ESTA 4:14 - Biblía Axweesantá Hhohho' ar Mungú 2004

¹⁴ Asma kiíng hamí bara xaslít, múk Yahudi ale/isaay nee ba/ama gin loohír hatlár sláy, kiíng tari qwát dinkwa nee múk doó baabuúwók, ala heé ga xuú' a heemá kiíng waawuti'iima gár kasa sleér tam an qoomár adór tí.»

ESTA 4:14 Iomraidhean Croise

IIMU/UUNGW 22:14

Abrahamu yaamuudá' giri báy, «AAKOÓ MUNGÚ ngi haniis.» Adoodá' kar ateetin tam de'emuuká', «Gawaá tloomár AAKOÓ MUNGUHE kingi haniis.

2 WAAWITÁ 13:5

AAKOÓ MUNGÚ múk Israeli guri geeraharusmoó i sláy oo gaa tuu/ dír múk Aramu wa ale. Tari hoót ar wayda ar adoodár geera.

2 WAAWITÁ 19:3

Isaya nguri bayé', «Hesekia i kaahi, ‹Laarí an deelór slahh'amaaye nee ar mureekesaay, nee ar /ooslisliingw, asma atén a adór /ameenír xwaylár slaa', ala /uuruú na/aay ngur xwayluur i kaahh.

ESRA 9:9

Asma atén a lawaale, ala Munguúrén taa baraá lawaali'iimárí mayká, ala tina slaá' ar sla'aarír warqawaaká dír geeraá waawituú Persiaro, atén tiri pa/ángwií haniisiyé' tawa hootaan, nee Doó Munguúrén nguwa sihhitisaan nee didá' aa fee/it ngiwa /abeesaan, nee Yuda nee Yerusalemuro kiwa xuún.

NEHEMIA 6:11

Aníng niri oó', «Xáy heé adór aníng in gówi? A gár milá heé adór aníng iwa dahi baraá Doó Mungú as slafiingw nguwa /iis, aníng a dahaaká.»

ESTA 2:15

Tam qoomaadá' Esta iwa daqeer amór waawutmo iwa xeér dasír Abihaili, maamoó Mordekai, Estadá' aáng ira waátl tawa adór dasiirós, iwa dat amór waawutmo gár aa slá' i káhh, aqo har tidá' taa oó' nee Hegai kudá' taa karmúy, sagesihhtusmoó /ameena. Esta umuúqo heé gaa ari gari waatlakweés.

ESTA 2:17

Waawutmo Esta gari slaá' ta /ameenár hatlá' sleémeero, inós gari gurií baá/ ta /amatliitér hatlá' sleémeerowo, naagáy gari saga slamángw waawuti'iimárí dahaás, gari waawuto'ór wa qaás kitángw Fashtír wa ale.

ESTA 2:7

Inós Hadasa tidá' umuuwós oo hatlá' ta bay Esta gana umín, dasír maamáywós, asma inós i xwayliitér koondaaká. Inós a dasír ló'wa hhoohhoo' nee ka tsataari hho'. Qoomár xwayliteérós iwa qátl, Mordekai gana ar waátl tay adór dasiirós ar kilá'.

ESTA 4:13

Mordekai inooín giri i axweés Esta kawa mu/aywatsi, giri báy, «Kiíng ma haraxuaar tawa /uur as tawa baraá doó waawutmówí diri' ta múk Yahudi kuquú hatlá' sleémeerowo.

ESTA 4:15

Esta iri ya/abiín amór Mordekai as kuwa bay,

YOBU 9:18

I mayká tam hiinsla nguwa guu/, iga slahh'amaayeérár gaás.

DAHARUSMO 3:7

Qoomár fehhaamis nee qoomár hirit. Qoomár xasliita nee qoomár axweesani.

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

YEREMIA 30:11

Anuú AAKOÓ MUNGÚ a kah, «Asma aníng nee kuungá' a dinkwa as nuwa ba/amis. Aníng xoordu sleémeero i hhaamiís, kudá' aníng kuungá' nuy diyaá/. Ala aníng kuungá' nu hhaamisaaká. Kuungá' nun tawó muúx ar qoomoó gan'amu, ala a tawo watla'aaká burna muxiiká'.»

YEREMIA 46:28

AAKOÓ MUNGÚ i kaahi, «Ma da'ayumitaar, sagadiyusmooeé' kuúng Yakobo. Aníng nee kuúng a dinkwa, aníng xoorduudá' sleémeero kudá' aníng kuúng uy loohatís in ló'wa hhaamiís, ala kuúng u hhaamiisaaká. Aníng kuúng un slahh'eemiís ar qoomoó ganaá' ala u ak mawaaká muxtaaro.»

TLAHHOÓ LAÁWI 26:42

aníng daqaní alqador'eé' an insláw, tidá' naa tleéhh nee Abrahamu, nee Isaka, nee Yakobo, nee yaamuudá' ngi al'axweés ngiri insláw.

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Matayo 24:22

Ala bar deeloodá' kaa /aareesiiká, geeraawo heé ba/ám i kaahh. Ala asma kudá' taa tsawaár deeloodá' ka /aarees.

DABE 32:36

Looeemaawo AAKOÓ MUNGÚ mukós gu alekalaa/, sagadiyuuseerós ga gurtláy, qoomár birnga ár /uureemooín naa faakiyé', nee birnga ár heé meét i kaahh, oo lawaalmo nee lawaalmoowooká.

HAR'OHUUSE 15:6

Múk Filisti tari oó', «Heé adoorí gaa tleehh a heemá?» Tari oó', «A Samson, hhawaatuú dasír heedaáduú Timna, asma harér Samson gana haniís dír war/atuú Samson.» Naagáy múk Filisti dasiidá' nee baabuúwose kiri daá/ ar asla.

1 SAMUELI 12:22

AAKOÓ MUNGÚ mukós gu geexayká as ilaiwa/amér umuuwós kudá' iia tleér, asma AAKOÓ MUNGÚ adoorí guna sla'atís ar kuungá' nuwa mukósuú kilá' tleehhi.

1 SAMUELI 17:29

Daudi axweesantá aáng gari tlaáxw, «Hám daxta gár naa tlakweés? Gaa sleeme a yaahasaakáhe?»