ESRA 6:6 - Biblía Axweesantá Hhohho' ar Mungú 2004

⁶ «Gawaá adoorihe kuúng Tatenai, ga/aawusmoó yaamaá gayuú /uwa awa yaaér Eufrate, nee kuúng Shetar-bosenai, nee ga/aawuusér hatlá' ar yaamaá gayuú /uwa yaaér Eufratero, ma amoodá' i daqawara'.

ESRA 6:6 Iomraidhean Croise

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

IIMU/UUNGW 43:14

Munguú Aleesleemusmo nu alee/iisi, gurtleemu kuwa sleera' dír heedaádae, as kahhó' niwa ki/a' nee Benyamini nee hhiyaahúng kuduú hatlá' sleeme. Amor'eene barnaxes na/iieé' nin qatliyá', i qatliye'.»

ESRA 4:9

«Barwaárí amór i dahh a amór Rehumu geeraharusmoó slaqwaruuse nee Shimshai goousmo, nee hhaeeín awa hatlá', nee har'ohuuse nee ga/aawuuse, nee geeraharuusér múk Persia, kudá' aáng a múk Ereki, nee múk Babuloni, nee múk Susa tidár baraá yaamaá múk Elami,

ESRA 5:3

Qoomaadár kilae Tatenai, ga/aawusmoó yaamaá gayuú /uwa yaaér Eufratero, nee Shetar-bosenai nee hhaeeín múk Yerusalemu kuri i hardáh, kiri báy, «Do'owí kuwa alhhe'esa' tlehhmuuwo, heé ngwa oo' a heemá?»

ESRA 5:6

Gaarí an gooír taa huúw amór ga/aawusmo Tatenai kuduú yaamaá gayuú /uwa awa yaaér Eufrate, nee Shetar-bosenai, nee ga/aawuusér hatlá' kudá' gayuú yaaeérí diriiá', waawutmo Dario nguna barwiito'oórí gooiné'.

ESRA 6:13

Aluuwo Tatenai ga/aawusmoó ayaá gayuú /uwa yaaér Eufratero nee Shetar-bosenasi nee ga/aawuusér hatlá', tana ilakaahareés hara'ayár waawutmo Dario kawa iialooeesi.

ESRA 6:7

«Gadiyeésír Doó Mungú mawaak, ma il/aamara', ga/aawusmoó múk Yahudi nee bariisér Yahudiro do'osíng oo Mungú ngu tleehhiye' dirós tidár aáng.

NEHEMIA 1:11

Aá Aáko, un fiririím iiarók qaaseek, firór anuú sagadiyusmoowók iiarií qaaseek, nee firór sagadiyuuseerók tidá' qwalalaa/ umuuwók kuwa ilaiwawa/i. Un firiím án iwa iiárií qas, nee anuú sagadiyusmoowók iwa loohírí tlehh as waawutmo iwa gurtlay.» Asma aníng muruú wahángw waawutmo un amohhe'eemamiís.

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

ISAYA 27:8

Ina muúx ar adór qoom kiri loohatís, qoomár fur'ár bambaao ar da/aá daahh, giri hingeés ar slahhtá xaraasl.

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?