ESTA 4:1 - Biblía Axweesantá Hhohho' ar Mungú 2004

¹ Qoomár Mordekai muruudá' aa tleehharuut nguwa xuú', tlabaawós giri feehhamiís, guniyadu giri tsiít, tari sliík ar da/ara, iri waaraáhh ar baraá tla/ángw gixsa, /aa/eewo iri gáwtí tseé'.

ESTA 4:1 Iomraidhean Croise

IIMU/UUNGW 27:34

Esau /ayma'aá baabuúwós ngiwa axaás. Ina slahhaá', iri tseé' /aa/eewo. Aluuwo baabuúwós guri báy, «Baabá, na'ás, aníng sleeme tsuuqáng.»

IIMU/UUNGW 37:34

Yakobo tlabaawós giri feehhamiís, guniyadu giri tsiít, iri tsuunqumiís, garmaawós kudá' guri al/aa/amín deelór yaariire.

2 SAMUELI 1:11

Daudi tlabaawós giri óh, giri feehhamiís. Mukdá' nee inós dinkwa tlabaaín sleeme ngiri feehhamisiyé'.

2 SAMUELI 13:19

Naagáy, Tamari da/ara gari slík gawaá sagós, hiyaywós kudá' guri feehhís, dabaawós giri qás gawaá saga, iri tleér i haratseeamiín /aa/eewo.

ESTA 4:2

Slám ina tláy ay dír afkú doó waawutmo, ala dahmu ngwaa aleeslayká, asma heé dahma gi aleesláw i kaahh afkú doó waawutmoowo bar guniyadu ngaa tsiít.

ESTA 4:3

Slám umuúqo diiro baraá ayko hara'ayár waawutmo iwa hardát, slahh'amuú úr xoorór Yahudi guri sleér, tari gwaawín tari /aa/amín nee tari tsuunqumiís, tam múk yaariír guniyadu giri tsitiít nee tari qaqatín baraá da/ara.

YOBU 1:20

Aluuwo Yobu kaangwí sleémeero nguwa axamaamiís, iri sihhiít, tlabaawós giri feehhamiís, se'eengós nee daamoórose giri deéqw as tsuunqumis, iri yaamií huú' ar gura', Mungú guri sluufiís.

YOBU 2:8

Yobu parhhamtá qambeesmo gari taataáhh, iri iwiít baraá da/ara, tiri hhusliít ar parhhamtadá'.

YOBU 42:6

Gawaá adoorihe aníng taa kilooeé' aáhh. Aníng aga ya/a/aám, da/ara nee teeriro i gawaaéní qaás.»

ISAYA 15:4

Múk Heshboni nee oo Eleale i /aa/amín, afór /aa/eeín kari axaás gixsár Yahasír wa alé, tam slaqwaruusér Moabu in tseeamiín /aa/eewo, gur'er'ín i kitlkítl daeero.

ISAYA 22:4

Gawaá adoorihe, aníng ana oó', aníng mi i qaytsimiitara', aníng mawaaré' ni /aa/amiím ar slahh'amu, ma daawimiitaara' aníng iwa gurkwa/amisa', asma muk'eé' iwa hhán.

ISAYA 37:1

Waawutmo Hesekia kaangwí nguwa axaás, tlabaawós gina feehhamiís as gurhaami. Guniyadu giri tsiít, iri dáh baraá doó AAKOÓ MUNGÚ.

ISAYA 37:2

Eliakimu kuduú sagesihhtusmoó doó waawutmo guri ya/aáw dinkwa nee goousmo Shebna nee kaahamuusér Mungú ar uren tawa daqay amór aarusmo Isaya garmoó Amosi, inooín guniyadu ngaa tsiitiyé'.

ISAYA 58:5

Xáy, gwaawitór adoorí aqo tidá' aníng naa tsawaári? Tí hee tiwa tsatsaa'areesi, sagós nguwa yaamií xupu'umisi adór gitso, nee guniyadu ngiwa hhafi, iwa gawaá da/arár wá iwiiwiti. Xáy, kuungá' adoorí kawa xua' a gwaawitoóro? Nee an baalár AAKOÓ MUNGÚ nuwa ya/ána?

ESEKIELI 21:11

Kaa duúq nee kaa /awaakeés as kawa qaasi gawaá dabaá tsu/utusmo.

ESEKIELI 21:6

«Daxta kuúng heewí, kulala'aát adór heé aa mune sii', geeraaín iwa tsuunqumiiseek.

DANIELI 9:3

Aluuwo Aakoó Mungú una firiím ar muunaáeé' sleémeero dinkwa nee gwaawito, tlabaá guniyadu ngiri dahaás nee niri iwiít baraá da/ara.

MIKA 1:8

Gawaá adoorihe aníng a tsuunqumiís niri /aa/amiím as kaangwí, tsitay'eé' un duúx niri hi'iimiít ar /aankwets, niri tsuunqumiís adór iintsaawér wa alé, nee niri /aa/amiím adór sakwel.

SEFANIA 1:14

Baalár ur ar AAKOÓ MUNGÚ naa tseewuúr, naa naká/ slam i ló'wa gaanslár hi'ít. Tseeór baalár AAKOÓ MUNGÚ i ló'wa slahh'eemís, tam migusmo in /aa/ ar afór úr.

Matayo 11:21

«A tsaxwaahúng kuungaá gixsár Korasini, nee kuungaá gixsár Bet-saida. Asma muruuduú waa/oo/amo muruudá' xuawaslén aa tleehharumiit dirhunge geera bar ina tleehharuút baraá Tiro nee Sidonír wa ale, taa qaroó hhu'u'ún, nee guniyadu kay tsiit, tay iwiit gawaá da/ara as hhu'u'ungw'ín kuwa laqan.

Tlehhema'aá ya/Abuuse 14:14

Qoomár Barnaba nee Paulo kaangwí kuwa axaás, inqwaruuín kuri feehhamiís, tari ta'aaín, tari dáh baraá tla/ángw boo/aydá', ta tsimahhuus, ta kaahi,

YOSHUA 7:6

Yoshua nee bariisér Israeli tlabaaín ngina feehhamisiyé' as gurhaami, inooín tari gwangwara'amiít dír geeraá sandakmoó alqadór AAKOÓ MUNGÚ. Nina didá' wa iwaawitiyé' ay tsiindo, slám sager'ín ngaa teerírí qamaaminé'.

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»