ESRA 6:11 - Biblía Axweesantá Hhohho' ar Mungú 2004

¹¹ Slamí an malé kah, barnaxes hee /aymuuwí gwaa warqeés, waaqaasi ka duuxi baraá do'ós wa alé, ka inós ar muti nee waaqaasi ka sihhtisi, inós i gawaadá' wa tarereamiti, nee do'ós ku ufuú xwaansláy tleehhi.

ESRA 6:11 Iomraidhean Croise

2 WAAWITÁ 10:27

Uheemidá' dinkwa nee doó sluufmisuwo kiri naasúy. Doó sluufmis kuri bohóngw /o/odu tleéhh. Adoorí an adór do'duú sluufmis i dirii'i ay laarí.

2 WAAWITÁ 9:37

Tuuár Yesebeli a adór /o/ór baraá qaymo, baraá yaamaá Yesre'eliro, asma heé oó', gaarí a tuuár Yesebeli, i kaahh.› »

ESRA 7:26

Ala umuúqo heewo oo dabér Munguúwók ga iialoeemisaaká nee ar waawutmoowo, ku sakwasleemuuti ar gaanslaay, laqaá ar kuwa gaasi, laqaá kuwa lohaatisi, laqaá daqaari'iimarós kawa hayoohi, laqaá kuwa tseegi.»

ESTA 5:4

Esta iri ó', «Barnaxes waawutmo ngaa slaá', inós nee Hamani ni hardihiye' baraá muruú /aymár tsiindo, kudá' naa amohhe'eés as waawutmo.»

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

DANIELI 2:5

Waawutmo giri báy, «Aníng gár naa oó' ar ló', ala bar kuungá' tlataadá' ngi oa'aaká laqaá gadaádá' nira tlatitiím, aníng kuungá' nun supiím umuuqo diqto bartós, nee marayhúng kin hhaaiís kiri ufér xwaansláy tleehh.

DANIELI 3:29

«Gawaá adoorihe aníng hamí an kah, umuú tlahhaywo nee umuú xoorooro nee umuú tsifriro ar múk /aymuú harimaaká gu oo' daanduú Munguú Shadraki nee Meshaki nee Abednegowo, xoorór adoorí mukós kun supín tay kaeemaá dimbadimbé, maray'ín tay taangu. Asma Munguú hatlá' oo hee gu aleesláw ba/amisaro ar loohír adór tí i kaahh.»