ESTA 3:5 - Biblía Axweesantá Hhohho' ar Mungú 2004

⁵ Hamani ngiwa ár adór Mordekai ngur i xupapuiiká, nee ngur i tumbarara'amitiiká, iri ló'wa qa/iít buhhtaawo.

ESTA 3:5 Iomraidhean Croise

ESTA 1:12

Ala mukdá' taa karmuumúy kangwduú waawutmo nguwa ooiyé' dír waawuto'o Fashti, inós iri sí' daqeemuuwo. Waawutmo iri qa/iít buhhtaawo, buhhta niri baraawós wa kumamitiyé'.

ESTA 3:2

Sagadiyuuse sleémeero tidá' dír afkú doó waawutmoó i dirii', Hamani burkwa ár tan xupapuu' nee kun i tumbarara'amaamiit, asma an adór waawutmo aa oó' daanduuwose. Ala Mordekai i xupuaitiiká, sleeme gu i tumbarara'amitiiká.

ESTA 3:4

Tawa kumiít ádbabaango ala Mordekai inooín ngiwa kaángwí sií', Hamani kuri ádbáy, as kawa ari áx Mordekai i qiítli. Mordekai inooín gaa qaroó kángw báy adór tar heé Yahudi.

ESTA 5:9

Hamani baalaadae iri didá' wa tláy ar qwala/, nee qaseengw, ala Hamani Mordekai nguwa dír afkú doó waawutmówí ár aa iwitanángwí xasliít, i diiqiiká qoomár bir waaraahh, iri ló'wa qa/iít buhhtaawo as Mordekai.

YOBU 5:2

Ar tsuwa ló' heé daktani daawitame gu gás, nee heé baraawásl da/i gu hhaamís.

WARA'AMI 37:12

Tlakuusmo heé hota ganaá' gun geewaqaqatín, nee gun /atlií /aay.

AXWEESANOÓ SAGALOOA 12:16

Heé daktani bir haylór lehhiit ku geehhoó'. Ala heé sagaloó' /ooslisliingw gu waaqaqaa'.

AXWEESANOÓ SAGALOOA 19:19

Heé buhhta yaariír kun doohhamamiis, bar ugwa mak tú/ wa'aá wake ka xú' kuúng aqo malé kí/.

AXWEESANOÓ SAGALOOA 21:24

Heé daara/aám nee oo a dee/aanuut kun bay, «niqusmo.» Inós a heé hoót ar daara/aangw nee dee/anuwós.

DAHARUSMO 10:6

Daktana kan geeraharuusér wa qaas nee daqaare kan alií ki/is.

DANIELI 3:19

Naagáy Nebukadnesa iri qa/iít, gitsee/aawós niri warqayé' asma ín Shadraki nee Meshaki nee Abednego. Iri oó', «Asla ló'wa slaxaak sagaáwa faanqw ta tidár /iisirkohe.»