ESRA 7:25 - Biblía Axweesantá Hhohho' ar Mungú 2004

²⁵ «Nee kuúng, Esra, ar adór sagalooár Munguúwók i diria gawaá dabaawoge kwasleemuuse nee har'ohuuse qaaseek, as muu sleémeero kuduú ayeemaá gayuú /uwa yaaér Eufratero nguwa har'ohina'. Inooín masók a múk dabér Munguúwók ga xuú', kuúng na intsaahhatiseek.

ESRA 7:25 Iomraidhean Croise

IIMU/UUNGW 41:38

Farao sagadiyuuseerós gari yaahaás, gari báy, «Heé adór kwí oo qeeruú Munguú koóm baraawose dír kuy awaan a diimá?»

IIMU/UUNGW 41:39

Farao Yosefu guri báy, «As Mungú tí ngiwa kuúngí xu'utís, heé hatlá' oo adór kuúng oo aleesleemuú koóm nee xu'uti, i kaahh.

1 WAAWITÁ 3:28

Múk Israeli sleémeero kángw kwasleemarír waawutmo aa tsaát, kuri axaás, inós kuri ló'wa daimiít, asma adór sagalooár Mungú ir baraawós kana ár, asma qaa/aay nguwa tlaaqi ar gan'amu.

2 WAAWITÁ 17:27

Naagáy waawutmoó Ashuru iri oó', «Kaahamusmoó wák oo Mungú dír mukdá' tinda baraaká i huwi, amoodá' ti ki/ise' as muu nguwa intsaahhatisi daanduú dabér Munguúine.»

1 QOM'I 22:12

AAKOÓ MUNGÚ dahar nee tsaahha ngi haniisi, as kahhó' bál bar geeraharu'uumár múk Israeli ngaa kuúng i haniís, kuúng dabér AAKOÓ MUNGÚ Munguúwók kawa ot.

1 QOM'I 23:4

Waawutmo Daudi baraá tla/ángw mukdae múk kume mibeeri tsár nee tsiyáhh guri qaás gadiyér Doó AAKOÓ MUNGÚ ngiwa sagesihhmitiya'. Múk kume lahhoó' a geeraharuuse nee har'ohuuse,

ESRA 10:4

Tlawáng, gadiyeérí i kuúng sa hariín, atén a dinkwa nee kuúng, muuna hhe'eés, gadiyeé tleehheek.»

ESRA 6:6

«Gawaá adoorihe kuúng Tatenai, ga/aawusmoó yaamaá gayuú /uwa awa yaaér Eufrate, nee kuúng Shetar-bosenai, nee ga/aawuusér hatlá' ar yaamaá gayuú /uwa yaaér Eufratero, ma amoodá' i daqawara'.

ESRA 7:10

Asma Esrawí muunaáwós guna amór Mungú xu'ús, dabér AAKOÓ MUNGÚ ngiwa intsaatsahhi nee ngiwa tlehhiiti, nee kaahír Mungú ngiwa intsaahhatimisi baraá yaamaá Israeliwo nee tidá' ngwaa bayi.

ESRA 7:14

Asma kuúng taa ya/aáw nee waawutmo nee hara'ayuuseerós tidá' faanqw, as kahhó' kángw Yuda nee Yerusalemu nguwa aan, áx dabér Munguúwók tidá' ta koon kaa eehári ar adór qoom.

NEHEMIA 9:3

Inooín tari sihhiít umuú heewo dirós nee dabér AAKOÓ MUNGÚ, Munguúín ar har afiqoomár hhaawakahe kari dir'ín i soomuús. Ar afiqoomár hhaawaakár aluudae nina hhu'u'uné' nee AAKOÓ MUNGÚ, Munguúín kuri sluufmiís.

WARA'AMI 19:7

Dabér AAKOÓ MUNGÚ i qoón, hee gu /uurií hanís. Axweesantá AAKOÓ MUNGÚ a ló', sagalooa ga hanmís dír kudá' ngi kooma'aaká.

AXWEESANOÓ SAGALOOA 2:6

Asma AAKOÓ MUNGÚ sagalooa gan hanmiis, baraá afkose gár ti'imiit a xu'uti nee tsaahha.

AXWEESANOÓ SAGALOOA 6:23

Asma hara'ayaarí a tsaa'asi, nee dabeerí a gwa/aateema, an gurbu'úngw hee gu gan'aás, an loohír slafiingw.

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

Matayo 13:52

Yesu giri báy, «Gawaá adoorihe umuúqo intsaahhatusmoó hara'ayár Mosewo, oo sagalooár waawuti'iimár doori ga koóm, a slaqás nee heé do' loó', oo baraá daqaari'iimarose muruú /abén nee oo qarene gu hanmiís.»

Marko 6:34

Inós iwa gawaá miringamoó wa aweér, múk yaariír guri ár, guruuwós iri tláy, asma ngiwa ár a adór bee/ángw de'eemusmoó koomaaká. Muruú yaariír guri dir'ínií intsaahhatimís.

DABE 16:18

«Kuungá' har'ohuuse nee geeraharuuseero tsawaaraak baraá tlahhi'iihúng wa ale, baraá gixsaduhúng kudá' AAKOÓ MUNGÚ, Munguúhúng naa haniisi, inooín qaa/oó muu ngu tlaaqiye' ar adór ganaá'.

Kolosai 1:28

Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geeraá Mungú tawa heé aa kwaa/ baraá Kristoowo.

Yakobo 1:5

Ala baraá tla/angwhunge hee barnaxes sagalooa gwa wa /aaruúr, gár kuwa hariím a Mungú gun firín, kudá' muu sleémeero gu tsuuqaá i hanmiís ar yaareema, slám i gahhamiitiiká. Inós sagalooa ngi haniis.