ESRA 6:12 - Biblía Axweesantá Hhohho' ar Mungú 2004

¹² Nee Munguúwí adoorí gaa tleehh umuuwós iwa dirqá' hooti, inós waawutmo laqaá muu gaalá kudá' dabaaín ngi tleesá' as /aymuuwí nguwa warqeesiya' nee do'owí oo Mungú oo baraá yaamaá Yerusalemu ngu hhaamiisá' ngi suquy. Aníng Dario tí ngaa oó', masók ta ilakaaharees hara'ayarí kawa iialooeesi.»

ESRA 6:12 Iomraidhean Croise

1 WAAWITÁ 9:3

AAKOÓ MUNGÚ guri báy, «Aníng firoorók nee saaliingók kudá' iwa firiín iga axaás. Do'owí kuúng taa tléhh aníng ugwa hhoohhooeés as niwa baraaká' wa hoot daqisleém, slám malé alé, aníng un slaá' nee un xuúm qooma sleémeero.

2 QOM'I 7:16

asma aníng diirí aga hhoohhooeés nee aga tsawaár tawa dír muu aníng iwa sluufmiisi daqisleém. Aníng diirí a xuúm nee ngiri slaá' daqisleém.

ESRA 6:13

Aluuwo Tatenai ga/aawusmoó ayaá gayuú /uwa yaaér Eufratero nee Shetar-bosenasi nee ga/aawuusér hatlá', tana ilakaahareés hara'ayár waawutmo Dario kawa iialooeesi.

ESRA 6:14

Nee bariisér múk Yahudi tay kumiít tlehhmuuwo, gadiyeé iri ya/aán ar adoodá' aaru'uumár aarusmo Hagai nee Sekaria garmoó Ido i diri'. Inooín tlehhmuú doó Mungú kuri hhe'eés ar adoodá' kira hara'ayín nee Munguú Israeli, nee ar adoodá' kara oó' nee Koreshi, nee Dario, nee Artashasta waawutmoó yaamaá Persia.

ESRA 7:15

Peésa nee sahaábu sleeme huweek, tidá' waawutmo nee hara'ayuseerós naa haniisiyé' ar sla'aari dír Munguú Israeli, kudá' Yerusalemúr hoót.

ESRA 7:17

«Kuúng ilakaahareés, ar peésaarihe awe ka tláxw, nee gwaandaawe, nee deeloó bee/aango nee ilahhooár balaangw, nee ilahhooár muruú wahaangw, kuúng ki hanís ilahhooár wa ale, gawaá kitángw ilahhooa oo baraá Doó Munguúwók kuduú Yerusalemu.

ESRA 7:26

Ala umuúqo heewo oo dabér Munguúwók ga iialoeemisaaká nee ar waawutmoowo, ku sakwasleemuuti ar gaanslaay, laqaá ar kuwa gaasi, laqaá kuwa lohaatisi, laqaá daqaari'iimarós kawa hayoohi, laqaá kuwa tseegi.»

ESTA 8:14

Naagáy ya/abuuse iri tleér tawa tsa/án gawaá farsuú insláhh ti'iingo oo tar gadiyumamisi gadiyér waawutmowo, amqae kina gaanslár guús kin harakeemiis kiwa tliw/in ar hara'ayár waawutmo. Afoorí sleeme kari ilahaniís baraá gixsár ur ar Susaro.

WARA'AMI 5:10

Mungú, kuká' hhaamiiseek! Maweek kwasleemaduuín kudá' tlakw ngi saki/iye'. Tlatlahhaseek asma tlakweemaaín kudá' yaariir. Tlatlahhaseek as kuúng ugwa si'iyé'.

TI'INAANGW 20:24

Kuungá' kitángw aníng iwa ilahhooárí hanmisa' tleehhaak ar hhape, as hikwaahúng nee bee/angwhúng kiwa gawaadií tsu/a' tawa ilahhooár da/a/aangw nee ilahhooár wayda. Umuúqo dír án muu nguwa inslawtisár wa sla'a umueene, aníng nun i hardáh kuungá', nuri tsuúq.

DAHARUSMO 9:10

Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

ISAYA 60:12

Umuú waawuti'iimaro laqaá xoororo, tidá' kiíng i sagadiyusaaká, ka hhaamiis, xoorduuká' ki ló'wa qwaarees.

OBADIA 1:10

Asma tlakweemaadá' taa tléhh dír hhiyaawók Yakobo, alsi'imu in oh, kiíng tari suqút ay alhhe'eesay wasle.

Tlehhema'aá ya/Abuuse 9:5

Saulo iri oó', «Kuúng a heemá, Aáko?» Heedaádá' iri oó', «Aníng an Yésuudá' kuúng ta slahh'eemis.

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 16:2

Kuungá' ilahhooár Pasaáka ar muruú ta tsu/i haniisaak baraá tla/ángw bee/angwhúng nee hikwaahúng wa ale, as AAKOÓ MUNGÚ Munguúhúng kuwa ilaiwawa/a' didaádá' AAKOÓ MUNGÚ aa tsawaár ar umuuwós kuwa ateetin.