ESRA 8:18 - Biblía Axweesantá Hhohho' ar Mungú 2004

¹⁸ As Munguúrén kuwa hhoó' direne, atén tina heé daharuú koóm i huúw oo ta bay Sherebia, garmoó Mahli, garmoó Laáwi, garmoó Israeli, dinkwa nee hhaeewós awa mibaá nee dakaát.

ESRA 8:18 Iomraidhean Croise

1 QOM'I 6:1

Daaqoó Laáwi a kwí: Gershomu, nee Kohati nee Merari.

1 QOM'I 6:19

Daaqoó Merari a kwí: Mahli nee Mushi, mukwí an múk doó Laáwi adór tlahh'aá baabi'ii'ín i dirii'iya'.

1 QOM'I 6:4

Eleasari ina laqwaál Finehasi, nee Finehasi ina laqwaál Abishua,

2 QOM'I 30:22

Waawutmo Hesekia múk tlahhoó Laáwi guri xirfayeés gay muunuú i qaás asma sluufmisuudá' nguna geerahariyé' ar sagalooár ur. Alaá deelo faanqw iwa waaráhh, nee muu /aymaro tawa hhe'eés, ilahhooár wayda ar muruú ta tsu/i nguri haniisiyé', AAKOÓ MUNGÚ, Munguú baabi'ii'ín, ngway sluufmiisiyé'.

ESRA 7:28

Inós an kudá' aníng iga sla'aarirós ar warqawaaká i haniis dír geeraá waawutmoowo, nee dír geeraá hara'ayuseerosér nee dír geeraá kudá' aleesleemuú kooma'a. Aníng niri mune hhe'eés geeraharuusér múk Israeli ngiwa burumbuur as tawa altlawaan, asma AAKOÓ MUNGÚ, Mungú a dinkwa nee aníng.»

ESRA 7:6

Esrawí nina Babulonír wa tláy. Inós a goousmoó xu'utír koóm daanduú hara'ayár Munguhe tidá' AAKOÓ MUNGÚ, Munguú Israeli aa haniís dír Mose. Inós kuri alee/iís nee waawutmo umuúqo gár i slai, asma AAKOÓ MUNGÚ, Munguúwós i dinkwa nee inós.

ESRA 7:9

Inós ti'inaangw nguwa iimu/ún yaamaá Babuloniro a bál slahhángw geera tawa wak, inós iri hardáh Yerusalemu bál slahhángw kooán tawa wak, asma inós kuna aleeslawtís nee Mungú.

ESRA 8:16

Aníng ana ya/abiím as geeraharuuseerí kingiwa ateeti, Elieseri nee Arieli, nee Shemaya, nee Elnatani, nee Yaribu, nee Elnatani, nee Natani, nee Sekaria, nee Meshulamu, dinkwa nee Yoyaribu, nee Elnatani kudaá intsaahhatuuse.

ESRA 8:19

Nee Hashabia dinkwa nee Yeshaya daaqoó Merari, dinkwa nee hhaeeín awa hatlá' nee daaqay'ine a mibeeri tsár.

ESRA 8:22

Asma aníng ana muruút waawutmo nguwa firiim slaqwaruuseero nee kudá' faras ngu i tsa/aamá', as tiwa xuna' dír wakuuseero, asma atén waawutmo una bawaán, «Hhooeemaá Munguúrén i gawaá kudá' ngu leelehhiitá', nee /uuruú xarasleemaawós i gawaá mukdá' sleémeero inós gwa geexay.»

ESRA 8:24

Naagáy múk mibaá nee tsár nguri paraátl baraá tlaa/ángw kudá' uren awa kaahamuusér Munguhe, inooín an Sherebia, nee Hashabia, nee hhaeeín awa hatlá' mibaangw.

NEHEMIA 10:12

nee Sakuri, nee Sherebia, nee Shebania,

NEHEMIA 12:24

Geeraharuusér múk tlahhoó Laáwi a Hashabia, nee Sherebia, nee Yeshua garmoó Kadmieli, nina alsihhiitiyé' nee hhaeeín, as daa'ángw ilahhooa nguwa daaiya' nee oo xirfayeemisuuwo, ar adoodá' waawutmo Daudi heé Mungú ngira oó'.

NEHEMIA 2:8

Sleeme barwito'ór Asafu kingi gooin, kudá' gartá waawutmo ga amohhe'eemiís, as xaai ngiwa haniisi awa nahhtá afér koo/ír gawit ar Doó Mungú, nee ar afér koo/ír gixsa, nee ar afér dooeé' kudá' ni hotaá aw.» Waawutmo muruudá' aníng ni fiririim nguri haniís, asma Munguúeé' kudá' hhoó' iwa dinkwa nee aníng.

NEHEMIA 8:7

Yeshua nee Bani, nee Sherebia, nee Yamini, nee Akubu, nee Shabetai, nee Hodia, nee Ma'aseya, nee Kelita, nee Asariya, nee Yosabadi, nee Hanani, nee Pelaya, inooín a múk Laáwi, dabeedá' taa soomuús kari múkwí waagwediít, qoomaarihe umuú heewo aa dirós i sihhiít.

AXWEESANOÓ SAGALOOA 24:3

Do' kun tleehh ar sagalooa, nee kun gawdees ar tsaahha.

AXWEESANOÓ SAGALOOA 3:6

Baraá lohduuwók sleémeero inós ya/ameek. Inós lohduuwók ngi qwaats.

YEREMIA 3:15

«De'eemuusér aníng i iialooeemiis ngi kuungá' i sláw, múk kuungá' nu /aymiís ar xu'uti nee tsaahha.

DANIELI 1:20

Nee baraá umuúqo gaaro ar waawutmo ngiwa yaahamiisi ar sagalooa nee xu'utiro, inooín giri tsaáhh adór tara harwaaraáhh sagaáwa mibángw wa ale ta qwaslaareerós tidá' sleémeero nee da/aluuseero, kudá' sleémeero awa baraá waawuti'iimarós.

FAARO 3:20

Umér daaqoó Merari ar adoodá' gur'ér dooín i diria a tí: Mahli nee Mushi. Gaarí an tlahhoó Laáwi adoodá' gur'ér maray'ín i diria.

1 Korinto 14:20

Hhaee'eé', kuungá' masók a adór na/aá ninakweeká baraá fuqureerihunge. Baraá muruú tlakwe kuungá' masók a adór na/aá ninakw, ala baraá fuqureerihunge kuungá' masók a múk urén.