ESRA 7:10 - Biblía Axweesantá Hhohho' ar Mungú 2004

¹⁰ Asma Esrawí muunaáwós guna amór Mungú xu'ús, dabér AAKOÓ MUNGÚ ngiwa intsaatsahhi nee ngiwa tlehhiiti, nee kaahír Mungú ngiwa intsaahhatimisi baraá yaamaá Israeliwo nee tidá' ngwaa bayi.

ESRA 7:10 Iomraidhean Croise

1 QOM'I 29:18

AAKOÓ MUNGÚ, Munguú baabi'iirén, Abrahamu nee Isaka nee Yakobo, adoorí mukók aa tleéhh tsuuqeek, nee munér inkihhimuú koom i kumaamit, nee munér mukók amoorók xu'usek.

2 QOM'I 12:14

Rehoboamu tlakweema gina tleéhh, asma AAKOÓ MUNGÚ gwaa leelehhiiká ar muunuuwós sleémeero.

2 QOM'I 19:3

Ala tam adoorihe kuúng hhooeemakaariya' iga tléhh. Slaqsi'i sleémeero kudaá munguúdá' ta bay Ashera iga hingés, nee aga ilakaaharés Mungú kuwa leelehhit ar muunaáwók sleémeero.»

2 QOM'I 30:22

Waawutmo Hesekia múk tlahhoó Laáwi guri xirfayeés gay muunuú i qaás asma sluufmisuudá' nguna geerahariyé' ar sagalooár ur. Alaá deelo faanqw iwa waaráhh, nee muu /aymaro tawa hhe'eés, ilahhooár wayda ar muruú ta tsu/i nguri haniisiyé', AAKOÓ MUNGÚ, Munguú baabi'ii'ín, ngway sluufmiisiyé'.

ESRA 7:11

Gaarí an gooír barwito'oodá' waawutmo Artashasta aa haniís dír kaahamusmo Esra, kuduú kaahamusmo, kuduú goousmo kudá' hara'ayár AAKOÓ MUNGÚ gaa intsaatsaahh nee kaahirós tidá' aa haniís dír múk Israeli,

ESRA 7:25

«Nee kuúng, Esra, ar adór sagalooár Munguúwók i diria gawaá dabaawoge kwasleemuuse nee har'ohuuse qaaseek, as muu sleémeero kuduú ayeemaá gayuú /uwa yaaér Eufratero nguwa har'ohina'. Inooín masók a múk dabér Munguúwók ga xuú', kuúng na intsaahhatiseek.

ESRA 7:6

Esrawí nina Babulonír wa tláy. Inós a goousmoó xu'utír koóm daanduú hara'ayár Munguhe tidá' AAKOÓ MUNGÚ, Munguú Israeli aa haniís dír Mose. Inós kuri alee/iís nee waawutmo umuúqo gár i slai, asma AAKOÓ MUNGÚ, Munguúwós i dinkwa nee inós.

YOBU 11:13

Yóbu, muunaáwók barnaxes u qwáts, dabaawók aqo in gáwtí tlés, Mungú kuwa firiin.

WARA'AMI 1:2

Ala dabér AAKOÓ MUNGÚ gu sla'atimís, nee dabeedá' gan aldakuut tlaatla/aangw nee xweeraawo.

WARA'AMI 10:17

AAKOÓ MUNGÚ, /aa/aá heé tsá' iga axás, kuri iiárií qás, kuri gurkwa/ás.

WARA'AMI 119:112

Aga istí tsaát ar muunaáeé' sleémeero, as kaahirók ngiwa eehaar daqisleém.

WARA'AMI 119:45

Baraá hotaaeene ti baloó dinqisiiká, asma aga ilakahareés hara'ayarók ooharo.

WARA'AMI 19:7

Dabér AAKOÓ MUNGÚ i qoón, hee gu /uurií hanís. Axweesantá AAKOÓ MUNGÚ a ló', sagalooa ga hanmís dír kudá' ngi kooma'aaká.

WARA'AMI 57:7

Aá Mungú, muunaáeé' i kwislmiitiiká, eeít, muunaáeé' i kwislmiitiiká. An daá' nee un xirfayeemiís.

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

Matayo 5:19

Gawaá adoorihe, hee bar hara'ayár wák gaa iialooeesiiká baraá hara'ayadaá ninakwe, nee muu guri adoodár intsaahhatimís, inós a heé ló'wa niiná baraá waawuti'iimár dooriiwo. Ala heé hara'ayaarí gaa boo/ees, nee muu guri adoodár intsaahhatimis, inós a heé ló'wa úr baraá waawuti'iimár dooriiwo.

Matayo 7:24

«Umuúqo heé axweesanay'eé' kwí gwa axaas nee adoodá' i kaahi gay tleéhh, a slaqás nee heé fuqurángw koóm, oo do'ós gwa tleehh gawaá daanduú tlaa/a.

Yohana 13:17

Tí kuungá' bara xué', kuungá' tundu amohhoó bar aga tlehhé'.

Tlehhema'aá ya/Abuuse 1:1

Kitaábuuduú geera nguna gooiím dír kuúng Teofilo, gawaá daanduú muruudá' sleémeero Yesu aa tleéhh nee aa intsaahhatimís iimír iimu/uungo,

DABE 16:12

Tí inslawaak, adór kuungá' aáng tar lawaale baraá yaamaá Misriro, gimsé' kaahirí ló'wa harmagahhaak kawa ota'.

DABE 33:10

Nee na/aá Yakobo ngi intsaahhatisiye' kaahiroge, múk Israeli dabeeroge ngu intsaahhatisiye'. Mooyángw tsuú' nguri geeraawók i qaasiyá' nee ilahhooár da/a sleémeero gawaá kitaangók oo ilahhooa.

1 Timoteo 3:2

Geeraharusmo gár kuwa hariím masók a heé ta muruú tlákw i kaahiiká, inós masók hareerós a wak. Masók a heé qoóm nee oo sagaloó', heé muruú qoomeemeés, heé dahi'iimis, oo intsaahhatisa ga baál.

2 Timoteo 4:2

Ya/abtoorí alki/iiteek, masók tu amohhoó' qoomár hariima nee qoomár hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.

Tito 2:1

Ala kuúng axweesanaydá' intsaahhasár looeemaá wa hariím intsaahhatimiseek.

Tito 2:15

/Aymi'iiká' intsaahhatimiseek, muu kuwa gurkwa/amis nee kuwa naanaq ar aleesleemu sleémeero. Kuúng hee muwa waaqaá'.

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.

1 SAMUELI 7:3

Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»