ESRA 7:6 - Biblía Axweesantá Hhohho' ar Mungú 2004

⁶ Esrawí nina Babulonír wa tláy. Inós a goousmoó xu'utír koóm daanduú hara'ayár Munguhe tidá' AAKOÓ MUNGÚ, Munguú Israeli aa haniís dír Mose. Inós kuri alee/iís nee waawutmo umuúqo gár i slai, asma AAKOÓ MUNGÚ, Munguúwós i dinkwa nee inós.

ESRA 7:6 Iomraidhean Croise

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

ESRA 5:5

Ala iltá Mungú i amór bariisér múk Yahudír ga/eér as ngiwa xun, inooín gadiyeé ngaa may'iiká ay qoomár kaangwí iwa hardáh dír Dario, nee kaangwí kunguri ki/ís ar barwiito'o.

ESRA 6:22

Deelór ur ar mikaátér taa sluuftisiiká kari tleéhh ar qwala/ ar afiqoomár deelo faanqw, asma AAKOÓ MUNGÚ inooín gina qwal/atís nee muunuú waawutmoó Ashuru guri warqeés as múk Israeli nguwa slai, inooín giri ale/iís as ngiwa /uurií qaasi baraá gadiyér tlehhmuú doó Munguhe, Munguú Israeli.

ESRA 7:21

«Nee anuú waawutmo Artashasta, kuungaásingá' daqaari'iimár amohhe'eemisá' awa ayeemaá gayuú /uwa yaaér Eufratero nun babawaan, umuúqo gár Esra kuduú kaahamusmo nee goousmoó dabér Munguú doori i slai hanisaak ar ilakaahara, ma babaqaamisaara'.

ESRA 7:28

Inós an kudá' aníng iga sla'aarirós ar warqawaaká i haniis dír geeraá waawutmoowo, nee dír geeraá hara'ayuseerosér nee dír geeraá kudá' aleesleemuú kooma'a. Aníng niri mune hhe'eés geeraharuusér múk Israeli ngiwa burumbuur as tawa altlawaan, asma AAKOÓ MUNGÚ, Mungú a dinkwa nee aníng.»

ESRA 7:5

garmoó Abishua, garmoó Finehasi garmoó Eleasari, garmoó Aroni kaahamusmoó úr oo Mungú.

ESRA 7:9

Inós ti'inaangw nguwa iimu/ún yaamaá Babuloniro a bál slahhángw geera tawa wak, inós iri hardáh Yerusalemu bál slahhángw kooán tawa wak, asma inós kuna aleeslawtís nee Mungú.

ESRA 8:1

Mukwí an kudá' urén baraá tlahh'aá baabi'ii'ine, kudá' nee aníng naa Babulonír wa altlawaan qoomár waawuti'iimár waawutmo Artashasta.

ESRA 8:18

As Munguúrén kuwa hhoó' direne, atén tina heé daharuú koóm i huúw oo ta bay Sherebia, garmoó Mahli, garmoó Laáwi, garmoó Israeli, dinkwa nee hhaeewós awa mibaá nee dakaát.

ESRA 8:22

Asma aníng ana muruút waawutmo nguwa firiim slaqwaruuseero nee kudá' faras ngu i tsa/aamá', as tiwa xuna' dír wakuuseero, asma atén waawutmo una bawaán, «Hhooeemaá Munguúrén i gawaá kudá' ngu leelehhiitá', nee /uuruú xarasleemaawós i gawaá mukdá' sleémeero inós gwa geexay.»

ESRA 8:31

Aai kiri iimu/uumaán dír yaaér Ahafá wa ale, bál slahhángw geera tawa mibaá nee tsár, as tawa Yerusalemúr kawaan, dákw Munguúrén i dinkwa nee atén, inós tina tuú/ dír wakuuseero nee dír heé atén ti haramamahhamiita baraá loohiiro.

NEHEMIA 12:26

Mukwí ina hoót qoomaadár Yoyakimu garmoó Yeshua, garmoó Yosadaki, nee qoomár Nehemia tawa ga/aawusmo, nee Esra tawa kaahamusmoó Mungú nee goousmo.

NEHEMIA 12:36

Hhaeewós bahh'ale nina daaiyé' ar xooslaá daa'aangw awa waawutmo Daudi, heé Mungú. Inooín a ín Shemaya, nee Asareli, nee Milalai, nee Gilalai, nee Ma'ai, nee Netaneli, nee Yuda nee Hanani, kina geerahaár nee goousmo Esra.

NEHEMIA 2:12

Aluuwo nay xweeraá tláw aníng nee múk niiná, tam heé naa /aymuuwí báw i kaahh, kwí Mungú naa qaás baraá muunaáeé' alé, as Yerusalemu. Nee makiito'ór hatlá' ar na huúw i káhh aqo har daqwaydá' án naa daanda i tsa/ám kilós.

NEHEMIA 2:18

Aluuwo ngay dir'íní alki/iít adór aníng nee Mungú tar dinkwa nee adór ira hhooeemawós i tleéhh, kangwdá' waawutmo naa án báy nguri dir'íní alki/iít. Inooín tari oó', «Gimsé' gusé', tlehhma u iimu/uumaán.» Naagáy tari amohhe'eesiyé' as gadiyeérí hho'.

NEHEMIA 2:8

Sleeme barwito'ór Asafu kingi gooin, kudá' gartá waawutmo ga amohhe'eemiís, as xaai ngiwa haniisi awa nahhtá afér koo/ír gawit ar Doó Mungú, nee ar afér koo/ír gixsa, nee ar afér dooeé' kudá' ni hotaá aw.» Waawutmo muruudá' aníng ni fiririim nguri haniís, asma Munguúeé' kudá' hhoó' iwa dinkwa nee aníng.

