ESRA 7:5 - Biblía Axweesantá Hhohho' ar Mungú 2004

⁵ garmoó Abishua, garmoó Finehasi garmoó Eleasari, garmoó Aroni kaahamusmoó úr oo Mungú.

ESRA 7:5 Iomraidhean Croise

1 QOM'I 6:4

Eleasari ina laqwaál Finehasi, nee Finehasi ina laqwaál Abishua,

2 QOM'I 19:11

Ga/aawaak, Amaria kaahamusmoó úr oo Mungú, inós mura' sleémeero oo AAKOÓ MUNGÚ gun sagesihhimiit. Nee Sebadia garmoó Ishmaeli, ga/aawusmoó yaamaá Yuda, inós mura' sleémeero oo waawuti'iima gu sagesihhimiit. Múk tlahhoó Laáwi an geeraharuuserhúng. Mune hhe'eesé', nee AAKOÓ MUNGÚ ta dinkwa nee múk hhó'.»

2 QOM'I 26:20

Asariya kaahamusmoó Mungú nee kudaá hatlá' nguwa i qaytsitiyé' ngway gaanslár duuxiyé' tsee/í ale, tam inós sleeme ina gaansluút ti'inango, asma AAKOÓ MUNGÚ gwaa slaáhh.

ESRA 7:4

garmoó Serahia, garmoó Usi, garmoó Buki,

ESRA 7:6

Esrawí nina Babulonír wa tláy. Inós a goousmoó xu'utír koóm daanduú hara'ayár Munguhe tidá' AAKOÓ MUNGÚ, Munguú Israeli aa haniís dír Mose. Inós kuri alee/iís nee waawutmo umuúqo gár i slai, asma AAKOÓ MUNGÚ, Munguúwós i dinkwa nee inós.

TI'INAANGW 6:25

Eleasari garmoó Aroni dasír wák ar Putieli gana duúx, nee inós Finehasi guri xwayluúr. Kuká' an múk urén oo gur'ér mari baraá tlahhoó Laáwiwo.

TLAHHOÓ LAÁWI 10:12

Mose Aroni nee daaqaywós kudaá meet, Eleasari nee Itamari, giri báy, «Ilahhooadá' aa met ar balaangw dír tidá' ta hanmaamisa' dír AAKOÓ MUNGÚ tawa ilahhooár da/a, taatahhaak ka /agá' bihhaá kitángw ilahhooár wa ale, mu gár sluuftimisií qaasara', asma ka ló'wa hhoohhoo'.

TLAHHOÓ LAÁWI 10:16

Naagáy Mose gurtuú ta ilahhooár tlakweema hingeesár wa haniisi guri xuuxuú', guri tsaáhh adór kura daá/, asla guri fák. Iri buúhh dír Eleasari nee Itamari, daaqoó Aroni kudá' aa qatliiká, giri yaahaás,

TLAHHOÓ LAÁWI 10:6

Mose Aroni nee daaqaywos, Eleasari nee Itamari giri báy, «Se'eemerhúng ma xaafara' nee tsitayhúng mu feehhamiisara' as tsuunqumis, bar adooriheeká tundu tsuu/ nee AAKOÓ MUNGÚ, xooro sleémeero gari i buuhh. Ala hhaeehúng awa xoorór Israeli ngi aleeslayá' iwa hheehhe'eemiisiya' as asltadá' AAKOÓ MUNGÚ naa huwi.

FAARO 27:2

Naagáy dasuuwí tsiyahhaawo tana daqáy amór Mose, tari sihhiít dír geeraá Mose, nee dír geeraá kaahamusmoó Mungú Eleasari, nee dír geeraá geeraharuuse, nee dír geeraá dinku'uumár Israeli sleémeero, didár geeraá heémár Mungú, tari oó',

FAARO 3:32

Nee Eleasari garmoó Aroni, kaahamusmoó Mungú kuna qaás tawa geeraharusmoó múk urén baraá tlahhoó Laáwiwo, nee sagesihhtusmoó múk gadiyuús didá' hhoohhoó' wa ale.

FAARO 31:31

Mose nee kaahamusmo Mungú Eleasari adoodá' AAKOÓ MUNGÚ ngira hara'ayín kana tleéhh.

FAARO 31:54

Naagáy, Mose nee kaahamusmoó Mungú Eleasari sahaábudá' taa ilaaóh dír geeraharuuseedár slaqwaruusér kumér wa ale nee ar tsiire, kuri huúw baraá heémár Mungú as tawa gár AAKOÓ MUNGÚ gu inslawtamis daanduú múk Israeliwo.

FAARO 31:6

Mose mukwí kumuú wák oo umuúqo tlahhaay guri ya/aáw baraá slaqwara, dinkwa nee Finehasi garmoó Eleasari, kaahamusmoó Mungú. Inós i xooslár kón ar didá' hhoohhoo', nee tarumbeétár laya kar laqan.

Ebrania 5:4

Hee i kaahh oo ilaiwa/ameerí ga sláw, tawa kaahamusmoó úr oo Mungú. Ala aqo har kudá' taa ateét nee Mungú, adoodár Aroni kura ateét.

YOSHUA 14:1

Xoorór Israeli yaamaá kay ka'amiís baraá Kana'aniro an kuká': Múk gaa ka'amiis a kaahamusmoó Mungú Eleasari nee Yoshua garmoó Nuni, baraá ka'amisuuwo tina alee/imisiyé' nee bariisér uren ar tlahh'aá xoorór Israeli.

YOSHUA 22:13

Ala xoorór Israeli Finehasi garmoó kaahamusmoó Mungú Eleasari guri ya/áp ay amór tlahh'aá Reubeni nee Gadiwo nee tlaqtá tlahhoó Manase awa yaamaá Gileadi.

YOSHUA 22:31

Finehasi garmoó Eleasari, kuduú kaahamusmoó Mungú tlahhi'iidaá Reubeni nee Gadi nee Manase giri báy, «Atén laarí aga tsaahhaán adór AAKOÓ MUNGÚ ir dinkwa nee atén, asma kuungá' inós ugwa ahhi'iiká nee as tlehhmusinge kuungá' xoorór Israeli aga tu/é' baraá xaraasleemaá AAKOÓ MUNGUHE.»

YOSHUA 24:33

Aluuwo tam Eleasari garmoó Aroni sleeme iri gwaá'. Kuri foól baraá gixsár Gibea, tidá' taa garmaawós Finehasí haniís. Gixsarí i baraá tlom'aá yaamaá Efraímúrí dirí'.

HAR'OHUUSE 20:28

Finehasi garmoó Eleasari garmoó Aroni a heé sihhimiít dír geeraá sandakmoodá' wa alé deeloodae. AAKOÓ MUNGÚ kuri yaahaás tari oó', «A malé tlawaána as tawa slaqwaan nee hhaeerén awa Benyamini, laqaá i mawaán.» AAKOÓ MUNGÚ giri báy, «Tlawsé', tsa/amé', asma matlo aníng ngi gawaá dabaahúng i qaás.»