ESTA 4:16 - Biblía Axweesantá Hhohho' ar Mungú 2004

¹⁶ «Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

ESTA 4:16 Iomraidhean Croise

IIMU/UUNGW 18:19

Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

IIMU/UUNGW 43:14

Munguú Aleesleemusmo nu alee/iisi, gurtleemu kuwa sleera' dír heedaádae, as kahhó' niwa ki/a' nee Benyamini nee hhiyaahúng kuduú hatlá' sleeme. Amor'eene barnaxes na/iieé' nin qatliyá', i qatliye'.»

2 SAMUELI 10:12

Ala /atláng, hhawaati'isáng, tawa slaqwaan as mukrén nee as gixsadaá Munguúrén, AAKOÓ MUNGÚ adoodá' atén wa qoom ngi tleehhi, adoodá' inós ngira ár.»

2 WAAWITÁ 7:4

Hám bar mak ooana a dahaán baraá gixsa, baraadae qwari i deer an qatlaán, bara ooaán a diirií meetaán aqo an qatlaán. Gimsé' gusé' amór xafoó múk Aramu, barnaxes taa slafiíngwí máy aga tu/utaán, ala barnaxes taa tsu/iyé' daqaní aqo naagáy.»

2 QOM'I 20:3

Yehoshafati iri ló' wa da'ayuút, AAKOÓ MUNGÚ guna ló'wa firín nguwa gan'aasi. Afo gari ilahariís dír muu sleémeero oo yaamaá Yuda as tawa gwaawin.

ESRA 8:21

Aluuwo aníng gwaawito ngiri iigu'uús afaá yaaér Ahafa wa ale, as tiwa ninaweesaan dír geeraá Munguúrén, nee loohiidá' aa gana' kawa dirós wa slawaan, as atén kiloorén, nee as na/iirén, nee as daqaari'iimarén sleémeero.

ESTA 4:15

Esta iri ya/abiín amór Mordekai as kuwa bay,

ESTA 4:17

Naagáy Mordekai iri tláy, tidá' sleémeero Esta ngwa beér, gari tleehhamór áy.

ESTA 4:3

Slám umuúqo diiro baraá ayko hara'ayár waawutmo iwa hardát, slahh'amuú úr xoorór Yahudi guri sleér, tari gwaawín tari /aa/amín nee tari tsuunqumiís, tam múk yaariír guniyadu giri tsitiít nee tari qaqatín baraá da/ara.

ESTA 5:1

Bál tám Esta tsitaywós kuduú waawuti'iima gway tsít, iri sihhít baraá afeenidár guruú doó waawutmo, guruuwós guna amór doó waawutmoó xu'ús. Waawutmo aa iwiít gawaá kitaangós kuduú xirif baraá doó waawutmo, guruuwós gwa amór afkú doó xu'ús.

ESTA 9:31

nee as múk Yahudi nee xwaylar'ín deelór Purimu ngiwa harmagaahhiya' ar afiqoomaarós, ar adór dabér gwaawito nee tsuunqumis ngira harmagaahhiyé'. Hara'ayaarí Mordekai kuduú Yahudumo, nee waawito'o Esta ngina ooiyé' dír múk Yahudi.

ISAYA 22:12

Baalaadae Aako MUNGÚ Aleesleemusmo muu gun bay, «/Aa/amimé' nee tsuunqumisé', nee deequmé', nee guniyadu siinootaak.»

YEREMIA 36:9

Kurkú kooán oo waawuti'iimár Yohayakimu garmoó Yosia, waawutmoó Yuda, qoomár slahhángw gwaleél, muu sleémeero oo Yerusalemu, nee muu sleémeero oo baraá gixsadaá Yuda daáhh, tana burumburiít baraá Yerusalemu, dír Doó Mungú as tawa gwaawin.

DANIELI 2:18

Giri i axweés gurtleemuú Munguú doori nguwa firina' daanduú naaqoorihe, as kahhó' Danieli nee hhaeewós mikiwa tsuú/ as kaangwí dinkwa nee múk sageeloén oo Babuloni.

Matayo 12:40

Asma adoodá' Yona ira baraá guruú siyó wa hoót deelo tám, tlaatla/aangw nee xweeraawo, tam Garmoó Hee sleeme in baraá guruú yaamuú wa hoot.

Luka 9:24

Asma umuúqo heewo oo slafiingós gu kilós ba/amisár wa slaá', gu qwaarees. Nee heé slafiingós qwaareesaro gwa ya/an as aníng, slafiingós ku amohhoó'.

Yohana 19:22

Pilato iri oó', «Gár án naa gooiím, aga gooiím.»

Tlehhema'aá ya/Abuuse 10:7

Qoomár malaykamoodá' iwa tláy, Kornelio lawaaleerós ar tsár ar do'ós gari ateét, nee askaarmoó wák oo Munguú ilaiwawaá/, baraá askaáridá' inós umuú daqto gu sagadiyuusa.

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 21:13

Paulo atén tiri báy, «Gár ta tlehhita' a umós? /Aa/e nee diqay'eé' qwaareemisúwo? Mas tseegamo kilós an katá'? Án aga ya/aám tam tiwa gaasi baraá Yerusalemúr i alé as umuú Aako Yesu.»

Tlehhema'aá ya/Abuuse 27:33

Qoomár iimi iwa piinsli'iimit, Paulo muu sleémeero guri harhheehhe'eés iwa /ayin, iri oó', «Ay laarí deelo a mibaá nee tsiyáhh tawa daamaraandé' nee tawa gwaawiwiindé', tam aga gaa /agi'iiká.

Tlehhema'aá ya/Abuuse 9:9

Iri iwiwiít deelo tám, i xumaamisiiká, slám i /ayayinká laqaá i wahahanká.

Rumi 16:4

Inooín kina lak iso tlaáq as slafingw'eé' nguwa ba/amisiya'. Aníng inooín in sluufmiís. Ala a aníng kilooeeneeká, ala tam kríshaanáy sleémeero oo múk xoordaá hatlá' inooín gin sluufmiis.

Filipi 2:30

Asma inós ina dáh baraá tsaxwa, iri nakaá/ gwa'araaro as gadiyér Kristo, as aníng iwa alee/iisi, alee/isaydá' kuungá' taa harslaaqaté'.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»

1 SAMUELI 19:5

Asma slafiingós guna tsaxwaá /aymiís qoomár Goliati nguwa gaás, AAKOÓ MUNGÚ múk Israeli sleémeero guna arba/atír urií haniís. Kuúng gaarií aga aán, kari saqwalaalá/. Ahaá waáy miti har tlakweemár eér, as tseerér Dauduú xaslxaansli wásl kawa ku'us, asma kuwa tawo gaasár wa sla'?»