NEHEMIA 4:15

Ala wakuuseerén ngiwa axás adór axweesantaín ngira tsaahhaán, nee adór Mungú axweesantaín ngira xwaranxwaár, atén sleémeero niri ki/aán baraá tlehhmuú koo/i, umuúqo heewo iri kumiít nee gadiyeérós.

NEHEMIA 8:1

Aluuwo muu sleémeero baraá Yerusalemuro tana burumburiít adór heé wák baraá afeenír geeraá Afkuduú Ma'aay, Esra kuduú goousmo nguna ádbayé' kitaábuú dabér Mose nguwa huwi, tidá' AAKOÓ MUNGÚ aa dír múk Israelírí haniís.

NEHEMIA 8:13

Tam bál tsare mukdá' urén oo tlahh'aá baabi'i sleémeero nee kaahamuusér Mungú nee múk tlahhoó Laáwi, Esra kway haraburumburiít inósuduú goousmo as /ayma'aá dabe kiwa intsaatsahhi.

NEHEMIA 8:4

Esra kuduú goousmo iri sihhiít dirka taa tleéhh ar peehháy as sihhtano, muko iri bihhiiwós awa doó /iyáy i sihhiít. Mukwí an ín Matitia, nee Shema, nee Anaya, nee Uria, nee Hilkia, nee Ma'aseya. Bihhaá dakós oo doó basayhe a ín, Pedaya, nee Mishaeli, nee Malkiya nee Hashumu, nee Hashbadana, nee Sekaria nee Meshulamu.

NEHEMIA 8:9

Nehemia kuduú ga/aawusmo nee Esra kaahamusmoó Mungú nee goousmo, nee múk tlahhoó Laáwi kudá' muu gwaa intsaahhatis, muu sleémeero kuri báy, «Baalaarír laarí ka hhoohhoo' dír AAKOÓ MUNGÚ, Munguúhunge, ma tsuunqumisaara' laqaá sleeme ma /aa/amimaara'.» Asma muu sleémeero ina /aá/ /ayma'aá baraá kitaábuuduú dabe kiwa axaás.

NEHEMIA 9:13

Nina gawaá doorí wa awét ay gawaá tloomár Sinai, tari axwés nee inooín. Kiri kángw hhó' beér, dabér ló' kari hanís, nee kaahír hhoe nee hara'ayaro.

WARA'AMI 109:27

Wakuuser'eé' xu'utiseek adór gaarí tar dakók oo aníng iga ba/amis. Tí ngi tsaahhiye' adór kuúng kara tléhh.

WARA'AMI 147:19

Axweesantós gan alki/iit dír múk Israeli, kaahirós nee sakwasleemaro gari dir'ín i alki/iit.

WARA'AMI 45:1

Muunaáeé' aa haáts /ayma'aá hhoe. Waawutmo u daa'angw'eé' i daá'. Tsifrangw'eé' a adór kalaámuú goousmoó dawa inslaáhh.

WARA'AMI 80:18

Ala u baloó geexawaanaaká as tawa alií ki/aan, ti slafíngwí hanis, daqaní atén umuuwók u ateetaán.

AXWEESANOÓ SAGALOOA 3:6

Baraá lohduuwók sleémeero inós ya/ameek. Inós lohduuwók ngi qwaats.

ISAYA 50:2

Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

ISAYA 59:1

Ga/aawaak, dákw AAKOÓ MUNGÚ ku ququmaareeká tam ba/amisaro nuri harslaqaát. Laqaá iaawós i giwiaaká tam iri axaasiiká.

YEREMIA 8:8

Xáy, kuungá' adór tar oa', ‹Atén a sagalooár koomaán, a dabér AAKOÓ MUNGÚ koomaán?› Ala ga/aawaak, goouusér lamuuse lama gaa gooiín.

Matayo 13:52

Yesu giri báy, «Gawaá adoorihe umuúqo intsaahhatusmoó hara'ayár Mosewo, oo sagalooár waawuti'iimár doori ga koóm, a slaqás nee heé do' loó', oo baraá daqaari'iimarose muruú /abén nee oo qarene gu hanmiís.»

Matayo 23:2

«Intsaahhatuusér hara'ayár Mose nee múk Farisayowo taa iwiít gawaá kitángw Mose as hara'ayaarós kawa alki/iiti.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

1 Korinto 1:20

Gawaá adoorihe heé sagalooár koóm i diimá? Nee intsaahhatusmooduú hara'aya i diimá? Nee slám heé tlaampa'aamis gu baál i diimá de'emaakae? Ahaá, Mungú sagalooár múk baraaká' yaamu gaa laqáníke adór tar dakti'iima.

1 Korinto 15:1

Hhaee'eé', hám daxta aníng kuungá' nu inslawtís kángw Ya/abtoodá' hho' naa dirhúngií alki/iít. Kuungá' Ya/abtoodá' hho' kari ilaoté', nee slám tari baraá Ya/abtoodá' hhó' wa kumité'.

DABE 28:1

«Kuúng barnaxes afór AAKOÓ MUNGÚ, Munguúwók aga iialooés, nee aga ilakaaharés, hara'ayaarí laarí ni kuúngií hara'ayiyiim bara harmagáhh, inós kuúng u iiatleerees baraá xoordaá daanduú yaamuwo.

DABE 4:5

Gimsé', aníng kuungá' naa intsaahhatís kaahi nee hara'ayaro adoodá' AAKOÓ MUNGÚ, Munguúhúng aníng ira ádbáy, as hara'ayaarí kuungá' kawa harmagahha' ooharo baraá yaamaá tay dahmaá eera' as kiwa ala'.