ESRA 8:21 - Biblía Axweesantá Hhohho' ar Mungú 2004

²¹ Aluuwo aníng gwaawito ngiri iigu'uús afaá yaaér Ahafa wa ale, as tiwa ninaweesaan dír geeraá Munguúrén, nee loohiidá' aa gana' kawa dirós wa slawaan, as atén kiloorén, nee as na/iirén, nee as daqaari'iimarén sleémeero.

ESRA 8:21 Iomraidhean Croise

2 QOM'I 20:3

Yehoshafati iri ló' wa da'ayuút, AAKOÓ MUNGÚ guna ló'wa firín nguwa gan'aasi. Afo gari ilahariís dír muu sleémeero oo yaamaá Yuda as tawa gwaawin.

2 QOM'I 20:4

Muu sleémeero oo yaamaá Yuda iri burumbuuriít baraá gixsár Yerusalemu as alee/isaay nguwa firina' dír AAKOÓ MUNGÚ.

ESRA 8:15

Aníng inooín ina burumbuúr dír afaá yaaeedá' amór Ahafár i wa/amiim, xafayrén kuri didií tleehhaán deelo tame. Aníng muu sleémeero nee kaahamuuseero, ina tsee/araariím naxés heé tlahhoó Laáwi oo naa sláw tumu wák i kaahh.

ESRA 8:31

Aai kiri iimu/uumaán dír yaaér Ahafá wa ale, bál slahhángw geera tawa mibaá nee tsár, as tawa Yerusalemúr kawaan, dákw Munguúrén i dinkwa nee atén, inós tina tuú/ dír wakuuseero nee dír heé atén ti haramamahhamiita baraá loohiiro.

NEHEMIA 9:1

Bál slahhangwduú kilá' tawa mibeeri tsár nee tsiyáhh, múk Israeli tari burumburiít as tawa gwaawin gunaydu ngaa tsiitiyé' nee sage kari hhapeérár slikín.

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

WARA'AMI 137:1

Ana iwiitaán afaá ya'aá Babuloni, Siyoni kawa iinslawaán ana /aa/amiimaán.

WARA'AMI 5:8

AAKOÓ MUNGÚ, án geeraharáng ar gan'amuwók, asma wakuuser'eé' ka yaariir. Loohirók gan'aasang dír geeraeene.

WARA'AMI 5:9

Axweesanoó wakuuser'eé' i looeemaá konká, gár i slaiya' aqo hhita. Baraá afer'ine axweesanoó ti'iimiít oo al/ayma. Afer'ín i háts axweesanoó tsu/utár muko.

WARA'AMI 8:2

Xirfuuwók ku daa' nee na/aá ninakw, nee awa du'uuma'a, as wakuuseerók kawa xasltis nee kudá' tlaampa'amisá'.

AXWEESANOÓ SAGALOOA 3:6

Baraá lohduuwók sleémeero inós ya/ameek. Inós lohduuwók ngi qwaats.

ISAYA 30:21

Baraá loohiro bar papaaslá' bartá doó basáy laqaá ar doó /iyáy, afo aqo axasá' amór aluuhúng ar kah, «Loohi a tí, loohirí nar oohaak.»

ISAYA 35:8

Loohír ur baraadae i deer, inós ka bay «Loohír hhoohhoo'.» Múk daba' tlákw loohidá' ga kala/iiká, ala aqo har múk Mungú kilooín. Inooín tam ki iimi bo/e ala i qwaariiaaká baraá loohidae.

ISAYA 42:16

Aníng múk taampu un geerahaár ar loohír i baloó xuiaaká. Inooín in geerahaár baraá loohír ni xuiaaká, Giwtír geeraaín an warqeés tawa gwa/aateema, yaamaá wa/eeraá koomá' in tlapu tleéhh. Adoorí an adór ni tleehh. Nee án inooín i geexawaaká.

ISAYA 49:10

Inooín i qwariitiiaaká sleeme waxitiaaká, fur'ár age laqaá tsee/amá gi slahhaeesiiká. Anuúdá' inooín gi gurtlatláw in geerahaár. In huúw dír duxuú ma'aá koóm.

ISAYA 58:3

Ahaá waáy atén gár tas gwaawimaan baré ti ga/eeraaká? Gár atén tis ninawesaan, bare' tiqo gaárií xu'uká? Ga/aawaak, deelór gwaawitorhunge, kuungá' sla'aarirhúng kilós an leelehhitá', nee sagadiyuuserhúng an baramaanusá'.

