ESRA 6:10 - Biblía Axweesantá Hhohho' ar Mungú 2004

¹⁰ As inooín Munguú gawaá doori nguwa ilahhooár muruú ta tsu/i ar sla'atamis i hanmisiya', nee slafíngw waawutmo nee na/iiwós nguwa aleefirina'.

ESRA 6:10 Iomraidhean Croise

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

ESRA 1:2

«Waawutmo Koreshi oo Persia i kaahi, AAKOÓ MUNGÚ, Munguú doori, waawuti'iima sleémeero ar yaamu ngaa aníng i haniís. Aníng iga waawuti'iimár yaamu sleémeerowí haniís. Aníng iga ádbáy nguwa dó' i tleehh baraá Yerusalemu, tidár baraá yaamaá Yuda.

ESRA 6:9

Nee umuúqo gár i slaiia haniisaak, bar awér nakw nee gwaandaawe, laqaá bee/aangw as tawa ilahhooár ta da/i dír Munguú doorí alé, nee angaáno nee diwi nee difaái, laqaá di/i, ar adór kaahamuusér baraá Yerusalemu ta ooi, muruuwí ku hanmiisi umuúqo deeloro, mu mawaara' hanmisuuwo.

ESRA 7:23

Umuúqo gár Munguú doori ni ooi as doó Munguú doori i tleehharut, as miwa buúhh daanduú waawuti'iimár waawutmo nee daaqaywose.

TI'INAANGW 12:32

Bee/angwhúng nee hikwaahunge ar tlawaak, ala ti aleefiriinde', aluurén i hhooaye'.»

YEREMIA 29:7

Gixsasíng kuungá' tunday loohatís diihhooárií leelehhaak, anuú AAKOÓ MUNGÚ firiirimaré' diihhooár yaamuukae, asma inooín diihhooa bar kaa sláy, kuungaásingá' baraasíng hootá' diihhooa aqo sleerá'.›

DANIELI 2:46

Waawutmo Nebukadnesa giti gari yaamúr óh, Danieli guri i tumbarara'aát, hara'aya gari oó' Danieli kuwa ilahhooár i haniisi nee mooyangwdá' tsuua sleeme.

TLAHHOÓ LAÁWI 1:13

Ala xooslár gura' nee ya'a' giri hamaatl ar ma'aay. Kaahamusmo sleémeero giri ád aldaa/ gawaá kitángw ilahhooa, tawa ilahhooár da/a. Ilahhooarí ta da/a/an ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 1:9

Ala xooslár gura' nee ya'aá makiito'oodá' ki hamaatli ar ma'aay. Kaahamusmo ilahhooadá' sleémeero ngi ád wa da/i gawaá kitángw ilahhooa as tawa ilahhooár da/a, ilahhooarí taa daá/ ar asla slaahhareeriiwós AAKOÓ MUNGÚ nguri sla'atisiyá'.

Efeso 5:2

Hooté' ar sla'aari, adoodá' Kristo atén tira slaá', tiri kilós haniís kuwa gaasi as atén, ilahhooár Mungú wa ale, nee tawa ilahhooár ta da/i, ar mooyángw tsuú' koom.