ESRA 6:16 - Biblía Axweesantá Hhohho' ar Mungú 2004

¹⁶ Múk Israeli, nee kahaamuuse nee múk tlahhoó Laáwi, nee múk hatlá' oo naa baraá looháy wa waatl, do'owuú Mungú kuri aldafín ar qwal/uú yaariír.

ESRA 6:16 Iomraidhean Croise

1 WAAWITÁ 8:62

«Aluudae waawutmo nee mukduú Israeli nee inós dinkwár diriiá' AAKOÓ MUNGÚ kuri ilahhooár muruú ta tsú/í haniís.

1 WAAWITÁ 8:63

Solomon AAKOÓ MUNGÚ guri ilahhooár waydií haniís ar muruú ta tsu/i, awe kume mibeeri tsár nee tsár, nee bee/ángw kume tsiiru nee mibeeri tsár. Adoorí an adór Solomon nee muu sleémeero oo Israeli Doó Aakoó Mungú kura aldafín.

1 QOM'I 15:28

Aluuwo múk Israeli sleémeero sandakmoó alqadór AAKOÓ MUNGÚ kunguna huúw baraá Yerusalemu ar kwaraa/ír ur, xareemi nee tarumbeétaro kiri ufaáhh, nee mitingiraay kuna tsingili'imiís, nee afo kari tleesa hhe'eés ar mariímba nee gidaandooraay.

1 QOM'I 9:2

Múk Israeli kuduú geeraharuuseerooká an múk aa geerií kii/ baraá gixsaduuín, nee kaahamuusér Mungú, nee múk tlahhoó Laáwi, nee sagadiyuusér doó Mungú.

2 QOM'I 29:30

Aluuwo waawutmo Hesekia nee geeraharuuseero múk tlahhoó Laáwi nguri ádbayé', AAKOÓ MUNGÚ nguwa daa'ángwár xirfayeemisiya', daa'angwduú waawutmo Daudi nee iigu'utusmo Asafu naa daaiyé'. Muu sleémeero Mungú guri i daá' ar daa'ángw qwala/, tari xupuú', Mungú kuri sluufiís.

2 QOM'I 30:23

Muu tari axweesani sláy tawa kumiiti deelór hatlá' faanqwe. Naagáy tari kumiít deelór ur kawa tleehhi ar qwala/ har afiqoomár deelo faanqw.

2 QOM'I 30:26

Qwal/uú úr iri tleehharuút baraá Yerusalemuro, asma iimír qoomár Solomon garmoó Daudi, waawutmoó Israeli, gár adór tí baraá yaamaá Yerusalemuro kaa baloó ariiká.

2 QOM'I 7:5

Waawutmo Solomon awe kume mibeeri tsár nee tsár, nee bee/ángw kume tsiiruú wák nee mibeeri tsár gway haniís tawa ilahhooár muruú ta tsu/i dír Mungú. Adoorí an adór Solomon nee múk Israeli sleémeero Doó Mungú kura paraátl as Mungú.

ESRA 4:1

Naagáy wakuusér múk Yuda nee Benyamini kawa axaás adór mukdá' naa baraá looháy wa waatl tar doó AAKOÓ MUNGÚ, Munguú Israeli tlehhiít,

ESRA 6:22

Deelór ur ar mikaátér taa sluuftisiiká kari tleéhh ar qwala/ ar afiqoomár deelo faanqw, asma AAKOÓ MUNGÚ inooín gina qwal/atís nee muunuú waawutmoó Ashuru guri warqeés as múk Israeli nguwa slai, inooín giri ale/iís as ngiwa /uurií qaasi baraá gadiyér tlehhmuú doó Munguhe, Munguú Israeli.

NEHEMIA 12:27

Qoomár koo/ír Yerusalemu kawa paraatlár wa slai múk tlahhoó Laáwi kuna leelehhiít umuúqo dír i diri'iia, as niwa hardihiya' Yerusalemu deelór ur ar koo/i kawa paraatli as Mungú kawa sluufmiisi, nee tawa daai ar mitingiraay nee ar mariímba nee ar gindaandoori.

NEHEMIA 12:43

Baalaarihe inooín ilahhooár muruú ta tsu/i kana haniís tari ló'wa qwalaá/. Asma Mungú gina ló'wa qwal/aás ar qwal/uú úr, /ameena nee na/iiwo sleeme tari qwalaá/. Bar/uú qwala/ oo baraá Yerusalemu kuri amór saáw wa axamiís.

NEHEMIA 7:73

Gawaá adoorihe, kaahamuusér Mungú nee múk tlahhoó Laáwi, nee xuumuusér Doó Munguhe, nee daauuseero nee muu bahh'alé, nee sagadiyuusér Doó Mungú nee múk Israeli sleémeero, tay hoót baraá gixsaduín wa ale. Tam qoomár slahhángw faanqw iwa xáy múk Israeli taqo baraá gixsaduuín i dirii'.

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

WARA'AMI 122:1

Ana qwalaá/ tiwa báy, «Góh amór DOÓ AAKOÓ MUNGÚ.»

DANIELI 5:13

Naagáy Danieli kuri huúw dír geeraá waawutmo, waawutmo guri yaahaás, «Xáy, kuúng a heedaádá' ta báya Danieli, kudá' baabuúeé' waawutmo naa baraá yaamaá Yuda wa húwi?

Yohana 10:22

Baraá Yerusalemuro deelór ur i deer ar inslaslángw aldafiimár Doó Mungú. Qoomaadá' a qoomár tsaaqwa.

DABE 12:7

Amoodae kuungá' an /ayiindá' dír geeraá AAKOÓ MUNGÚ, Munguúhúng wa ale, tari qwalala/á', kuungá' dinkwa nee múk marayhunge, as diihhooadá' AAKOÓ MUNGÚ, Munguúhúng, nura tsuúq.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.