ESRA 7:16 - Biblía Axweesantá Hhohho' ar Mungú 2004

¹⁶ Peésa sleémeero nee sahaábu tidá' kuúng taa qo sleeri baraá yaamaá Babuloniro dinkwa nee muruudá' sleémeero tinda sla'aarír ar hanmiisi nee muu sleémeero, nee kaahamuuseero, as doó Munguúín kuduú baraá Yerusalemu.

ESRA 7:16 Iomraidhean Croise

1 QOM'I 29:17

Aníng aga xuú' adór kuúng Munguúeé' muu kur mune tsee/aariín, nee an qwalaalá/ as múk ganaá'. Aníng baraá gan'amuú muunaáeene muruuwí sleémeero nguna haniís ar muunuú /awaák, nee aníng daxta aga ár adór mukwí diirí dirií' kuúng tura ilahhooárí haniís ar muunuú /awaák nee ar qwala/.

1 QOM'I 29:6

Naagáy, múk urén oo maraá baabi'i, nee geeraharuusér tlahhi'i, nee geeraharuusér slaqwaruusér kume nee ar tsiire, nee kudaá geeraharuusér sagadiyuusér doó waawutmoó sagesihhmiitá', muruuín ngway haniisiyé' ar sla'aari.

1 QOM'I 29:9

Aluuwo muu iri ló'wa qwalalaá/ as adoodá' muruuín nguwa hanmisiyé' ar muunuú /awaák, asma muruuín sleémeero nguna dír AAKOÓ MUNGÚ i hanisiyé' ar muner'ín sleémeero ar muunuú /awaák. Waawutmo Daudi sleeme iri ló'wa qwalaá/.

2 QOM'I 31:14

Kore garmoó Imna heé tlahhoó Laáwi, kuduú xuumusmoó afkú do' oo da/aáw oo Doó Mungú. Inós a sagesihhitusmoó muruudá' muu na huwahuúw ar sla'aarir'ín dír AAKOÓ MUNGÚ, nee qasmisuú muruudá' taa hanmiisi dír AAKOÓ MUNGÚ, nee ilahhooadá' ló'wa hhohho'.

2 QOM'I 6:2

Aníng hám daxta kuúng ugwa doó xiríf i tleéhh, dír tawa hot kureerisleeme.»

2 QOM'I 6:5

Tidá' iwa oó', ‹Iimír aníng qoomaadá' muk'eé' nguwa duúx baraá yaamaá Misrír wa alé ay laarí, aníng gixsár naa tsawaár i káhh baraá yaamaá Israeliro tawa dír ta Dooeé' tleehhi oo tiwa sluufmiisi, slamí heé naa tsawaár i kaahh oo muk'eé' Israeli gu sa waawuti'iím.

2 QOM'I 6:6

Ala hamí daxta aníng gixsár Yerusalemu aga tsawaár dír muu aníng iwa sluufmiisi, nee kuúng Daudi muk'eé' un sawaawuti'iín.› »

ESRA 1:4

Nee umuúqo heewo kudá' aa dirkár i meet oo dahi'iimár hoót, ku ale/iisi nee múk didá' ar peésa, nee ar sahaábu, nee daqaari'iima, nee hikwa, dinkwa nee muruú ta sla'aarír ar hanmiisi as tlehhmuú doó Mungú baraá Yerusalemu.»

ESRA 1:6

Inslaawaay sleémeero mukdá' guna alee/iís ar xooslaá peésa nee sahaábu, ar daqaari'iima nee ar makaay, nee ar muruudá' ak hhó', dinkwa nee muruudá' sleémeero taa sla'aarír ar hanmiís.

WARA'AMI 135:21

AAKOÓ MUNGÚ i xirfuuti iimír Siyonír wa ale, inósudá' hoót Yerusalemúr wa ale. AAKOÓ MUNGÚ xirfayeesaak!

2 korinto 8:12

Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.

2 korinto 9:7

Umuúqo heewo gár kuwa hariím a inós kilós gan aldaakw baraá muunaáwós i alé áx gár i haniisi a milá. Daqaní gadá' ngi haniisi ar sla'aarirós ar kilá', ala ar /uurutisarooká. Asma heé hanmiís ar qwal/amaaye, inós ku slaa' nee Mungú.