ESRA 7:14 - Biblía Axweesantá Hhohho' ar Mungú 2004

¹⁴ Asma kuúng taa ya/aáw nee waawutmo nee hara'ayuuseerós tidá' faanqw, as kahhó' kángw Yuda nee Yerusalemu nguwa aan, áx dabér Munguúwók tidá' ta koon kaa eehári ar adór qoom.

ESRA 7:14 Iomraidhean Croise

ESRA 1:3

Umuúqo heewo kuduú kós baraá tla/angwhunge, masók Munguú i dinkwa nee inós, nee i tsa/an ay Yerusalemu, baraá yaamaá Yuda, Doó AAKOÓ MUNGÚ nguwa tleehhi, Munguú Israeli, inós an Mungú baraá Yerusalemuro.

ESRA 5:8

«Kaangwí i xu'utiiti dír kuúnguú waawutmoowo adór atén nira hardahaán baraá yaamaá Yuda, dír doó Munguúdá' úr, do'odá' kwaa tleéhh ar tlaa/aá uren nee koo/irós kaa tleéhh ar xaa'aá diren. Gadiyeérí kan ilakaaharúr tlehhiit nee in gaanslár hi'ít.

ESRA 6:12

Nee Munguúwí adoorí gaa tleehh umuuwós iwa dirqá' hooti, inós waawutmo laqaá muu gaalá kudá' dabaaín ngi tleesá' as /aymuuwí nguwa warqeesiya' nee do'owí oo Mungú oo baraá yaamaá Yerusalemu ngu hhaamiisá' ngi suquy. Aníng Dario tí ngaa oó', masók ta ilakaaharees hara'ayarí kawa iialooeesi.»

ESRA 6:8

Slám an malé kah, kuungá' muksíng ale/iisaak baraá gadiyeérihe. Bu'utuuín sleémeero hanisaak, mu tligisara' baraá daqaari'iimár waawutmo tiwa duxe' nee baraá ohmeedá' tinda burumburín dír ayeemoosá gayuú /uwa yaaér Eufratero.

ESRA 7:15

Peésa nee sahaábu sleeme huweek, tidá' waawutmo nee hara'ayuseerós naa haniisiyé' ar sla'aari dír Munguú Israeli, kudá' Yerusalemúr hoót.

ESRA 7:28

Inós an kudá' aníng iga sla'aarirós ar warqawaaká i haniis dír geeraá waawutmoowo, nee dír geeraá hara'ayuseerosér nee dír geeraá kudá' aleesleemuú kooma'a. Aníng niri mune hhe'eés geeraharuusér múk Israeli ngiwa burumbuur as tawa altlawaan, asma AAKOÓ MUNGÚ, Mungú a dinkwa nee aníng.»

ESRA 8:25

Aníng peésaadá' nee sahaábuwo ngiri dir'ín i qoomeés, nee xooslaaro nee ilahhooadá' tinda haniisi as doó Munguúrén, tidá' tinda haniís nee waawutmo nee hara'ayuuseerós, nee múk urén, nee múk Israeli sleémeero.

ESTA 1:14

Bihhawose Karshena aa iwiít nee Shetari, nee Admata, nee Tarshishi, nee Meresi, nee Marsena, nee Memukani, geeraharuuse faanqw ar múk Persia nee oo Media, kudá' gitsa/aá waawutmo nga ariye', a múk urén baraá waawuti'iimarose. Giri yaahaás,

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

DANIELI 2:47

Waawutmo Danieli guri báy, «Ar ló', Munguúhúng ku úr ta munguaá hatlae, nee a baalusmoó waawitá, kángw baraá naaqo gu aleesláy geehhooeesaro, asma kuúng kángw naaqoorí ugwa aleesleér geehhooeesaro.»

DANIELI 6:20

Iwa tseewúy bihhaá mar'i, Danieli guri ateét ar afór gurhaami, iwa kaahi, «Daniéli, sagadiyusmoó Munguú slaáf. Xáy Munguúwók kudá' ta sagadiyumaamis umuú daqto ugwa aleesláyi tu/to dír direeriwo?»

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

SEKARIA 6:10

«Qeemuusíng mukdá' taa loohatís naa ya/aáw ar Heldai nee Tobia nee Yedaya ilaooheek. Laarír kilá' tláw ay amór doó Yosia garmoó Sefania, do'odá' inooín naa kayé' niwa yaamaá Babuloni dahhiya'.