ESTA 1:10 - Biblía Axweesantá Hhohho' ar Mungú 2004

¹⁰ Bál faanqwe waawutmo muunaáwós iwa qwalaá/ as difaái ngiwa xuúf, mukdá' faanqw taa karmuumúy, kudá' gu sagadiyumamiís, guri ateét. Mukwí an ín Mehumani nee Bista nee Harbona nee Bigta nee Abagta nee Setari nee Karkasi.

ESTA 1:10 Iomraidhean Croise

IIMU/UUNGW 43:34

Muruú /aymaadá' gawaá meésár Yosefu i dirií', Yosefu guri amor'ín i qasmiís, muruú /aymár Benyamini kuna tlahhás sagaáwa kooán wa ale ta oo múk hatlae. Tari wahán, tay dinkwár wa qwalaalaá/.

2 SAMUELI 13:28

Absalomu sagadiyuuserós gari báy, «Xumamisé' bar Amnoni difaái ngaa wáh, afa gway sláy, án bar aga oó', ‹Amnoni slahhaak,› daqaní ku gasá'. Adoorí an adór aníng naa oó' dirhúngí ale. Pihhé' ar muunuú migi.»

ESTA 1:9

Slám waawuto'o Fashti sleeme muruú /aymár úr guna amohhe'és as /ameena baraá do'oduú waawuti'iima oo waawutmo Ahasuero.

ESTA 3:15

Mukdá' iri gaanslár tláy as hara'ayár waawutmo, hara'aydá' kari ilahaniís baraá gixsár ur ar Susa. Waawutmo nee Hamani tana iwiít, ta difaáír wahán, ala gixsár ur ar Susa aa amooqwát.

ESTA 7:9

Aluuwo sagesihhtusmoó úr oo wák oo doó waawutmo, kudá' taa karmúy, ta bay Harbona, iri oó', «Xa'anooko i deer oo tlenaango miíta mibeeri tsár nee tsár, Hamani guna amohhe'eés as Mordekai nguwa gawaadá' i tarereei, kudá' waawutmo gwaa tuu/ ar axweesantós, Hamani gwa sihhtís bihhaá do'ós.» Waawutmo iri oó', «Hamani gawaasíng ti tarere'e'.»

AXWEESANOÓ SAGALOOA 20:1

Difaái hee gun niqár eér, xufta hee gu tsimaahhír ar eér, nee heé muruuwí gu slaá' i sagalooár konká.

AXWEESANOÓ SAGALOOA 31:4

Aá Lemueli, i hariindaaká waawutmo iwa xufiiti, Tam geeraharuuse iwa buurár ilatleerus.

DAHARUSMO 10:19

Muruú /ayma kun qamín as qwala/ nee difaái muu gun qwal/atimís nee peésa muruuwí sleémeero ngun slasleér.

HAR'OHUUSE 16:25

Muner'ín iwa ló'wa qwalá/ tana oó', «Samson ateetare' baraá doó tseegamooro, neetoorós a araán, i neeti áx u araán.» Naagáy Samson kuri ateetár áy baraá doó tseegamo iri geeraaín wa neét. Inooín nguna sihhtisiyé' dír tla/eeraá uheemaá tsár.

HAR'OHUUSE 19:6

Inooín tsaraawo tay /ayín, tay wahán dinkwár wa ale, baabuú /ameenidá' guri báy, «Na'ás, masók tu amohhoó' xweerakaá laarihe tawa deelaan, ma gurboo/awaar.»

RUTI 3:7

Boasi /ayma nee wahaango iwa hhe'eés, muunaáwós iri qwalaá/, iri qatuú áy dír bihhaá ufuú angaánoó shayiíri kudá' taa haritleemiís. Ruti iri tseegís ay didá' Boasi i qaát, inqwaari gay waatlés, inós iri qát dír ya'aawós i alé.