ESRA 6:14 - Biblía Axweesantá Hhohho' ar Mungú 2004

¹⁴ Nee bariisér múk Yahudi tay kumiít tlehhmuuwo, gadiyeé iri ya/aán ar adoodá' aaru'uumár aarusmo Hagai nee Sekaria garmoó Ido i diri'. Inooín tlehhmuú doó Mungú kuri hhe'eés ar adoodá' kira hara'ayín nee Munguú Israeli, nee ar adoodá' kara oó' nee Koreshi, nee Dario, nee Artashasta waawutmoó yaamaá Persia.

ESRA 6:14 Iomraidhean Croise

ESRA 3:8

Qoomár slahhángw tsár oo kurkú tsár iimír inooín niwa hardihiyé' dír doó Mungú baraá Yerusalemu, Serubabeli garmoó Shealtieli, nee Yeshua garmoó Yosadaki nee hhaeeín awa hatlá', nee kaahamuuseero nee múk tlahhoó Laáwiwo, nee muu sleémeero, kudá' naa baraá looháy wa waatl ay Yerusalemu gadiyeé kari iimu/ún. Inooín múk tlahhoó Laáwi kuri qaás, kudá' kureeri mibeeri tsár gaa ay nee oo gi ba/abaá/, as gadiyér Doó Mungú kawa sagesihhiiti.

ESRA 4:24

Doó AAKOÓ Mungú kuduú baraá gixsár Yerusalemu tlehhtuuwo kuri máy ay kurkú tsár oo waawuti'iimár waawutmo Dario, waawutmoó yaamaá Persia.

ESRA 4:3

Ala Serubabeli nee Yeshua nee kudaá hatlá' uren awa tlahh'aá Israeli ngiri bayé', «Kuungá' gár nu huuw i káhh baraá tlehhmuú doó Munguúrene, ala atén kiloorén AAKOÓ MUNGÚ, Munguú Israeli, un dó' i tleehhaán adoodá' waawutmo Koreshi oo Persia tira ádbáy.»

ESRA 5:1

Naagáy aaruuse, Hagai nee Sekaria garmoó Ido, tana aariirín dír múk Yahudi kuduú baraá yaamaá Yerusalemu nee Yuda, ar umuú Munguú Israeli.

ESRA 5:13

Ala kurkú geera oo waawuti'iimár Koreshiwo, waawutmoó yaamaá Babuloni, Koreshi hara'aya gari oó' ar do'owí oo Mungú kuwa /abeesi tlehhmuuwo.

ESRA 5:2

Aluuwo Serubabeli garmoó Shealtieli nee Yeshua garmoó Yosadaki tari tláy, doó Mungú kuduú Yerusalemu kuri iimuu/ún tlehhtuuwo, inooín tina ale/iimiisiyé' nee aaruusér Mungú.

ESRA 6:3

«Kurkú geera oo waawuti'iimár waawutmo Koreshi, waawutmo Koreshi hara'aya gana oó' ar doó Mungú kuduú baraá yaamaá Yerusalemu kuwa /abeesi tlehhmuuwo dír ilahhooár muruú ta tsu/i kawa hanmiisi nee ilahhooa da/a/aangw kawa hanmiisi. Tlenaango a miíta mibeeri tsár nee faanqw, nee uroó bihheero a miíta mibeeri tsár nee faanqw sleeme.

ESRA 6:8

Slám an malé kah, kuungá' muksíng ale/iisaak baraá gadiyeérihe. Bu'utuuín sleémeero hanisaak, mu tligisara' baraá daqaari'iimár waawutmo tiwa duxe' nee baraá ohmeedá' tinda burumburín dír ayeemoosá gayuú /uwa yaaér Eufratero.

ESRA 7:1

Alaá kaangwihe qoomár waawuti'iimár Artashastawo, waawutmoó Persia, heeko i deer umuuwós a Esra. Esra garmoó Seraya, garmoó Asariya, garmoó Hilkia,

ESRA 9:9

Asma atén a lawaale, ala Munguúrén taa baraá lawaali'iimárí mayká, ala tina slaá' ar sla'aarír warqawaaká dír geeraá waawituú Persiaro, atén tiri pa/ángwií haniisiyé' tawa hootaan, nee Doó Munguúrén nguwa sihhitisaan nee didá' aa fee/it ngiwa /abeesaan, nee Yuda nee Yerusalemuro kiwa xuún.

NEHEMIA 6:15

Naagáy bál slahhángw Eluli tawa mibeeri tsár nee kooán koo/idá' iri hhooeér. Deelo kaa hhe'eesaán mibeeri kooán nee tsár.

ISAYA 44:28

Aníng an kudá' Koreshi gu babáw, «Kuúng an de'eemusmoó muk'eé', kuúng tidá' aníng ni qomeemees an boo/és. Aníng an kudá' gixsár Yerusalemu ga babáw, ‹Kiíng Yerusalemu, ti male /abees tlehhmuwo.› Nee daanduú Doó Munguhe an kah, ‹Iihhafiirír Doó Mungú ka malé iihhaaf.› »

HAGAI 1:1

Bál slahhángw lahhoó' tawa wak oo kurkú tsár oo waawutmo Dario, AAKOÓ MUNGÚ ina axweés ar afkú aarusmo Hagai dír waawutmo Yuda kudá' ta bay Serubabeli, garmoó Shealtieli, nee dír kaahamusmoó úr oo Mungú kudá' ta bay Yoshua garmoó Yehosadaki.

HAGAI 1:8

Tsa/amé' gawaá tlom'i, xaai huwaare', do' ku tlehhá', daqaní aníng us qwalaá/, aníng muu iri xirfayees.»

SEKARIA 1:1

Slahhángw dakaát oo kurkú tsár iimír Dario waawutmoó Persia iwa waawuti'ín, aarusmo Sekaria garmoó Berekia garmoó Ido, axweesantá AAKOÓ MUNGÚ gana axaás ar kah,

SEKARIA 1:16

Gawaá adoorihe, anuú AAKOÓ MUNGÚ an kah, ‹Guruueé' aa tláy as Yerusalemu, dooeé' ku baraadií tleehh, nee tlehhmuú /abén oo gixsa i iimu/ún. Anuú AAKOÓ MUNGÚ Aleesleemusmo tí ngina oó'.› »

SEKARIA 4:9

«Dabaá Serubabeli iihhafiirír do'owí ngina qaasiyé', nee dabaawós do'owí ngun alhhe'eesiyá', kuungá' kari tsahhá' adór án AAKOÓ MUNGÚ Aleesleemusmo ira amorhúng i ya/aáw.

SEKARIA 8:9

AAKOÓ MUNGÚ Aleesleemusmo i kaahi, «Kuungá' mune hhe'eesé', kuungásingá' laarí axweesantí ngi axamiisá' tidá' aaruuse aa alki/ít qoomár iihhafirír Doó' AAKOÓ MUNGÚ Aleesleemusmo kawa qamin.