ESRA 5:8 - Biblía Axweesantá Hhohho' ar Mungú 2004

⁸ «Kaangwí i xu'utiiti dír kuúnguú waawutmoowo adór atén nira hardahaán baraá yaamaá Yuda, dír doó Munguúdá' úr, do'odá' kwaa tleéhh ar tlaa/aá uren nee koo/irós kaa tleéhh ar xaa'aá diren. Gadiyeérí kan ilakaaharúr tlehhiit nee in gaanslár hi'ít.

ESRA 5:8 Iomraidhean Croise

ESRA 2:1

Mukwí an kuduú aya, kudá' naa waatl baraá loohaywo, kudá' Nebukadnesa, waawutmoó Babuloni aa loohatís ay yaamaá Babuloni, inooín tay kií/ yaamaá Yerusalemu nee awa Yuda, umuú heewo ayaawós.

ESRA 5:7

Inooín barwarí ngina huwiyé' nee /aymi'iiká' kina baradií gooín, «Waawutmo Dario, waawutámo laawaay!

ESRA 5:9

«Aluuwo atén geeraharuuseedá' sleémeero ana yaahasaán, ‹Do'owí kuwa alhhe'eesa', heé ngwa oo' a heemá?›

ESRA 6:10

As inooín Munguú gawaá doori nguwa ilahhooár muruú ta tsu/i ar sla'atamis i hanmisiya', nee slafíngw waawutmo nee na/iiwós nguwa aleefirina'.

ESRA 6:4

Masók koo/irós kan tleehh hhai tám awa tlaa/eedá' uren, nee hháw wák oo xaai gawaá daanduú kuduú tlaa/eewo. Bu'utuú muruuwí kungu baraá daqaari'iimár waawutmoó wa duuxi.

ESRA 7:23

Umuúqo gár Munguú doori ni ooi as doó Munguú doori i tleehharut, as miwa buúhh daanduú waawuti'iimár waawutmo nee daaqaywose.

NEHEMIA 11:3

Baraá gixsadaá hatlae múk Israeli nee kaahamuusér Mungú, nee múk tlahhoó Laáwiwo, nee xuumuusér afér do', nee xwaylár sagadiyuusér Solomon nina baraá ayeemooín wa hootiyé'.

NEHEMIA 7:6

Mukwí an kudá' naa baraá looháy wa waatl, kudá' Nebukadnesa waawutmoó Babuloni aa loohatís, inooín niri ki/iyé' Yerusalemu nee baraá yaamaá Yuda, umuú heewo baraá gixsarós.

ESTA 1:1

Waawutmo Ahasuero ayeemo ngaa sawaawuti'ín a tsiiru nee mibeeri tsár nee faanqw iimír Indiár wa tleemu ay yaamaá Kushi.

ESTA 1:22

Inós barwadu gina ya/aáw baraá yaamuuwós sleémeero umuú yaamuwo nee gooir'ín, umuú xoororo ar tsifrir'ín, as umuúqo hhawaatuuwo tawa aako dír do'ose, nee kaangwí nguwa alki/iiti dír mukós i ale ar tsifrir'ín.

WARA'AMI 145:3

AAKOÓ MUNGÚ kun úr, masók kun ló'wa xirfayeemiis, nee uraywós heé tsaahharo gu asláw i kaahh.

DANIELI 2:47

Waawutmo Danieli guri báy, «Ar ló', Munguúhúng ku úr ta munguaá hatlae, nee a baalusmoó waawitá, kángw baraá naaqo gu aleesláy geehhooeesaro, asma kuúng kángw naaqoorí ugwa aleesleér geehhooeesaro.»

DANIELI 3:26

Aluuwo Nebukadnesa iri saáp dír afkú bohóngw asltá gufteeri, iri oó', «Aá Shadraki nee Meshaki nee Abednego, sagadiyuusér Munguú Gawa, ti'iitaré', qwalaasé' amoorí.» Aluuwo Shadraki nee Meshaki nee Abednego tari ti'iít baraá asltadá wa aleeró.

DANIELI 4:2

Aníng aga slaá' kaanguú layu nee muruú waa/oo/amo nguwa dirhungí gooiim kudá' Munguú úr naa dir'eéní tleéhh ngiwa dír kuungá' i oo'.

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

DABE 10:17

Asma AAKOÓ MUNGÚ, Munguúhúng inós an Munguú munguaá hatlá' gi baál, nee inós an Aakoó bariise. Inós an Munguú úr nee oo /uuruú koóm nee oo dae tlaáq, inós i barqaantír konká laqaá i slukumár /ayiiká.

DABE 32:31

Looeemaawo tlaa/ar'ín an adór tlaa/areneeká, tam wakuuseerén adoorí gana kilooín ó'.