ESRA 9:12 - Biblía Axweesantá Hhohho' ar Mungú 2004

¹² Gawaá adoorihe, daaqay'ín dasuuhúng munguwa duxuút, tam dasuuín mukuwa duxuút nee daaqayhúng, mi waydú i sla'aara', laqaá diihhooa daqisleém, as kuungá' /uuru kuwa sleera' nee hhooeemaá yaamu kiwa /aga', nee kay na/iihúng i geexeerá' tawa aalír alhhe'eesay wasl.›

ESRA 9:12 Iomraidhean Croise

1 QOM'I 28:8

«Gimsé', daxta geeraá boo/oó múk Israeli sleémeero dinku'uumár AAKOÓ MUNGÚ, diirí Munguúrén iwa axamiisi aníng kuungá' nu baw, hara'ayár AAKOÓ MUNGÚ, Munguúhúng, harmagaahhaak nee aldakuutaak, as kahhó' kuungá' yaamuuká' hhoo' kiwa ala', nee kiri na/iihúng i geexeerá' as ngiwa aaliya' aluuhunge ay alhhe'eesay.»

2 QOM'I 19:2

Iigu'utusmo Yehu garmoó Hanani, iri tláy, waawutmo Yehoshafati gway al'áy, guri báy, «Kuúng múk tlákw un ale/iisár eéra, nee múk AAKOÓ MUNGÚ ahhiít un slá'a? AAKOÓ MUNGÚ ugwa i buúhh as kaangwí taa tléhh.

ESRA 9:2

Asma inooín nee daaqay'ine dasuú mukdá' nguna duxuutiyé'. Gawaá adoorihe xooroodá' hhoohhoo' ar Mungú taa haragasiyé' nee xoordaá hatlá', slám dabér múk urén ina giiriín baraá dakuúsarihe.»

TI'INAANGW 23:32

Kuungá' alqado ma tleehhara' nee inooín, laqaá tam nee munguii'ín.

AXWEESANOÓ SAGALOOA 13:22

Heé hhoó' aali gan haniis dír nángw naangós, Ala daqaari'iimár heé tlaákw kaa amohhe'eés as múk hota ganaá'.

AXWEESANOÓ SAGALOOA 20:7

Heé hota ganaá' nee oo tsaeemár hotaatiím, Na/iiwós ki tsuuq aluuwose.

ISAYA 1:19

Bar aga ya/aandé' nee tay iialooeesé', daqaní hhooeemaá yaamu i /agá'.

DABE 23:6

Gawaá adoorihe, baraá hotaahúng sleémeero kuká' mi baloó alee/isaara' as wayda nee diihhooa ngiwa slaya'.

DABE 23:7

«Múk Edomu mu ahhitara', asma mukwí a hhaeehúng. Sleeme múk Misri mu ahhiitara', asma kuungá' ana baraá yaamuuín wa hoté' adór dahaaye.

DABE 7:3

Dasuuhúng mukuwa duxuút nee daaqay'ín, laqaá daaqayhúng dasuuín munguwa duxuút.