ESTA 2:5 - Biblía Axweesantá Hhohho' ar Mungú 2004

⁵ Heeko Yahudi i deer baraá gixsár ur ar Susawo, umuuwós a Mordekai, garmoó Yairi, garmoó Shimei, garmoó Kishi oo tlahhoó Benyamini.

ESTA 2:5 Iomraidhean Croise

2 SAMUELI 16:5

Qoomár Daudi iwa hardáh Bahurimu, heeko wák nina hardáh oo baraá gixsár daáh, oo tlahhoó Saulo. Umuuwós a Shimei garmoó Gera. Shimei iwa amór Daudi kay, guri loohi lu'umaamís.

2 WAAWITÁ 24:12

Waawutmo Yehoyakini oo Yuda dabaawós giri haniís dír waawutmoó Babuloni, inós dinkwa nee aayoorose, nee sagadiyuuseerose, nee mukdá' oo urén baraá waawuti'iimarós, nee mukdá' urén oo doó waawutmo. Inós Yohayakini nguwa tseék baraá Babuloni, kureeriiwós a dakaát baraá waawuti'iimaro.

2 WAAWITÁ 24:15

Yehoyakini guna ar tláy ay yaamaá Babuloni, nee aayór waawutmowo, tlaawoó waawutmo, nee geeraharuusér uren ar slaqwaruuse, nee geeraharuusér yaamaá Yerusalemu gari huúw ay Babuloni.

ESTA 1:2

De'eemudae waawutmo Ahasuero ina iwiít gawaá kitaangós kuduú aleesleemu oo waawuti'iimarós, baraá gixsár ur ar Susa.

ESTA 10:3

Asma Mordekai kuduú Yahudumo tay heé tsár alaá waawutmo Ahasuerowo, nee heé úr baraá tla/ángw múk Yahudiro, hhaeewós gina sla'atís, mukós guna hhooeemí leelehhiít, mukós guna axweesanoó waydií axweés.

ESTA 2:3

Waawutmo geeraharuuse ngi qaasi gawaá yaamuuwós sleémeero as /amatliitér hhohho' kingiwa burumburi baraá gixsár ur ar Susa, baraá doó /ameena, dír Hegai kuduú /ameenár sagesihhmiít, slám ki di/áy haniisi, nee xooslaá parooti.

ESTA 2:4

Dasiidá' waawutmo gu sla'atis ka waawuto'ór wa qaasi kitángw Fashtí wa ale.» Adoorí waawutmo gari slaá', adoodá' gari tleéhh.

ESTA 5:1

Bál tám Esta tsitaywós kuduú waawuti'iima gway tsít, iri sihhít baraá afeenidár guruú doó waawutmo, guruuwós guna amór doó waawutmoó xu'ús. Waawutmo aa iwiít gawaá kitaangós kuduú xirif baraá doó waawutmo, guruuwós gwa amór afkú doó xu'ús.

1 SAMUELI 9:1

Heeko wák oo tlahhoó Benyamini i deer, umuuwós a Kishi, garmoó Abieli, Abieluú Serori, Seroruú Bekorati, Bekoratuú Afia, heé tlahhoó Benyamini, inós a daqaarmo.