ESTA 3:1 - Biblía Axweesantá Hhohho' ar Mungú 2004

¹ Alaá kaangwihe waawutmo Ahasuero, Hamani garmoó Hamedata oo tlahhoó Agagi gway heé úr wa qaás daanduú geeraharuuse sleémeero.

ESTA 3:1 Iomraidhean Croise

IIMU/UUNGW 41:40

Kuúng a heé úr oo dooeé', nee an heé yaamueé' ngi geerahaár, nee muk'eé' sleémeero un sawaawuti'iín. Án kilooeé' tin úr diroge, asma niwa iwiít gawaá kitángw waawuti'iima.»

IIMU/UUNGW 41:55

Múk Misri sleémeero qwari nguwa ariyé', Farao kuri i /aa/amín, as muruú /ayma nguwa haniisi. Farao múk Misri guri báy, «Tlawsé' amór Yosefu, tidá' nu bay tleehhaak.»

ESRA 7:14

Asma kuúng taa ya/aáw nee waawutmo nee hara'ayuuseerós tidá' faanqw, as kahhó' kángw Yuda nee Yerusalemu nguwa aan, áx dabér Munguúwók tidá' ta koon kaa eehári ar adór qoom.

ESTA 1:14

Bihhawose Karshena aa iwiít nee Shetari, nee Admata, nee Tarshishi, nee Meresi, nee Marsena, nee Memukani, geeraharuuse faanqw ar múk Persia nee oo Media, kudá' gitsa/aá waawutmo nga ariye', a múk urén baraá waawuti'iimarose. Giri yaahaás,

ESTA 3:10

Naagáy waawutmo mungaywós kudá' i dugnór qamaamin guri duúx, guri haniís dír Hamani, garmoó Hamedata kuduú tlahhoó Agagi, wakusmoó xoorór Yahudi.

ESTA 5:11

Hamani giri yaareemaá daqaari'iimarósí alki/iít, nee daaqaywós oo yaariír nee adoodá' waawutmo nguwa uráy haniís, nee nguwa baalírí haniís daanduú geeraharuuse nee sagadiyuusér waawutmoowo.

ESTA 7:6

Esta iri ó', «A wakusmo, a tsu/utusmo Hamani, heewí ló'wa tlaákw.» Hamani gura' ma'aay ngway dalaa/iyé' dír geeraá waawutmoowo nee dír geeraá waawuto'ooro.

ESTA 8:3

Esta waawutmo guri male i ilaawáts, tiri kwáhh dír ya'aawós gway harhhehhe'és i hara /aa/amiín, as kahhó' waawutmo adoodá' tlaakw Hamani oo tlahhoó Agagi aa qoomeés daanduú múk Yahudiwo ngiwa hhitin.

WARA'AMI 12:8

Tlakuuse i harweeririín umuúqo diiro. Umuúqo heewo i tlakweemaá xirfayeemiis tla/ángw múk wa ale.

AXWEESANOÓ SAGALOOA 29:2

Heé hota ganaá' bira waawuti'ín muu in qwalaa/, Ala múk tlákw bar geeraharuuse muu in /iif.

DAHARUSMO 10:6

Daktana kan geeraharuusér wa qaas nee daqaare kan alií ki/is.

DANIELI 6:2

Múk urén oo tám sleeme guna qaás oo mukdá' gu geeraharahaár. Baraá mukwihe Danieli a heé wák. Kina qaás as muruú waawutmo nguwa harmagahhiya' nee badeé munguwa /ák.

FAARO 24:7

Ma'aá bu'uutá' awa /ooma'aaká kin sláy, dahaasingw'ín ma'aá yaariir gi sláy. Waawutmooín ku úr ta Agagiwo, nee waawuti'iimarós iri kángw kilá' wa iia tleeruúr.

1 SAMUELI 15:33

Ala Samueli iri oó', «Adoodá' paángarók na/aá /ameena ngira hhaamís, adoorí an adór panmoó aayoorók ir meetiiká tla/ángw /ameenaaro.» Naagáy Samueli Agagi guri sikín geeraá AAKOÓ MUNGÚ wa alé baraá Gilgali.

1 SAMUELI 15:8

Agagi waawutmoó múk Amaleki guna slafi óh, ala múk hatlá' sleémeero guna hhaamiís ar paánga.