ESRA 9:15 - Biblía Axweesantá Hhohho' ar Mungú 2004

¹⁵ Aá AAKOÓ MUNGÚ, Munguú Israeli, kuúng an gan'amuú koón, atén tina meetís, tari kotsqotaán adoorí tay diriaan. Ga/aaweek, atén a dír geeraawók i diriiaán, atén awa tlakuuse, asma heé hariím sihhtanór dír geeraawoge i kaahh as tlakweemaaká'.»

ESRA 9:15 Iomraidhean Croise

ESRA 1:4

Nee umuúqo heewo kudá' aa dirkár i meet oo dahi'iimár hoót, ku ale/iisi nee múk didá' ar peésa, nee ar sahaábu, nee daqaari'iima, nee hikwa, dinkwa nee muruú ta sla'aarír ar hanmiisi as tlehhmuú doó Mungú baraá Yerusalemu.»

ESRA 9:6

Niri oó', «Aá Munguúeé', án aga amooqwaár, a muruumiít gitse/aaeé' ngiwa amoorók i tlees, Munguúeé', asma tlakweemaarén ki yaariir nay hardihiyé' gawaá sageerén, tlakweemaarén nina dooginé' nay hardihiyé' gawaá doori.

NEHEMIA 9:8

Kuri aán adór ir ganaá' dír geeraawoge, tari dirósí alqadiín xwaylarós kawa yaamaá múk Kana'ani i hanis, nee oo Hiti, nee oo Amori, múk Perisi, nee oo Yebusi, nee múk Girgashi. Al'axweesantók kari boo/és, asma kuúng tu inkihhím.

WARA'AMI 116:5

AAKOÓ MUNGÚ i haats gurhhooaro nee gana'amuwo, Munguúrén i gurtleemuú kón.

WARA'AMI 119:137

AAKOÓ MUNGÚ, kuúng a ganá', sakwasleemarók i ganá' sleeme.

WARA'AMI 130:3

Xáy, AAKOÓ MUNGÚ, geera kuúng barnaxes tlakweemaarén in fadita, heé sihhtanór dír geeraawók ga qiítl a heemá, Aáko?

WARA'AMI 143:2

Án a lawaalmoowók, mi baraá kwasleemár i huwaar. Asma baraá múk slafa heé ganaá' i kaahh diroge.

WARA'AMI 76:7

Ala kuúng an dae tláq, kuúng kilók, kuúng bar aga búhh, heé sihhiít dír geeraawoge a heemá?

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

ESEKIELI 33:10

«Heewí, múk Israeli kubeeto, kuungá' mas kata', ‹Atén tlakweema nee iringeede taa al'iiloouyé', aga neehuumitaán asma tlakweema. Xáy, adór hotaawo tar kumitaan a adoomá?›

ESEKIELI 7:16

Múk aa kotsqoot bir deer, ta ta'aaín gawaá tlom'i, adór hhookár tinda baraá xatstá wa naáxw, umuú hee iri tsuunqumiis as tlakweemaawós.

DANIELI 9:14

Gawaá adoorihe, AAKOÓ MUNGÚ, kuúng tiri amohhe'és atén tiwa mux, nee adoorí kari tléhh. Asma kuúng AAKOÓ MUNGÚ, a ganá' baraá umuúqo gár ta tlehhita. Nee atén axweesantók aga iilooeesaniiká.

TLAHHOÓ LAÁWI 26:40

«Ala barnaxes tlakweemaaín ngaa hhu'uu'uné', nee tlakweemaá baabi'ii'ine, gawaá aahhidá' tinda aníng i tleehhi, nee inooín aníng iwa tlampa'aamisiye',

TLAHHOÓ LAÁWI 26:41

gár aníng nee inooín tisa tlaampa'aamisaán bar ngaa tsaahhiyé', nee gár ngisa huúw baraá yaamaá wakuuser'ín, nee barnaxes ar ló' muner'ín tidá' gawden aa wanana'át nee tlakweemaaín ngiri hhu'uu'uné',

Yohana 8:21

Yesu giri malé báy, «Aníng a quútl, ala án kuungá' iri leelehhitá', nee kuungá' a qatlá' baraá tlakweemaahúng i alé. Nee amoodá' án ni kaw, kuungá' hardahamu ngu aleesleera'aaká.»

Yohana 8:24

Gaarí an gár kuungá' án nusa báw, ‹Kuungá' a qatlá' baraá tlakweemaahúng. Asma kuungá' barnaxes aníng iga haratlinti'ii'iiká adór aníng tar kudá', daqaní kuungá' aqo qatlá' baraá tlakweemaahúng.› »

Rumi 10:3

Asma inooín gan'amuuduú amór Mungú daáhh ngu xuiaaká. Inooín gan'amuuín ngun kilooín leelehhiitiyá'. Gawaá adoorihe inooín taa qaasi'iiká baraá gan'amuuduú amór Mungú daáhh.

Rumi 3:19

Ala a xuaán axweesanaydá' sleémeero hara'aya i kat, kwaa oó' dír mukdá' sleémeero baraá waawuti'iimár hara'ayár wa hoót. Gár axweesanaywí oo hara'aya kusa oó', a umuúqo heewo kuwa xasltisi, nee muu sleémeero kuwa sakwasleemuuti nee Mungú.

1 Korinto 15:17

Ala Kristo barnaxes aa waaslee/iiká, haratlintaaorhúng a tawo, nee kuungá' a baraá tlakweemaahúng i kahhá'.

YOSHUA 22:15

Niwa hardihiyé' dír tlahhi'iidaá Israeli awa yaamaá Gileadi, tlahhoó Reubeni nee oo Gadi nee tlaqtá tlahhoó Manasewo, ngiri bayé',