ESTA 3:15 - Biblía Axweesantá Hhohho' ar Mungú 2004

¹⁵ Mukdá' iri gaanslár tláy as hara'ayár waawutmo, hara'aydá' kari ilahaniís baraá gixsár ur ar Susa. Waawutmo nee Hamani tana iwiít, ta difaáír wahán, ala gixsár ur ar Susa aa amooqwát.

ESTA 3:15 Iomraidhean Croise

IIMU/UUNGW 37:25

Tari iwiít as tawa /ayin. Naxés tawa qaytsiít, múk Ishmaeli kuna ár oo aauuse, naa hardáh, ta yaamaá Gileadír daahh. Inooín a múk halaanu'uumár tleéhh. I angamíar'ín koná'. Nee muruuín kudá' ta weerimiisi angamía gun loohís. Gár i kona' a moqoonjó nee garka mooyángw tsuú' koom qoomár barka daá/, nee mooyangwko ta babay manemane, kun yaamaá Misrír i huuw.

1 WAAWITÁ 14:27

Kitángw gaambukae, waawutmo Rehoboamu gaambudaá muqslár sirdaa/aten gina tleéhh, nee giri haniís kiwa xun nee xuumuusér afkú doó waawutmo.

ESTA 1:10

Bál faanqwe waawutmo muunaáwós iwa qwalaá/ as difaái ngiwa xuúf, mukdá' faanqw taa karmuumúy, kudá' gu sagadiyumamiís, guri ateét. Mukwí an ín Mehumani nee Bista nee Harbona nee Bigta nee Abagta nee Setari nee Karkasi.

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

ESTA 8:15

Aluuwo Mordekai iri dír geeraá waawutmoó wa tláy, tlabaá waawuti'iima ngaa dahaás awa kaloó sirboó/ nee awa /awak, nee slamángw úr gu kón oo sahaábu, nee hiyoó kitaánír hhohho' nee oo kaloó sirdaa/aát. Baraá gixsár Susaro tari tseeamín ar bara/ nee ururu'umisuuwo.

WARA'AMI 37:7

Dír AAKOÓ MUNGÚ i xasliiteek, inós ku daán ar qitla. Kurkeér heé adoorós tidá' ar al/ayma ga ya/a/aám, nee mukdá' lohuín kudá' tlakw ngaa muruú wa slaye'.

AXWEESANOÓ SAGALOOA 1:16

Asma ya'aaín i gaansliná' baraá tlakweema, inooín i kararasliyá' as tseere kawa ku'uusi.

AXWEESANOÓ SAGALOOA 29:2

Heé hota ganaá' bira waawuti'ín muu in qwalaa/, Ala múk tlákw bar geeraharuuse muu in /iif.

AXWEESANOÓ SAGALOOA 31:4

Aá Lemueli, i hariindaaká waawutmo iwa xufiiti, Tam geeraharuuse iwa buurár ilatleerus.

AXWEESANOÓ SAGALOOA 4:16

Asma múk tlákw gu'ute gu oohahiindaaká bar tlakweema nga tleehhi'iiká, gu'uter'ín in /akút bar hee ngwa dahhi'iiká.

HOSEA 7:5

Baraá deelór ur ar waawutmoowo múk urén kuri xufiitimiís iri baa/umiit oonitameero, waawutmo nee niquuse tari dinku'umiís.

AMOS 6:6

Kuungaásingá' difaáír wahaamá' ar isangaa'áy nee ti kiloohúng slikimá' ar di/tá mooyángw koom, ala a gurhaamuta'aaká daanduú qwanoó xwaylár Yosefuwo.

Yohana 16:20

Án a kah, kuungá' a /a/á', nee tay tsuunqumisá', ala múk aa haratlintii'iiká iri qwalaa/. Kuungá' tay gurhaamutá', ala gurhaamirhúng i warqeér tawa qwala/.

Geehhoeemaá 11:10

Nee múk baraá yaamuú wa hoót i qwalalaa/ nee iri baraa/ as inooín, nee tiri kilooín ilahhooár i hanmisiyá'. Asma aaruuseerí tsár mukdá' baraá yaamuú wa hoót guna ló'wa daawitamís.