ESTA 2:17 - Biblía Axweesantá Hhohho' ar Mungú 2004

¹⁷ Waawutmo Esta gari slaá' ta /ameenár hatlá' sleémeero, inós gari gurií baá/ ta /amatliitér hatlá' sleémeerowo, naagáy gari saga slamángw waawuti'iimárí dahaás, gari waawuto'ór wa qaás kitángw Fashtír wa ale.

ESTA 2:17 Iomraidhean Croise

ESTA 1:11

Mukwí guri ádbáy waawuto'o Fashti kingiwa slamaangós oo waawuti'iimár i dahaasi nee kawa huwi dír geeraá waawutmo as geeraharuuse nee muko ngiwa hhohhoaarirós i laqaan, asma inós ka ló'wa hhoohhoo'.

ESTA 2:16

Qoomár slahhángw mibaangw kudá' ta bay Tebeti, kurkú faanqw oo waawuti'iimár Ahasuero, Esta kana huúw amór waawutmo Ahasuero baraá doó waawuti'iima.

ESTA 4:14

Asma kiíng hamí bara xaslít, múk Yahudi ale/isaay nee ba/ama gin loohír hatlár sláy, kiíng tari qwát dinkwa nee múk doó baabuúwók, ala heé ga xuú' a heemá kiíng waawuti'iima gár kasa sleér tam an qoomár adór tí.»

ESTA 6:8

ku tlabií huwi kudá' waawuti'iima awa waawutmo aa intsaáhh dahmisuuwo, nee faraásidá' waawutmo ir hi'iimaamiti, tidá' taa saga slamángw waawuti'iimárí dahaás.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

ESEKIELI 17:24

Daqaní xaai baraá yaamu sleémeerowo ngiri tsaahhiyá' adór anuú AAKOÓ MUNGÚ xaa'aá tlet ngir gáwtá wa daraáhh, xaa'aá ququmat ngiri tledemiís. Aníng xaa'aá naa/á' in kahaás, nee awa kaaharen in naa/amií ki/ís ngay ureemiís. Anuú AAKOÓ MUNGÚ tí ngina oó' nee an tleéhh.»

1 SAMUELI 2:8

Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.