ESRA 6:20 - Biblía Axweesantá Hhohho' ar Mungú 2004

²⁰ Kaahamuuse sleémeero nee múk tlahhoó Laáwi tiri hhehhe'eesiyé', inooín sleémeero niri hhoohhouyé'. Deelmoó bee/i nguna gaasiyé' as mukdá' naa baraá looháy wa waatl nee as hhaeeín awa kaahamuuse nee as daandeemoín.

ESRA 6:20 Iomraidhean Croise

2 QOM'I 29:34

Kaahamuusér Mungú muruudá' daqarooro gway harslaaqát, asma inooín ki ureeká. Gawaá adoorihe, hhaeeín kudaá tlahhoó Laáwi daqarooro ngay alee/iisiyé' kari hhe'eés. Qoomaarihe kaahamuusér Mungú ar yaariir taa hhoohhooés (Asma múk Laáwi oo taa hhoohhooees ku úr ta kaahamuuseero).

2 QOM'I 35:11

Inooín deelmoó deelór Pasaáka kuri gaás, kaahamuuse tseere gari tsiririxiimís. Tseereedá' ngina ilaoohiyé' dír tlahhoó Laáwi wa alé kudá' kaahari nga daqiye'.

2 QOM'I 35:14

Alaá tí sleémeero múk Laáwi fu'unay'ín giri amoohhe'eés, as inooín nee kaahamuusér Mungú tidár tlahhoó Aroni, asma kaahamuusér Mungú pa/aangw gwa sleeriiká ay xweera, as gadiyér ur ar ilahhooa da/a/aangw, nee di/tadá' ta da/aa/án.

2 QOM'I 35:15

Daauusér tlahhoó Asafu tina amoohhe'eesiyé' adoodá' aáng waawutmo Daudi ngira oó', nee Asafuwo, nee Hemani nee Yedutuni kuduú iigu'utusmoó waawutmo. Xuumuuse tidár afkú Doó Mungú dir'ín tidár xuumar'ín ngaa geexay'iiká, asma hhaeeín awa tlahhoó Laáwi i deeloodár Pasaákuú amoohhe'eemisiyá'.

TI'INAANGW 12:21

Mose bariisér múk Israeli gari ateét, giri báy, «Tlawsé', umuúqo heewo dirhunge deelmoó gwaanda oo bu'uút múk do'ose ngu taataahhi, ngu gaasi deelór ur ar Pasaákuú wa alé.

Ebrania 7:27

Inós a adór kaahamuuseedár hatlaeeká. Asma inós gár hikwaá ngis tsu/i umuúqo deelooro i káhh, adoodá' kaahamuuseedá' aáng ngira hanmís. Inooín ilahhooa kana geerií hanmiís, as tlakweemaaín awa kilá', aluuwo as tlakweemaá muu. Ala inós ilahhooár wák kilós ar bu'uut qooma sleémeero gana haniís sagaáwa wák wa ale as muu sleémeero qoomár inós kilós tiwa haniís.