ESRA 7:26 - Biblía Axweesantá Hhohho' ar Mungú 2004

²⁶ Ala umuúqo heewo oo dabér Munguúwók ga iialoeemisaaká nee ar waawutmoowo, ku sakwasleemuuti ar gaanslaay, laqaá ar kuwa gaasi, laqaá kuwa lohaatisi, laqaá daqaari'iimarós kawa hayoohi, laqaá kuwa tseegi.»

ESRA 7:26 Iomraidhean Croise

2 QOM'I 30:12

/Uuruú Mungú gadiyeé gana tleéhh baraá munér múk Yudawo, inooín nay iialooeesiyé', hara'ayár waawutmo nee geeraharuuser'ine ngay eehariyé' adoodá' AAKOÓ MUNGÚ ngira oó'.

ESRA 10:4

Tlawáng, gadiyeérí i kuúng sa hariín, atén a dinkwa nee kuúng, muuna hhe'eés, gadiyeé tleehheek.»

ESRA 10:8

Nee barnaxes hee naa daqayká baraá deeloorí tame, ar adoodá' hara'aya geeraharuuse nee bariise ngira oi, daqaari'iimarós sleémeero kan hayoh, inós kilós kuri baynitis dír dinkwár mukdá' naa baraá looháy wa watli.

ESRA 6:11

Slamí an malé kah, barnaxes hee /aymuuwí gwaa warqeés, waaqaasi ka duuxi baraá do'ós wa alé, ka inós ar muti nee waaqaasi ka sihhtisi, inós i gawaadá' wa tarereamiti, nee do'ós ku ufuú xwaansláy tleehhi.

ESRA 6:12

Nee Munguúwí adoorí gaa tleehh umuuwós iwa dirqá' hooti, inós waawutmo laqaá muu gaalá kudá' dabaaín ngi tleesá' as /aymuuwí nguwa warqeesiya' nee do'owí oo Mungú oo baraá yaamaá Yerusalemu ngu hhaamiisá' ngi suquy. Aníng Dario tí ngaa oó', masók ta ilakaaharees hara'ayarí kawa iialooeesi.»

WARA'AMI 52:5

Ala Mungú, kuúng u fadu giqáy ay alhhe'eesay wasle. Un dafiit baraá do'ók wa ale, un amór saáw i kwaahh, un hingees baraá yaamaá múk slaáf wa ale.

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

DABE 27:26

«Umuúqo heé axweesantá dabeerí gaa haalin nee gaa iialooeesiiká, kwaa lu'ús.» «Nee muu sleémeero ta ooi, Amin.»