ESTA 1:12 - Biblía Axweesantá Hhohho' ar Mungú 2004

¹² Ala mukdá' taa karmuumúy kangwduú waawutmo nguwa ooiyé' dír waawuto'o Fashti, inós iri sí' daqeemuuwo. Waawutmo iri qa/iít buhhtaawo, buhhta niri baraawós wa kumamitiyé'.

ESTA 1:12 Iomraidhean Croise

IIMU/UUNGW 3:16

/Ameeni gari báy, «Ar ló', aníng slahh'amaayeerók ngi doók qoomár xwaylaro. Na/ii in xwayluúr ar slahh'amaaye, nee ilatleeriirók a gawaá daanduú hhawaatuuwók, nee inós kiíng i sawaawuti'ín.»

ESTA 1:11

Mukwí guri ádbáy waawuto'o Fashti kingiwa slamaangós oo waawuti'iimár i dahaasi nee kawa huwi dír geeraá waawutmo as geeraharuuse nee muko ngiwa hhohhoaarirós i laqaan, asma inós ka ló'wa hhoohhoo'.

ESTA 1:13

Aluuwo waawutmo mukdá' sageeloén kudá' qom'i gi xuú' guna ateét. Asma alhootaariro waawutmo gurbua gan leelehhaahhiit dír múk sageeloén kudá' qom'i gi xuú', aluuwo waawutmo mukdá' dabér xuú' nee kuduú hara'ayuuseero giri yaahaás adór ta laqi.

ESTA 7:7

Waawutmo niri dír muruú /aymár wa tláy ar xarasleema, iri dáh baraá asalmooduú doó waawutmo, Hamani iri didií meét as slafiingós nguwa firin dír waawuto'o Estawo, asma gaa tsaáhh, adór waawutmo ira tsabín nguwa gár tlaákwí tleehhi.

WARA'AMI 74:1

Aakoó Mungú, asma waáy, atén mista sí' ay alhhe'eesáy wasle? Ahaá, buhhtaawók mis xaraasliyá' dír bee/ángw qawtantoge?

WARA'AMI 79:5

Aá AAKOÓ MUNGÚ, buhhtaawók ki alhhe'eesay wásle? Ay xaylá buhhtaawók iwa ohaahina' adór asltá wa ale?

TI'INAANGW 32:19

Qoomár tawa tseewúy amór xafaay, Mose damaadá' taa tleéhh gari ár, nee ni/imadae, Mose iri daa/atúy buhhtaawo, tlaa/eedá' parereehhayen kudá' hara'aya kay gooín giri yaamií kwaáhh, niri qeqtiné' didár afaá tloomárí ale.

TI'INAANGW 32:22

Aroni iri oó', «Aakooeé' aníng miwa ló'wa i buúhh, kuúng mukwí u xú' adór tar múk amohhoó' tlakweema tlehhtuuwo.

AXWEESANOÓ SAGALOOA 19:12

Buhhtaá waawutmo a adór /orootlór diraangw, Ala hhooeemaawós a adór har'uú baraá tsaaráy.

AXWEESANOÓ SAGALOOA 20:2

Buhhtaá waawutmo a adór /orootlór diraangw, Heedaádaá gwa buhhtis tlakweema gaa tleéhh.

DANIELI 2:12

Waawutmo muuna gway gaás iri lo'wa daa/atúy buhhtaawo hara'aya gari oó' múk sageeloén oo Babuloni sleémeero kuwa tsu/i.»

DANIELI 3:13

Naagáy Nebukadnesa iri ló'wa daa/atúy buhhtawo iri oó', «Shadraki, nee Meshaki nee Abednego dir'eéní huwaare'.» Inooín kiri huúw.

DANIELI 3:19

Naagáy Nebukadnesa iri qa/iít, gitsee/aawós niri warqayé' asma ín Shadraki nee Meshaki nee Abednego. Iri oó', «Asla ló'wa slaxaak sagaáwa faanqw ta tidár /iisirkohe.»

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

Efeso 5:22

Kuungá' tlaáwaay, hhawaateehúng ilaiwawa/aak, adór Aako kur ilaiwawa/a'.

Efeso 5:24

Gawaá adoorihe, tlaawaay gár kuwa hariím, a hhawaateeín gin ilaiwawaa/ baraá umuúqo gaaro, adoodár múk kríshaanáy Kristo ngur ilaiwawa/i.

DABE 29:20

AAKOÓ MUNGÚ, heé adór kwí gu baloó gurtlayká, nee buhhtaá AAKOÓ MUNGÚ nee da/itose heewí ngu al'oohiyá', lo'o sleémeero ar taa gooín baraá kitaábuuwí heedaádá' gu /ák, nee AAKOÓ MUNGÚ umuú heedaádá' gun fiits gawaá daanduú yaamuwo.

1 Petro 3:1

Kuungá' tlaáwaay sleeme, iialooemisé' dír hhawaateehunge, asma tam hhawaateehúng kudá' axweesantá Mungú ngaa haratlinti'ii'iiká, ngi haratlinti'iye' as tlehhemi'iihúng, tam kaa ádbaykahe.