ESRA 9:1 - Biblía Axweesantá Hhohho' ar Mungú 2004

¹ Muruuwí sleémeero iwa tlehharuút, múk urén aníng iri i tseewúy, ta kaahi, «Múk Israeli nee kaahamuuse nee múk tlahhoó Laáwi taa paraatli'iiká dír múk yaamuukae, kudá' muruudá' ta waki ngu tlehhaahhitá'. Múk Kana'ani nee oo Hiti, nee oo Perisi, nee oo Yebusi nee oo Amoni, nee oo Moabu nee oo Misri, nee oo Amori.

ESRA 9:1 Iomraidhean Croise

IIMU/UUNGW 15:16

Xwaylarók nin diirí kí/ qoomár qartá tsiyahhe. Asma tlakweemaá múk Amoni sakwasleemar'ín aa xeeriiká.»

1 WAAWITÁ 11:1

Waawutmo Solomon /ameenár xoordaá hatlá' gari sla'atír áy. Dasír Farao gana duúx, nee /ameenár múk Moabu, nee ar múk Amoni nee ar múk Edomu, nee ar múk Sidoni nee ar múk Hiti.

2 QOM'I 33:2

Inós tlehhma'aá tlakw gina tleéhh dír geeraá AAKOÓ MUNGUHE, tlehhmi'iidá' ta waki, awa adór kudaá mukdá' AAKOÓ MUNGÚ aa guús geeraá múk Israeli wa ale.

2 QOM'I 8:7

Múk hatlá' kudá' aa meet, mukduú Hiti, nee oo Amori, nee oo Perisi, nee oo Hifi nee oo Yebusi, kudaá múk Israeliwooká,

ESRA 10:2

Tam Shekania garmoó Yehieli oo wák baraá na/aá Elamuwo, Esra guri báy, «Atén Munguúrén una sadakuusaán, /ameenár xoordaá hatlá' awa yaamuuká' kari duxuutaán. Ala tam adoorihe harahhifo i deer.

ESRA 10:8

Nee barnaxes hee naa daqayká baraá deeloorí tame, ar adoodá' hara'aya geeraharuuse nee bariise ngira oi, daqaari'iimarós sleémeero kan hayoh, inós kilós kuri baynitis dír dinkwár mukdá' naa baraá looháy wa watli.

NEHEMIA 13:23

Slám deeloodae múk Yahudi sleeme una ár oo /ameenár Ashdodi gaa duxuut nee ar Amoni nee ar Moabu,

NEHEMIA 4:3

Tobia heé xoorór Amoni kudá' aa bihhaawós i sihhiit sleeme iri oó', «Kár gár i tlehhiitiyá' a milá? Baré tam intsaangw koo/ir'ín tí birngi i tsa/ana aqo gan daahh!»

NEHEMIA 4:7

Alaá Sanbalati, nee Tobia nee múk yaamaá Ma/araábu nee oo Amoni nee oo Ashdodi kawa axaás adór gadiyér koo/ír Yerusalemu ir geerií kumít, nee adór wa/angwdá' aa porxomiit kur tipín ar adór qoom, inooín nina ak buhhiyé'.

NEHEMIA 9:2

Kudaá xwaylár Israeli tiri paraatliyé' dír xoordaá hatlae, nina sihhiitiyé' tlakweemaaín ngiwa hhu'uu'una' nee dakumisuú baabi'ii'ine.

WARA'AMI 106:35

ala tina haragwaiyé' nee múk xoordaá hatlá', kiri dawaqaás nee múk xoordaá hatlá' tlehhmi'ii'ine.

TI'INAANGW 13:5

Bál barnaxés AAKOÓ MUNGÚ kuungá' naa hardahaás baraá yaamaá múk Kana'ani, nee awa Hiti, nee awa Amori, nee awa Hifi, nee awa Yebusi, ar adoodá' ngira al'axweés dír baabi'iihúng, yaamaá diihhooár ilwa nee dane ngiwa kuungá' i haniisi. Baalaarí niwa ti'ité' baraá lawaali'iimaro ka insleerá' umuúqo kurko.

TI'INAANGW 23:23

Qoomár bar malaykamooeé' kuungá' naa geerahaár nuri hardahaás baraá yaamaaá xoorór Amori nee ar Hiti, nee ar Perisi, nee ar Kana'ani, nee ar Hifi, nee ar Yebusi, xoorduuká' ngiri hhaamiís.

TI'INAANGW 33:16

Asma adór ir xu'utit adór aníng kuúng ira gurií bá/ barnaxés kuúng a dinkwa nee ateneeká? Kuúng bar dinkwa nee atén daqaní atén a múk dimbé baraá tla/ángw muu sleémeero oo daanduú yaamuwo.»

ISAYA 52:11

Tlawsé', tlawsé', gixsár Babuloni geexawaak, gár slasla/aar ma kwatimitara'. Ti'iité' baraá gixsaro, ti kiloohúng hheehhe'ese' kuungaádá' xooslár AAKOÓ MUNGÚ loohisá'.

YEREMIA 26:10

Qoomár geeraharuusér Yuda kaangwí nguwa axás, niri amór doó waawutmoó wa tsa/ané', nay hardihiyé' ay dír Doó AAKOÓ MUNGÚ, tari iwiít dír Afkudá' /Abén oo dahmaá Doó AAKOÓ MUNGÚ.

YEREMIA 26:16

Naagáy, geeraharuuse nee muu sleémeero, kaahamuusér Mungú nee aaruuseero kiri báy, «Heewí dakuúsár aa tleéhh ar iwa gaasár wa harin i káhh, asma nina dirén i axweés ar umuú AAKOÓ MUNGÚ, Munguúrén.»

TLAHHOÓ LAÁWI 18:3

Adoodár xoorór Misri i tlehhaahhit, amoodá' kuungá' niwa hoté', ma baloó tleehhara'. Laqaá adoodár múk yaamaá Kana'ani ni tlehhiitiya', amoodá' kuungá' ni huuw, ma baloó tleehhara'.

MALAKI 2:11

Múk Yuda adór qoomaaká gaa tleéhh, aahhi aa tleehharút baraá Israeliwo, nee baraá Yerusalemu. Asma múk Yuda Doó AAKOÓ MUNGÚ kudá' i slai gwa slasla/areés, inooín munguaá xoordaá hatlá' ngina sluufmiisiyé'.

FAARO 23:9

Asma aníng inooín ina iimír gawaá sagér tla/ú wa ár, inooín ina gawaá sagér gongoamaá wa ár. Xoorór kilós hoot, xoorór ti harafaditaaká tawa alqon nee xoordaá hatlá'.

FAARO 25:6

Qoomaarír kilae heeko wák oo Israeli /ameenír wák ar múk Midiani ngina huúw dír do'ós. Qoomaarihe Mose nee boo/oó múk Israeli ta dír afkú heémár Mungú i dirii' ta tsuunqumiis.

DABE 18:9

«Qoomár bar aga daté' baraá yaamuudá', AAKOÓ MUNGÚ Munguúhúng ni dirhúngí haniisi, slooír xoordaá yaamuudá' tidá' ta waki ma eeharara'.

DABE 23:8

Xwaylar'ín ar sagaáwa tám tam i ya/aán kawa dahaasi baraá dinku'uumár múk AAKOÓ MUNGÚ.

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

YOSHUA 23:12

Ala barnaxes aga dososoxoté' aaluúwí ale, tari alqaatusé' nee xoorduudá' naa meetiye' baraá tla/angwhúngí ale, tari dir'ín wa duuxuxuundé', inooín nari dirhúng wa duuxuxuné',