ISAYA 58:5

Xáy, gwaawitór adoorí aqo tidá' aníng naa tsawaári? Tí hee tiwa tsatsaa'areesi, sagós nguwa yaamií xupu'umisi adór gitso, nee guniyadu ngiwa hhafi, iwa gawaá da/arár wá iwiiwiti. Xáy, kuungá' adoorí kawa xua' a gwaawitoóro? Nee an baalár AAKOÓ MUNGÚ nuwa ya/ána?

YEREMIA 10:23

Aá AAKOÓ MUNGÚ, aníng a xuú', heé slafiingós baaliro gu aleesláw i kaahh, tam heé hotaawós gi geerahaár i kaahh.

YEREMIA 42:3

As kahhó' AAKOÓ MUNGÚ, Munguúwók loohidá' inós i slai ngi atén i laqan, nee adoodá' i slai ar ta tleehhaan.»

DANIELI 9:3

Aluuwo Aakoó Mungú una firiím ar muunaáeé' sleémeero dinkwa nee gwaawito, tlabaá guniyadu ngiri dahaás nee niri iwiít baraá da/ara.

Yoeli 1:14

Muu ádbawaak i gwaawin, dinku'uumár saaliingw ateetaak. Bariise nee yaamuloouuse sleémeero ar Yuda buruumburaak, ta tlay amór Doó AAKOÓ MUNGÚ, Munguúhúng, nee AAKOÓ MUNGÚ kuwa baraadá' wa ii/aa/amiinda', tawa kata',

TLAHHOÓ LAÁWI 16:29

«Gaarí an dabér ta eehada' ay alhhe'eesay wasle. Bál slahhángw faanqw bar mibaangw kuungaá kilá' nee hoomár ayaahúng hoota, a gár hariim tawa gwaawiinda', nee gadiyeé kawa meera' tleehharo.

TLAHHOÓ LAÁWI 16:31

Baalaarí an Sabaátór hungu/umaá bu'uutá' awa kuungá' tawa gwaawiinda'. Dakwí an dákw hotaatiím ay alhhe'eesay wasle.

TLAHHOÓ LAÁWI 23:29

Umuúqo heewo oo baalaarihe aa gwaawinká gár kuwa hariím a kun baynitis dír mukós oo Israeliwo.

YONA 3:5

Múk Ninewi Mungú kuri ya/án, kángw tawa gwaawin kuri alki/iít, tlabaá gwadidiingw kiri tsitiít, múk urén nee na/iiwo.

YONA 3:7

Inós afo gari ilahaniís, kaangwí kuwa alki/iiti gixsár Ninewiro tawa kaahi, «Hara'ayár waawutmo nee mukdá' urén baraá waawuti'iimarose, a tí: Hee gaa mingiwa tsaáq, tam makiito'o, laqaá tam daqooroó hikwa, laqaá tam daqooroó bee/aangw. Mindiwa /ayiné', laqaá ma'aay mingiwa wahiyé'.

FAARO 14:3

Ahaá waáy gár AAKOÓ MUNGÚ tisa huúw baraá yaamuuká as atén tiwa tsu/i baraá slaqwara, tlaawayrén nee na/iirene kiri haasaáng wa ar tláy? Xáy aa tsiniheekáhe bara ki/aán baraá yaamaá Misrírí ale?»

FAARO 14:31

Kuungá' ana oé', ‹Na/iirén ki haasaáng wa ar tláy.› Ala aníng na/iihúng in dahaás baraá yaamuudá' kuungá' taa waaqaé' as inooín ngiwa tsaahhiya' nee yaamuudá' tawa kooín.

Tlehhema'aá ya/Abuuse 2:39

Asma al'axweesantí a toohúng, nee ar na/iihúng, nee ar muu sleémeero oo sawén, kudá' sleémeero Aakoó Munguúrén i ateeti as nguwa i hardihiya'.»

HAR'OHUUSE 20:26

Xoorór Israeli sleémeero nee muu sleémeero tari tsa/án Beteli, tay tsuunqumiís amoodá' wa ale, tay gwaawín ay tsiindo, nee AAKOÓ MUNGÚ nguwa i /aa/amina'. Ilahhooár da/a, nee ilahhooár wayduuwo kari haniís dír AAKOÓ MUNGÚ.

1 SAMUELI 7:6

Xoorór Israeli iri burumburít baraá Mispa, ma'aay kiri hheék, kiri ku'umiís dír geeraá AAKOÓ MUNGÚ. Baalaadae tari gwaawín, nina ooiyé', «Tlakweema iga tleehhaán dír AAKOÓ MUNGUHE.» Samueli qaa/oó múk Israeli guri baraadaá Mispár wa tlaáq.