ESRA 6:22 - Biblía Axweesantá Hhohho' ar Mungú 2004

²² Deelór ur ar mikaátér taa sluuftisiiká kari tleéhh ar qwala/ ar afiqoomár deelo faanqw, asma AAKOÓ MUNGÚ inooín gina qwal/atís nee muunuú waawutmoó Ashuru guri warqeés as múk Israeli nguwa slai, inooín giri ale/iís as ngiwa /uurií qaasi baraá gadiyér tlehhmuú doó Munguhe, Munguú Israeli.

ESRA 6:22 Iomraidhean Croise

2 WAAWITÁ 23:29

Qoomár waawuti'iimarose waawutmo Farao-neko oo Misri ina tláy ay yaaér Eufrate, as tiwa doogiya' nee waawutmoó Ashuru. Naagáy waawutmo Yosia iri tláy as tawa slaqwi nee Farao-neko, ala Farao-neko nguwa ár guri gaás Megido.

2 QOM'I 23:18

Kaahamusmoó Mungú Yehoyada kaahamuuse nee tlahhoó Laáwiwo giri qaás, as Doó Mungú nguwa amohhe'eemisiya', ar adoodá' inooín Daudi ngira qaás baraá gadiyér Doó AAKOÓ MUNGÚ, as ilahhooár da/a ngiwa hanmiisiya' dír AAKOÓ MUNGÚ, adoodá' kara gooín baraá dabér Mose. Inooín sleeme in baraa/iyá' nee in daaiyá' ar adoodá' Daudi ngira oó'.

2 QOM'I 29:30

Aluuwo waawutmo Hesekia nee geeraharuuseero múk tlahhoó Laáwi nguri ádbayé', AAKOÓ MUNGÚ nguwa daa'ángwár xirfayeemisiya', daa'angwduú waawutmo Daudi nee iigu'utusmo Asafu naa daaiyé'. Muu sleémeero Mungú guri i daá' ar daa'ángw qwala/, tari xupuú', Mungú kuri sluufiís.

2 QOM'I 30:21

Múk Israeli kudá' aa burumburiit baraá gixsár Yerusalemu deeloodá' ur ar Pasaáka tidár mikaátér taa sluuftisiika, kana tleéhh ay deelo faanqw ar qwal/amaayér ur. Múk tlahhoó Laáwi nee kaahamuusér Mungú AAKOÓ MUNGÚ nguna xirfayeemisiyé' umuú baalaaro, nguna i daaiyé' ar xoslaá afo uren.

2 QOM'I 33:11

Gawaá adoorihe, AAKOÓ MUNGÚ geeraharuusér waawutmoó Ashuru gana ya/aáw amór múk Yuda. Manase nguri oohiyé' gway daba' tseegiyé' ar piínguduú muqslár sirda/aten, nguri huwiyé' ay yaamaá Babuloni.

2 QOM'I 35:17

Múk yaariír deeloorír Pasaáka gari boo/eés, nee deelór mikaátedá' ta sluftisiiká kari tleéhh deelo faanqw.

ESRA 1:1

Kurkú geera oo waawuti'iimár Koreshi, waawutmoó yaamaá Persia, as axweesantadá' AAKOÓ MUNGÚ aa oó' ar afkú aarusmo Yeremia iwa bo/, AAKOÓ MUNGÚ muunuú waawutmo Koreshi oo Persia guri gwarangwaár, inós afo gari ilahaniís baraá waawuti'iimarós sleémeero, sleeme gay gooín, iwa kaahi:

ESRA 6:1

Naagáy waawutmo Dario hara'aya gari oó', leelehhit kuri iimu/ún baraá gixsár Babuloniro baraá do'odá' muruú inslaslángw wa hariím oo waawutmo kway baabatsi.

ESRA 7:27

Esra iri oó', «AAKOÓ MUNGÚ, Munguú baabi'iirén i xirfuuti, kudá' inslawaywí gwaa qaas baraá muunuú waawutmo ar doó AAKOÓ MUNGÚ nguwa parootuusi kuduú baraá Yerusalemu.

NEHEMIA 13:6

Qoomár muruuwí iwa tleehharuút aníng a Yerusalemúr i diriaaká, asma baraá kurkú mibeeri tám nee tsár oo waawuti'iimár Artashasta oo yaamaá Babuloniro, aníng ana amór waawutumoó káw, aluuwo iri ya/án niwa kii/ Yerusalemu.

AXWEESANOÓ SAGALOOA 16:7

Hotaá hee bar AAKOÓ MUNGÚ ngwa sla'atisiyé', tam nee wakuuseerós tiri slaiyá'.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

ESEKIELI 23:23

Aníng múk Babuloni ngu dúk, nee oo Kaldayowo, nee mukduú Pekodi sleémeero, nee oo Shoa nee Koa, dinkwa nee múk Ashuru sleémeero. Aníng masoombár hhohho' ngi dúk sleémeero nee ga/awuuse, nee geeraharuusér slaqwaruuse, nee waawitá nee slaqwaruuse sleémeerowo tidá' aa tsa/aan gawaá faras.

Matayo 26:17

Baalár deelór geera ar deeloodá' ur ar Mikaátér taa sluuftisiiká, Yesu eeharuuseerós guri i daqeér guri beér, «Dír kuúng ta sla' a diimá ar muruú /aymár Pasaáka kway amohhe'eesaan?»

Yohana 19:11

Yesu iri oó', «Kuúng aleesleemuú ta koon daanduueene i kaahh bar geera Mungú ngwa kuúng i haniisiiká. Ala heé aníng iga dabaawók i qaas, tlakweemaawós ki ak ur.»