ESTA 3:7 - Biblía Axweesantá Hhohho' ar Mungú 2004

⁷ Slahhángw geera, kudá' ta bay Nisani oo kurkú mibaá nee tsár oo waawuti'iimár Ahasuero, tsawdór ta bay puri kari tleéhh geeraá Hamani wa ale, umuúqo baalaaro nee umuúqo slahhaango kina tsawdoórí tleéhh, slahhángw mibaá nee tsár, kudá' ta bay Adari tsawdo guri sleér.

ESTA 3:7 Iomraidhean Croise

ESRA 4:6

Slám qoomár waawuti'iimár Ahasuero iwa iimu/uún, muu sakwasleema gana gooaaín daanduú múk Yuda nee oo Yerusalemuro.

ESRA 6:15

Do'owí iwa hhooáy tlehhmuuwo a bál slahhángw Adari tawa tám, baraá kurkú lahhoó' oo waawuti'iimár waawutmo Dario.

NEHEMIA 2:1

Qoomár slahhángw ta bay Nisani oo kurkú mibeeri tsár oo waawuti'iimár waawutmo Artashasta, qoomár difaái iwa dír geeraawós i diri', aníng difaái ana óh ngay dír waawutmoó i haniís. Aníng aga baloó gurhamuutiiká dír geeraá waawutmoowo qoomár aa waarahhi.

ESTA 1:3

Waawutmo Ahasuero kurkú tám baraá waawuti'iimarose, muruú /aymár úr guna qaás as geeraharuuse sleémeero nee sagadiyuuse, nee geeraharuusér uren ar slaqwaruusér múk Persia, nee oo Media, múk uroó koóm nee ga/aawuusér ayeemo.

ESTA 2:16

Qoomár slahhángw mibaangw kudá' ta bay Tebeti, kurkú faanqw oo waawuti'iimár Ahasuero, Esta kana huúw amór waawutmo Ahasuero baraá doó waawuti'iima.

ESTA 9:1

Bál slahhángw mibaá nee tsár kudá' ta bay Adari tawa mibaá nee tám, iwa xeér, an baalaadár hara'ayár waawutmo kawa boo/eesi, wakuusér múk Yahudi gana harahhíf múk Yahudi nguwa bal, naxés ado ina warqeér, wakuuseedá' kari baál baalaadár kilae.

ESTA 9:21

as muu nguwa ádbáy kahhó' bál mibaá nee tsiyáhh nee bál mibaá nee kooán ar slahhángw Adari kawa inslaslay umuúqo kurko.

ESTA 9:5

Naagáy múk Yahudi wakuuser'ín kari muúx sleémeero ar paangadu nee kay tsuú/, nee kiri hhaamiís. Múk Yahudi adoodá' i slai gana tleéhh dír mukdá' inooín ngaa aahhiye'.

AXWEESANOÓ SAGALOOA 16:33

Muu tsawdo gan tleehh. Ala heé ta tsawaari a AAKOÓ MUNGÚ gun sláy.

Matayo 27:35

Kikiiaro kuwa hhe'eés, inqwaruuwós kuri qasmiís ar loohír tsawdo.