ESRA 9:2 - Biblía Axweesantá Hhohho' ar Mungú 2004

² Asma inooín nee daaqay'ine dasuú mukdá' nguna duxuutiyé'. Gawaá adoorihe xooroodá' hhoohhoo' ar Mungú taa haragasiyé' nee xoordaá hatlá', slám dabér múk urén ina giiriín baraá dakuúsarihe.»

ESRA 9:2 Iomraidhean Croise

IIMU/UUNGW 6:2

Daaqoó Mungú dasuuduú muu kuna ár adór kur hhohhó'. Adoorihe inooín dasú naa tsawaariyé', nguna duxuutiyé'.

1 WAAWITÁ 11:1

Waawutmo Solomon /ameenár xoordaá hatlá' gari sla'atír áy. Dasír Farao gana duúx, nee /ameenár múk Moabu, nee ar múk Amoni nee ar múk Edomu, nee ar múk Sidoni nee ar múk Hiti.

ESRA 10:2

Tam Shekania garmoó Yehieli oo wák baraá na/aá Elamuwo, Esra guri báy, «Atén Munguúrén una sadakuusaán, /ameenár xoordaá hatlá' awa yaamuuká' kari duxuutaán. Ala tam adoorihe harahhifo i deer.

ESRA 9:12

Gawaá adoorihe, daaqay'ín dasuuhúng munguwa duxuút, tam dasuuín mukuwa duxuút nee daaqayhúng, mi waydú i sla'aara', laqaá diihhooa daqisleém, as kuungá' /uuru kuwa sleera' nee hhooeemaá yaamu kiwa /aga', nee kay na/iihúng i geexeerá' tawa aalír alhhe'eesay wasl.›

ESRA 9:14

Xáy hara'ayaarók an mawaána tiri duxuutaán nee múk muruudá' ta waki gu tlehhahhiít, xáy, kuúng a buhhkáhe as atén tiri qwaarés tam heé meét iri kaahh?

NEHEMIA 13:17

Geeraharuusér múk Yuda ana iigahhaát, ana oó', «Tlakweemaaká' ta tlehhtá' a milá awa deelór Sabaáto kawa meetagaamisa'?

NEHEMIA 13:28

Garmoó wák baraá daaqoó Yoyada, garmoó Eliashibu kaahamusmoó úr a taatoó harér Sanbalati, heé Bet-horonír daáhh, gawaá adoorihe, aníng nguri guús dir'eene.

TI'INAANGW 19:6

Kuungá' dir'eene tari waawuti'iimár kaahamuusér Mungú nee xoorór hhoohhoo' ar Mungú.› Axweesanaywí an kudá' ta o' dír múk Israeli.»

TI'INAANGW 22:31

«Kuungá' daqaní a múk taa paraátl as aníng, gawaá adoorihe fu'unaá makiito'ór taa gaás nee makiito'ór sla/a mi /ayaara'. Fu'unaysíng seeaawe ti hanise'.»

TI'INAANGW 34:16

Daaqaywók mu dasuuín ar duuxuutmisaar, aluuwo dasuuín iri munguii'ín sluufmisuú áy, daaqayhúng sleeme kuri ta/eekw, iri munguii'ín sluufmisuú áy.

ISAYA 6:13

Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

TLAHHOÓ LAÁWI 21:15

As kahhó' inós na/iiwós mingiwa dabaá tlákwár áy. Aníng an AAKOÓ MUNGÚ kudá' inós gwa paraatl.»

MALAKI 2:11

Múk Yuda adór qoomaaká gaa tleéhh, aahhi aa tleehharút baraá Israeliwo, nee baraá Yerusalemu. Asma múk Yuda Doó AAKOÓ MUNGÚ kudá' i slai gwa slasla/areés, inooín munguaá xoordaá hatlá' ngina sluufmiisiyé'.

MALAKI 2:15

Ahaá, a Mungúheéke oo kuungá' tsaraawo naa tleehh tawa slaqwtá wák tleehhita' nee qeeruú wák? Nee inós gár i slai a milá? Nee inós gár i slai a xwaylár Mungú gu ilaiwawaa/. Gawaá adoorihe ti harmagahhe', hee tumu wák hareerós ar bi/i mingiwa sií'.

1 Korinto 7:14

Asma hhawaatuuduú krishaanmowooká, ku hhoohhooees ar loohír hareerós. Nee hareedár krishaanto'oorooká ka hhoohhooees ar loohír hhawaatuuwós. Asma geera bar adooriheeká, na/iihúng geera ki hhohhoeká. Ala hám ki hhohho'.

2 korinto 6:14

Kuungá' mutunduwa altsegiít baraá taaqwantá wák dinkwa nee mukdá' aa haratlintii'iiká, as tawa gadiyusa' dinkwa nee inooín. Asma adoorí i ya/aandaaká. Asma gan'amu nee dee/aanu adór tir slaya' a adoomá? Slám gwa/aateema nee giwti adór tir slaya' a adoomá?

DABE 14:2

Asma kuungá' a múk hhohhó' oo AAKOÓ MUNGÚ, Munguúhúng. Kuungá' AAKOÓ MUNGÚ naa tsawaár as tawa mukós dír tla/ángw múk gawaá daanduú yaamu sleémeero.

DABE 7:6

Adoorí tleehhaak, asma kuungá' tunda paraátl as AAKOÓ MUNGÚ, Munguúhúng. Kuungá' AAKOÓ MUNGÚ nuna tsawaár baraá tla/ángw xoorduuwo as tawa mukós oo kilá'.

YOSHUA 22:15

Niwa hardihiyé' dír tlahhi'iidaá Israeli awa yaamaá Gileadi, tlahhoó Reubeni nee oo Gadi nee tlaqtá tlahhoó Manasewo, ngiri bayé',

YOSHUA 23:12

Ala barnaxes aga dososoxoté' aaluúwí ale, tari alqaatusé' nee xoorduudá' naa meetiye' baraá tla/angwhúngí ale, tari dir'ín wa duuxuxuundé', inooín nari dirhúng wa duuxuxuné',