanaywí kuri oó' baraá iaá muu sleémeero, tari tsuunquumiís ar /aa/aá yaariir.