ESTA 1:4 - Biblía Axweesantá Hhohho' ar Mungú 2004

⁴ Naagáy har afiqoomár slahheeraá lahhooe Ahasuero daqaari'iimár waawuti'iimarós ar xiríf, nee hhohhoartá waawuti'iimarose gana dir'ín i laqaaqán.

ESTA 1:4 Iomraidhean Croise

1 QOM'I 29:25

AAKOÓ MUNGÚ Solomon gway iia tleereés ta waawituú hatlá' aa giirin ba/a baraá yaamaá Israeliro, gway diihhooárií haniís waawituú hatlá' ba/a kudá' tlahh'aá Israeli gaa sawaawuti'ini.

ESTA 1:3

Waawutmo Ahasuero kurkú tám baraá waawuti'iimarose, muruú /aymár úr guna qaás as geeraharuuse sleémeero nee sagadiyuuse, nee geeraharuusér uren ar slaqwaruusér múk Persia, nee oo Media, múk uroó koóm nee ga/aawuusér ayeemo.

ESTA 1:5

Alaá slahheeriiká' lahhoó' niwa faakiyé', waawutmo muu sleémeero oo urén nee oo ninakwe oo baraá gixsár ur ar Susa, guri muruú /aymár úr i amohhe'eés baraá afeenír asalmoó doó waawutmo. /Aymaarí ina kumaamít ay deelo faanqw.

YOBU 40:10

Bar asleér gimáy xirfuuwók laqaamang nee uraywoge, ilaiwa/ame nee aleesleemuuwoge laqaamang.

WARA'AMI 145:5

Nguri axweesiyá' xirfuuwók nee uroó waawuti'iimaroge, nee aníng tlehhmi'iiwók kudaádá' waa/oo/amór koomá' i aldakuút.

WARA'AMI 21:5

Xirfuuwós ku úr asma kuúng una alee/ís, kuúng una iiatleerés kuri ilaiwa/amérí hanís.

WARA'AMI 45:3

Lawaalaarók qaaseek gawaá suuma, kuúnguusuú ilakaahaár, xirif a kók nee uraywo!

WARA'AMI 93:1

AAKOÓ MUNGÚ aa waawuti'ín, AAKOÓ MUNGÚ taa tsiitiís ar aleesleemu nee /uuruuwós, yaamu gaa gawdeés as mindiwa dingitiyé'.

ISAYA 39:2

Naagáy Hesekia mukdá' guri dahi'ís, do'oduú peésa kay baabatsi guri dir'íní laqán, peésa gari laqán nee sahaábuwo nee muruú ta naanúr tsu'umaamisi, nee di/tá tlaxo gawit, nee xooslár slaqwara sleémeero tidá' baraá do'ósí dirii'. Gár aa meetiís laqaamaro i káhh, ar baraá yaamuwose sa dawa.

ESEKIELI 28:5

Ar fuquraangók oo yaariír baraá halaanu'uumaro, daqaari'iimarók aga tlahhás, tari daara/út as daqaari'iimarók.

DANIELI 4:30

Waawutmo iri oó', «Ga/aawak áx adór gixsár Babuloni i diri' uraywo, tidá' aníng naa tleéhh ar aleesleemueé', as tawa gixsár ur ar waawutmo i hooti nee ar xiríf baraá waawuti'iimar'eene.»

DANIELI 4:36

«Qoomaadár kilá' fuqurangw'eé' niwa kií/, xirfueé' kuduú waawuti'iima kunguri ki/ís. Mukdaádá' aníng i hara'ayayiím nee geeraharuuser'eé' niri hardihiyé', iri leelehhtuú ayé', tiri ar kií/ gawaá kitangw'eé' kuduú waawuti'iima, nee ilaiwa/ame kingiri tleéhh adoodá' aáng har geeraawo i diri' ba/a.

DANIELI 5:18

«Aá waawutámo, Munguú úr baabuúwók Nebukadnesa guna waawti'iimárí haniís nee uraay nee xirif nee aleesleemuwo.

Matayo 4:8

Neetlaangw Yesu guri malé gáwtí tsa/aás gawaá tloomár ló'wa tleer, guri waawuti'iimár yaamií laqán sleémeero, nee xirfuuwose,

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Rumi 9:23

Adoorí gana tleéhh as xooslaadá' gurtleemuú slaw ngiwa xirfuuwós oo yaariír i geehhooeesi. Kuká' an kudá' aa amohhe'eés as xirif kuwa slay.

Efeso 1:18

Aníng a firiiriím inós ilaahúng awa qeeru ngiwa gweeri, as harahhifór ateetmorhúng kawa tsahha', nee daqaari'iimár xirif ar aalirós adór i diri' baraá múk taa hhoohhooeesi.

Kolosai 1:27

Asma Mungú gana slaá' ngiwa gwa/atisi dir'íní alé adór lu/aaráydá' ir daqaari'iimár kón nee xirif baraá múk xoorduuwo. Lu/aaráy an kwí, Kristo i baraahúng i dirii'. Gawaá adoorihe kuungá' haraxu'uti a koondá' ar xirfuú Mungú kuwa sleera'.

Geehhoeemaá 4:11

«Kuúng Aakoorén nee Munguúrén, kuúng a hariín xirif kuwa ilaot, nee ilaiwa/ame nee aleesleemu. Asma kuúng mura' sleémeero una tléhh. Nee mura' sleémeero ina deeruút nee kuna tleéhh as sla'aarirók.»