ESTA 10:3 - Biblía Axweesantá Hhohho' ar Mungú 2004

³ Asma Mordekai kuduú Yahudumo tay heé tsár alaá waawutmo Ahasuerowo, nee heé úr baraá tla/ángw múk Yahudiro, hhaeewós gina sla'atís, mukós guna hhooeemí leelehhiít, mukós guna axweesanoó waydií axweés.

ESTA 10:3 Iomraidhean Croise

IIMU/UUNGW 41:40

Kuúng a heé úr oo dooeé', nee an heé yaamueé' ngi geerahaár, nee muk'eé' sleémeero un sawaawuti'iín. Án kilooeé' tin úr diroge, asma niwa iwiít gawaá kitángw waawuti'iima.»

IIMU/UUNGW 45:10

Kuúng an hót baraá yaamaá Goshenír wa ale, daqaní tu tseéw bihhaaeé', kuúng nee na/iiwók nee na/aá naangók, nee bee/angók nee aaraawók nee hikwaawók nee tidá' sleémeero taqo koonda'a.

IIMU/UUNGW 45:11

Daqaní aníng kuúng u /aymiís, asma kureeraá kooán awa qwari i alií kahhiyá', as kahhó' kuúng nee múk do'oge nee umuúqo gár ta koonda', qwari munduwa tsuú/.› »

2 QOM'I 28:7

Sikri, slaqwarusmoó migusmo oo wák oo Israeli, Ma'aseya garmoó waawutmo guri gaás, nee Asrikamu, geeraharusmoó slaqwaruuse oo doó waawutmo xuúm guna gaás sleeme, nee Elkana heedaaduú tsár baraá waawuti'iimaro guri gaás.

NEHEMIA 2:10

Ala Sanbalati heé xoorór Horoni, nee sagadiyusmoowós Tobia, heé xoorór Amoni, hardahmueé' nguwa axaasiyé', as xoorór Israeli ngiwa hhooeemáy tleehh, inooín niri ló'wa gurhamuutiyé'.

ESTA 2:5

Heeko Yahudi i deer baraá gixsár ur ar Susawo, umuuwós a Mordekai, garmoó Yairi, garmoó Shimei, garmoó Kishi oo tlahhoó Benyamini.

ESTA 3:2

Sagadiyuuse sleémeero tidá' dír afkú doó waawutmoó i dirii', Hamani burkwa ár tan xupapuu' nee kun i tumbarara'amaamiit, asma an adór waawutmo aa oó' daanduuwose. Ala Mordekai i xupuaitiiká, sleeme gu i tumbarara'amitiiká.

DANIELI 5:16

Ala aníng aga axaás adór kuúng kaangwí gwa/aatisaro kur aleesleér nee slahh'amuuwós nguri ó'. Ala barnaxés gooirí soómaro aga aleesleér nee gár i kat ngiri ó', kuúng tu tlabaá sirda/atén i dahaas nee himtuú sahaábu kunguri dahaas baraá istók. Nee baraá waawuti'iimarihe kuúng tun heé tám wá qaas.»

DANIELI 5:29

Aluuwo waawutmo Belshasa iri oó', «Danieli tlabaá sirda/aten ti dahase', nee istós himtuú sahaábu ti dahase'.» Kari oó' dír muu adór Danieli tar heé tám baraá waawuti'iimaro.

DANIELI 6:3

Alaá deelór niinawe Danieli kuri tsaáhh tawa heé inkihhimuú koóm baraá gadiyeede ta ak mukduú hatlá' sleémeero, kudá' taa geeraharu'uumár wa qaasi, asma Danieli inós a heé hhoó'. Gawaá adoorihe waawutmo guri slaá' nguwa waawuti'iima sleémeero ii haniisi.

Rumi 10:1

Hhaee'eé', aníng gár ni slaa' ar muunaáeé' sleémeero, nee gár ni fiririim dír Munguhe, as inooín, a masók inooín kin ba/amis.

Rumi 14:18

Asma heedaádá' Kristo gu sagadiyuús ar loohír adoorí, inós Mungú gu qwal/atimis, nee slám inós ku xirfayees nee muu.

1 SAMUELI 18:16

Múk Israeli nee oo Yudawo sleémeero Daudi kuna slaá', asma bar taa slaqwarár áy gin geerahaar, laqaá tam bar tindi waatl, taa baalín slaqwaraaro, inós iqo geeraaín.

1 SAMUELI 23:17

Yonatan Daudi guri báy, «Ma da'ayumiitaar, baabuúeé' kuúng gár u /iisi i káhh. Kuúng múk Israeli u sawaawuti'iín, nee aníng tari waawutmoó tsár aluuwoge. Tam Saulo baabuúeé' adoorí ga xuu'.»