ESRA 6:18 - Biblía Axweesantá Hhohho' ar Mungú 2004

¹⁸ Nee inooín kaahamuuse kari qaás baraá gadiyér Mungú, nee múk tlahhoó Laáwi kuna qaás baraá baalaqaasir'ín, as gadiyér Mungú baraá Yerusalemuro, adoodá' kara gooín baraá kitaábuú Mose.

ESRA 6:18 Iomraidhean Croise

1 QOM'I 24:1

Adoorí an adór daqoroó tlahhoó Aroni tira haár. Aroni daaqaywós a kwí: Nadabu nee Abihu, nee Eleasari, nee Itamari.

1 QOM'I 24:24

Daaqoó Usieli a Mika, doó Mikawo a Shamire.

1 QOM'I 25:1

Waawutmo Daudi nee geeraharuusér tlahhoó Laáwi, muu bahh'alé baraá xwaylár Asafu nee ar Hemaniwo nee ar Yedutuniwo kuna tsawaár, as gadiyér sluufmis nee tawa aaririn ar xooslaá daa'aangw adór gidaandoori nee mariímba nee mitingiraay. Múk taa tsawaár as gadiyeérí a kwí:

2 QOM'I 35:10

Alaá deelór Pasaáka amoohhe'eesaro kawa hhe'eés, kaahamuusér Mungú tari sihhiít kitangw'ín i aleeró, múk Laáwi tana baalaqaasir'ín áy adoodá' hara'ayár waawutmo i kat.

2 QOM'I 7:6

Kaahamuusér Mungú tay sihhiít dir'ín. Múk tlahhoó Laáwi ina sihhiít sleeme, dinkwa nee xoosladár daa'ángw AAKOÓ MUNGÚ, tidá' waawutmo Daudi aa dir'ín i haniís, tidá' inós aa tleéhh as AAKOÓ MUNGÚ nguwa xirfayeemisi iwa kaahi, «Sla'aarirós ar warqawaaká in kumaamít ay kureeraá kureér.» Kaahamuusér Mungú tarumbeétadu giri ufáhh, múk Israeli sleémeero iri sihhiít.

FAARO 3:6

«Múk tlahhoó Laáwi diirí tseeweesang, ki dír geera kaahamusmo Aroni i sihhtís as inós nguwa sagadiyuusiya'.

FAARO 3:9

Múk tlahhoó Laáwi ku hanís dír Aroni nee xwaylarós tidár kaahamuusér Mungú, mukwí kunguna duúx baraá tla/ángw múk Israeliro as muu nguwa sagadiyuusiya'.