ESTA 2:18 - Biblía Axweesantá Hhohho' ar Mungú 2004

¹⁸ Aluuwo waawutmo geeraharuse nee sagadiyuuseerós sleémeero gari muruú /aymár úr i amohhe'eés as Esta ngiwa waawuto'ór wa qaás. Naagáy waawutmo muu guri gurtláy koódiro baraá yaamuuwós sleémeero, qeemuú yaariír guri haniís ar har qoomoó waawuti'iimarós.

ESTA 2:18 Iomraidhean Croise

IIMU/UUNGW 29:22

Ala Labani muruú /ayma guri amohhe'eés, múk yaamuudá' guri ateét.

NEHEMIA 8:11

Gawaá adoorihe, múk tlahhoó Laáwi muu sleémeero guri xasltís, tawa kaahi, «Xasliité', ma gurhamutaara', asma baalaarír laarí ka hhoohhoo'.»

ESTA 1:7

Muu ina xufiít ar xooslaá daa'awemaá dimbadimbé awa taa tleéhh ar sahaábu, difaáír waawuti'iima kana qasmiís ar adoodá' gurhhooár waawutmo i diri'.

ESTA 9:22

Asma deeloorí an deelór múk Yahudi amohhooa ngiwa slayé' dír wakuuser'ine, nee an slahhángw gurhaami kawa warqeés tawa qwala/, nee an deelór tsuunqumis kuwa warqeés tawa deelór ur. Múk Yahudi kuna ádbáy deeloorí ngiwa oohiya', ngiwa deelór ur tleehhiya' nee ar qwala/, nee qeemuú dimbadimbé kuwa hanmiisi dír muu nee dír narkuute.

DAA'AANGW 3:11

Áx gimsé', qwalaasé', kuungá' awa /ameenár Siyoni! Waawutmo Solomon qaytár awaare'! Slamángw aayoorós aa tléhh ngwa dahaás bál deelór duuxoorose, deelór muunaáwós qwal/uwo iwa haáts.

DAA'AANGW 5:1

Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

Matayo 22:2

«Waawuti'iimár doori slaqsaywós a adór waawutmooko wák oo muruú /aymár úr gwa qaas as garmaawós oo duuxuuxuúm.

Marko 6:21

Herodia deelór pa/aangw nguwa sleér, an deeloodá' ur ar xwaylár Herode kawa inslaslay. Baldae Herode múk yaariír guna dír do'ós i dahi'ís, waawituú baraá gixsadár ayaawós nee múk urén oo askaári, nee múk urén oo yaamaá Galilaya.

Luka 14:8

«Qoomár kuungá' burtunda dahi'ís nee heé duuxuuxuúm, kiteeraá hho' awa taa i iwita' mi tsawdiitara'. Wane, múk ta ak ilaiwawa/i ta kuungane i deer oo ta daamaran.

Geehhoeemaá 11:10

Nee múk baraá yaamuú wa hoót i qwalalaa/ nee iri baraa/ as inooín, nee tiri kilooín ilahhooár i hanmisiyá'. Asma aaruuseerí tsár mukdá' baraá yaamuú wa hoót guna ló'wa daawitamís.

Geehhoeemaá 19:9

Inós aníng iri báy, «/Aymi'iiká' gooiimeek, ‹Múk amohhó' a kudá' taa dahi'ís baraá duuxór Deelmoó bee/i.› » Iri malé báy, «Axweesanaywí a axweesanoó ló' oo Mungú.»

1 SAMUELI 25:8

Kuúng inooín yaahaseek, kingi qo oo', hám daxta án kuúng u firiím masoombar'eé' tisíng ya/aámí haniseek, asma naa amoorók kawaán baalaarír boo/aywo, na'ás, u firiím sagadiyuuseerók tisíng, nee anuú garmaawók Daudi ti qeer umuú gár taqo koonda dakoge.› »